Vitio o le Tusi a Mamona

Lesona 17: 1 Nifae 16

Mafaufau ma le agaga tatalo i le auala e ono fesoasoani ai Vitio o le Tusi a Mamona i au tagata aoga ia iloa, malamalama, lagona le upu moni ma faaaoga le aoaoga faavae ma mataupu faavae na aoao mai i le Tusi a Mamona.

“Ua Saunia e le Alii le Liahona” (3:02)

Faaaogaina o Lenei Vitio

E mafai ona e faaalia lenei vitio pe a e oo atu i le vaega o le lesona lea e faapea mai:

“Valaaulia se tagata aoga e faitau leotele le 1 Nifae 16:9–10. Faaali le ata O Le Liahona (62041; Tusi Ata o le Talalelei [2009], nu. 68). Faasino i le faauigaga a le tusiata o le Liahona.

• O a auala e te manatu ai o sea ituaiga meaalofa sa fesoasoani tele ia Liae ma lona aiga i lo latou tulaga na i ai?

“Valaaulia ni nai tagata aoga e feauauai i le faitauina leotele mai o le 1 Nifae 16:16–19.

• Na faapefea ona aoga le Liahona i le aiga o Liae?

• Ina ua mae’a ona maua e le aiga o Liae le Liahona, pe sa faigofie ea la latou malaga, pe sa faigata? O le a le mea ua faamatala mai e Nifae i le 1 Nifae 16:17–19 e lagolagoina ai lau tali?”

Nai lo le faitauina o mau ma faaali atu le ata, e mafai ona e faaalia le vitio lenei, valaaulia ia tagata aooga e vaavaai mo tali i fesili mai lenei vaega o le anomea o le lesona. Atonu e mafai ona e faaalia muamua ia fesili ma mau. A uma ona faaali le vitio, valaaulia tagata aoga e faasoa mai a latou tali i fesili. Ia fautuaina tagata aooga e maka ni fasifuaitau aoga i totonu o a latou tusitusiga paia latou te mauaina i mau e faasino i ai. Ona faaauau lea i le anomea o le lesona.

“Ua Gau ia Nifae Lana Aū” (4:46)

Faaali na o le 2:22 o le vitio atoa e 4:46.

Faaaogaina o Lenei Vitio

E mafai ona e faaalia lenei vitio pe a e oo atu i le vaega o le lesona lea e faapea mai:

“Valaaulia le afa o le vasega e sailiili le leoa le 1 Nifae 16:20–22 i le sailiaina o le auala na tali atu ai nisi o le aiga o Liae i le tofotofoga o le gausia o le aufana a Nifae. Valaaulia le isi afa o le vasega e sailiili le 1 Nifae 16:23–25, 30–32, i le sailiaina o le tali a Nifae i lenei tofotofoga, ma pe na faapefea ona aafia ai lona aiga. A uma ona lipoti mai vaega taitasi i mea na latou mauaina, fesili atu faapea:

• O le a se mea e mafai ona tatou aoaoina mai i le faatusatusaina o nei tali e lua i le tofotofoga lava e tasi?

• Aisea e taua ai le faapea na alu atu Nifae i lona tama mo se taitaiga, e ui lava sa muimui Liae?”

Nai lo le faitauina o mau, e mafai ona e faaalia le vitio lenei, valaaulia ia tagata aooga e vaavaai mo tali i fesili mai lenei vaega o le anomea o le lesona. Atonu e mafai ona e faaalia muamua ia fesili ma mau. A maea le vitio, valaaulia tagata aoga e faasoa mai a latou tali i fesili ma fautuaina i latou e toe iloilo ia mau na lisiina, makaina ia fasifuaitau e fesootai i ai ao latou mauaina i a latou tusitusiga paia. Ona faaauau lea i le anomea o le lesona.