Vitio o le Tusi a Mamona

Lesona 7: 1 Nifae 2

Mafaufau ma le agaga tatalo i le auala e ono fesoasoani ai Vitio o le Tusi a Mamona i au tagata aoga ia iloa, malamalama, lagona le upu moni ma faaaoga le aoaoga faavae ma mataupu faavae na aoao mai i le Tusi a Mamona.

“Ua Malaga Ese Atu le Aiga o Liae i le Vao” (3:47)

Faaaogaina o Lenei Vitio

O le vaega muamua o lenei vitio (mai le faailoga o le taimi 00:00 i le 02:31) e mafai ona faaaoga e fesoasoani i tagata aoga e talanoaina ai le fesili lenei mai le lesona:

“O le a se mea e mafai ona e aoao mai faaiuga a Liae i mea e tatau ona ave ma mea e tatau ona tuu?”

O le vaega lona lua o lenei vitio (mai le faailoga o le taimi 02:32 i le 03:47) e mafai ona faaaoga e fesoasoani i tagata aoga ia malamalama atili ai i lenei faamatalaga ma faamatalaga o le talaaga:

“Atonu na taitai atu e Liae lona aiga i le Sami Ulaula i tafatafa ane o le Fagaloa o Akapa, pe tusa o le 180 maila (290 kilomita) mai Ierusalema. O lenei mea atonu na manaomia ai le malaga i luga o se laueleele vevela ma toafa, lea na lauiloa mo au faomea o e faatalitali e gaoi mai tagata malaga lē saunia. Ina ua mavae ona taunuu i le Sami Ulaula, sa faaauau ona faimalaga le aiga mo isi aso e tolu, a o le i tolauapi i se vanu o se vaitafe. O le malaga mai Ierusalema i le vanu o se vaitafe atonu na alu ai le tusa o le 14 aso. Atonu e te manao e faamanatu atu i tagata aoga e uiga i lenei mamao ma taimi, pe a latou faitau e uiga ia Nifae ma ona uso i le toe malaga ai i Ierusalema.”

Mafaufau e faaali le vitio pe a uma ona tuuina atu le faamatalaga o le talaaga.

“Ua Tatalo Nifae mo Lamana ma Lemuelu” (6:02)

Faaaogaina o Lenei Vitio

Atonu o le a e faaalia lenei vitio pe a e oo atu i le vaega o le lesona lea e faapea mai:

“Tuu atu i tagata aoga e faitau lemu le 1 Nifae 2:11– 14.”

Mafaufau e faaalia fesili nei mai le anomea o le lesona ma valaaulia tagata aoga e tagai mo ni tali e ono i ai ao latou matamata i le vitio.

“O a nisi o mafuaaga na muimui ai Lamana ma Lemuelu e faasaga i lo laua tama?

I le 1 Nifae 2:11, o le upu ua maaa e faatatau i le faamaualuga po o le ua malo. Aisea e avea ai lagona o le faamaualuga ma auala e taitai atu ai tagata e muimui i nisi taimi?

“Aisea e te manatu ai o le muimui e tupu mai, i nisi taimi, pe a le malamalama tagata i faiga a le Atua?”

A uma ona matamata tagata aoga i le vitio, valaaulia i latou e faailoga ia fasifuaitau mai mau ia na lagolagoina a latou tali. Ona faaauau pea lea o le lesona pei ona otooto atu i le tusi lesona.