Vitio o le Tusi a Mamona

Lesona 6: 1 Nifae 1

Mafaufau ma le agaga tatalo i le auala e ono fesoasoani ai Vitio o le Tusi a Mamona i au tagata aoga ia iloa, malamalama, lagona le upu moni ma faaaoga le aoaoga faavae ma mataupu faavae na aoao mai i le Tusi a Mamona.

“Ua Valaauina e le Alii Liae e Avea ma Perofeta” (2:57)

Faaaogaina o Lenei Vitio

E mafai ona e faaalia le vaega muamua o lenei vitio (taofi i le 1:42) nai lo le faitauina o le faamatalaga i le lesona lea e faapea mai:

“Faamalamalama atu o le tala muamua i le Tusi a Mamona na amata i se taimi lea o le toatele o tagata i Ierusalema sa amioleaga.”

Ae e te le’i faaalia le vitio, mafaufau e valaaulia tagata aoga e vaavaai mo ni faataitaiga o le salalau atu o le amioleaga. A uma ona faaali le vitio, valaaulia le tagata aoga e faasoa atu mea sa latou matauina.

“Ua Lapatai Atu le Perofeta o Liae i Tagata o Ierusalema” (4:59)

Faaaogaina o Lenei Vitio

E mafai ona e faaalia le vitio lenei e fesoasoani i tagata aoga ia malamalama i le mataupu faavae lenei o loo ta’ua i le lesona:

“Ua lapatai mai perofeta e faasagatau i le agasala ma aoao mai le faaolataga e ala ia Iesu Keriso.”

Ae e te le’i faaalia le vitio, mafaufau e valaaulia tagata aoga e vaavaai mo le auala na tali mai ai le nuu o Ierusalema i valoaga ma le molimau a Liae.