Enero 24

Kasano a Maisaganak ti Bagik a Makiraman iti “Datdatlag nga Aramid” ti Dios?

Doktrina ken Katulagan 3–5

Agiinnuman

Idauluan ti maysa a miembro ti panguluen ti korum wenno klase; agarup 10–20 a minuto

Iti rugi ti miting, aggigiddan a mangulit iti Tema ti Korum ti Aaronic Priesthood wenno ti Tema ti Young Women. Kalpasanna mangidaulo iti panaglilinnawag maipapan kadagiti banag kas iti sumaganad, ken mangplano kadagiti wagas a pangaramidan iti no ania ti paglilinnawaganyo (mabalinmo nga ikeddeng iti miting ti panguluen no ania dagiti banag nga ilawlawag):

• Ti korum wenno klasetayo. Ania ti maaramidtayo tapno mabangontayo ti panagkaykaysa kadagiti miembro ti korum wenno klase? Ania dagiti panggep a tun-oyen a kayattayo a pagtitinnulongan nga aramiden?

• Dagiti pagrebbengan wenno responsibilidadtayo. Ania ti ar-aramidentayo a mangibinglay iti ebanghelio? Ania dagiti padas nga adda kadatayo idi iti panangaramid iti aramid iti templo ken family history?

• Ti biagtayo. Kasano a naimatangantayon ti ima ti Dios iti biagtayo? Ania ti nangparegta kadatayo iti panagadal iti nasantuan a kasuratan iti daytoy a lawas?

Iti ungto ti adalen, no maitutop, aramiden dagiti sumaganad:

• Paneknekam dagiti pagbatayan a naisuro.

• Palagipam dagiti miembro ti korum wenno klase maipapan kadagiti plano ken awis a naaramid bayat ti miting.

Isuro ti Doktrina

Idauluan ti nataengan a lider wenno agtutubo; agarup 25–35 a minuto

Isaganam ti Bagim a Naespirituan

Idi damo a rugian dagiti nagkauna a Santo a dumngeg iti mensahe ti naisubli nga ebanghelio, adu ti nagtarigagay a mangammo no ania ti mabalinda nga aramiden a makatulong iti aramid. Ti ama ni Propeta Joseph Smith, a ni Joseph Smith Sr., ti maysa kadagiti nagkiddaw a mangammo iti pagayatan ti Apo para kenkuana. Ti sungbat ti Apo, a masarakan iti Doktrina ken Katulagan 4, ti nangparegta manipud pay idi kadagiti henerasion dagiti tao nga agserbi iti amin a “puso, kabaelan, panunot ken pigsa” (bersikulo 2). Panagserbi man iti mision wenno panagserbi iti ania man a takem wenno pagrebbengan iti Simbaan, agpada dagiti kualipikasion para iti serbisio: maysa a tarigagay nga agserbi iti Dios a buyogan ti pammati, namnama, panangngaasi, ken ayat (kitaen iti Doktrina ken Katulagan 4:2–6). Kasano a matulongam dagiti miembro ti korum wenno klase a mangpapigsa iti tarigagayda nga agserbi iti Apo ken agsagana para kadagiti gundaway nga agserbi iti masakbayan?

Tapno isagana ti bagim a mangidaulo kadagiti miembro ti korum wenno klase iti daytoy a panagadal, mabalinmo a basaen ken utoben ti maysa wenno ad-adu pay kadagiti mensahe a masarakan iti “Dagiti Pangsuporta a Resources.”

Ti panangaywan kadagiti agkasapulan ket paset ti aramid ti pannakaisalakan.

Aggigiddan a Masursuruan

Mabalin a naparegta dagiti miembro ti korum wenno klase nga agserbi iti Apo a napaspasnek babaen iti panangbasa iti Doktrina ken Katulagan 3–5 iti daytoy a lawas. Tapno maallukoy ida a mangibinglay kadagiti kapanunotanda, mabalinmo nga awisen ida a mangipapan nga agap-aplayda iti maysa a trabaho. Ania dagiti kualipikasion nga ikabilda iti resume wenno isaritada iti maysa nga interbyu iti trabaho. Mabalinda nga irebyu ti Doktrina ken Katulagan 4 ket ilasinda dagiti kualipikasion a kasapulan ti Apo para kadagiti agtarigagay a makiraman iti aramidna. Pumili iti maysa wenno ad-adu pay nga aktibidad iti baba a mangtulong kadagiti sursuruam a mangibilang no ania ti maaramidda tapno ad-adda a naan-anay a makiramanda iti “datdatlag nga aramid” ti Apo (Doktrina ken Katulagan 4:1).

• Tapno matulongan dagiti sursuruam a makasursuro no kasano a mabalinda ti makiraman iti panangpadaras iti aramid ti pannakaisalakan, isurat iti pisarra ti sumaganad a panangilawlawag iti kaipapanan ti aramid ti pannakaisalakan: Awisen ti Dios ti amin nga umasideg ken ni Cristo ket tumulong iti aramidna babaen ti panagbiag iti ebanghelio ni Jesucristo, panagaywan kadagiti agkasapulan, panangawis iti amin nga umawat iti ebanghelio, ken panamanagkaykaysa kadagiti pamilia para iti kinaagnanayon. Awisem dagiti miembro ti korum wenno klase a mangilawlawag no kasano a dagiti kababalin a nakalista iti Doktrina ken Katulagan 4 makatulong kadakuada a mangaramid iti tunggal paset ti aramid ti pannakaisalakan. Bingaybingayem dagiti agtutubo iti kada grupo, ket pailawlawag iti tunggal grupo dagiti wagas a mabalin a pangpadur-asanda kadagitoy a kababalin. Ania ti maaramidtayo tapno mapagbalintayo ti aramid ti pannakaisalakan a napatpateg a paset ti panagbiagtayo?

• Awisem dagiti miembro ti korum wenno klase a mangrebyu iti maysa kadagiti mensahe a masarakan iti “Dagiti Pangsuporta a Resources,” a mangsapsapul iti adaw a mabalinda nga ibinglay maipapan iti no kasano nga agserbi a sipupudno iti Apo kadagiti takem iti Simbaan, naituding nga aramiden, ken dadduma pay a pagrebbengan. Paibinglay kadakuada ti adaw a pilienda ken no apay a nasarakanda a napateg daytoy. Kasano a mayaplikardanto no ania ti nasursuroda itan ken iti masakbayan?

• Mabalin nga agsagsagana nga agserbi kas missionary ti sumagmamano a miembro ti korum wenno klase. Mabalinmo nga idawat kadakuada a mangibinglay no kasano nga agsagsaganada nga agserbi. Tapno maallukoy ida kadagiti panagkagumaanda, mabalinmo nga ibinglay ti saludsod a kinuna ni Elder David A. Bednar a masansan a madamag kenkuana: “Ania ti mabalinko nga aramiden tapno kasamayan ti panagsaganak kas maysa a full-time missionary?” (“Becoming a Missionary,” Liahona, Nob. 2005, 45). Kasano a sungbatan dagiti miembro ti korum wenno klase daytoy a saludsod? Ania dagiti nalawag a pannakaammo ken pannakaawat [insights] nga inted ni Elder Bednar? Mabalinmo nga awisen ti maysa wenno ad-adu pay a nagsublin a missionary tapno mangibinglay no ania ti inaramidda nga agsagana para iti mision ken no ania ti tarigagayanda koma nga inaramid.

Agtignay iti Pammati

Allukoyem dagiti miembro ti korum wenno klase a mangutob ken mangisurat no anianto ti aramidenda nga agtignay kadagiti parikna nga inawatda ita nga aldaw. Kasano a mainaig ti adalen ita nga aldaw kadagiti bukod a panggep a tun-oyen nga inaramidda? No kayatda, mabalin nga ibinglay dagiti miembro ti korum wenno klase dagiti kapanunotanda.

Dagiti Pangsuporta a Resources

• Mateo 28:19–20; Doktrina ken Katulagan 18:9–16; 50:13–14; 88:81 (Adda pagrebbengantayo a mangibinglay iti ebanghelio)

• Dieter F. Uchtdorf, “The Greatest among You,” Liahona, Mayo 2017, 78–81

• Carl B. Cook, “Serve,” Liahona, Nob. 2016, 110–12

• “Preparing to Serve,” ChurchofJesusChrist.org/topics/missionary-preparation

Panangisuro iti Wagas ti Mangisalakan

Inawis ti Mangisalakan dagiti disipulona nga agpaneknek, ken kas inaramidda idi, sinagid ti Espiritu dagiti pusoda. Kabayatan ti panagisurom maipapan iti panagtungpal, kas pagarigan, awisem dagiti miembro ti korum wenno klase a mangibinglay kadagiti pammaneknekda iti kinapateg ti panagtungpal kadagiti bilin. (Kitaen iti Panangisuro iti Wagas ti Mangisalakan [2016], 11, 32.)