E tataro Kristo

Christ in Gethsemane, iroun Heinrich Hofmann

Maati 28

Bukin Tera I Kainnanoa Ana Mwakuri ni Kamaiu Iesu Kristo?

Reirei ao Berita aika Tabu 29

te aikaon ibukin te uaia ni marooro

Uaia ni Marooro

Kairaki iroun kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, manga atonga riki Ana Botoniango Te Nakoanibonga ae te Aaron ke Ana Botoniango te Bootaki n Ataeinnaine. Ngkanne kaira te marooro iaon bwaai n aron aikai, ao bairei kawai aika kam na karaoi iaon bwaai aika kam maroroakin (kam kona ni bairei inanon ami bowi n beretientii bwaai aika a na maroroakinaki):

• Ara kooram ke ara kiraati. Tera ae ti kona ni karaoia ni karika te bonano imarenaia kaain te kooram ke te kiraati? Baikara kouru ae ti tangiria ni bane n uaia ni mwakurii?

• Ara beku ke mwiokoara. Tera ae ti karaoia n tibwaua te euangkerio? Baikara baika ti a tia n rinanoi ni karaoan te mwakuri n te tembora ao n rongorongon te utu?

• Maiura. Ti kanga n tia n nora bain te Uea inanon maiura? Tera te namakin n tamnei ae e a tia n reke iroura inanon tain kamatebwaian booki aika tabu n te wiiki aei?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringiia kain te kooram ke te kiraati iaon te baire ao te kakao are a karaoia n tain te bootaki.

te aikaon n reirei te reirei

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

E reirei Beretitenti Ezra Taft Benson: “N aron te mwaane ae aki kainnanoa raoi te amwarake ni karokoa ae a bon baki, ngaia ae e aki kainnanoa ana kamaiu Kristo ni karokoa e ataa bukina ngkai e kainnanoa Kristo. Bon akea ae ataia raoi bwa bukin tera e kainnanoa Kristo ni karokoa e ataia ao ni butimwaea reirein te Bwaka ao mwiina nakoia aomata ni kabane” (“Ana Boki Moomon ao Reirei ao Berita aika Tabu,” Ensign, Meei 1987, 85). Ngkana ko kamatebwaia Reirei ao Berita aika Tabu 29 n te wiiki aei, ko na bae n noora ana kabwarabwara te Tia Kamaiu n te Bwaka ao ti kanga ni kamaiuaki mai iai. Ko kanga ni karekea am koaua iroun Iesu Kristo ao Tabena ngkai am Tia Kamaiu ao te Tia Kabooira? Iangoia bwa e kanga kakorakorakin aia koaua kaain am kooram ke am kiraati Irouna ni kona ni bitiia. Ngkai ko katauraoi, iangoia ni kamatebwaia “Agency and the Fall of Adam and Eve,” “The Atonement of Jesus Christ,” and “The Divine Mission of Jesus Christ” n te mwakoro 3 of Tataekina Au Euangkerio ([2019], 49–52, 60–61).

ataeinnaine n te kiraati

Bukina bwa e kamaiura te Tia Kamaiu man te Bwaka, ti kona ni karekea te kimwareirei.

Te Uaia n Reirei

Ni kabwarabwara te marooro n te bong aei, ko kona ni kaoia naake ko reireiniia ni koroi iaon te burakibooti te bwai ae ataia ibukin Bwakan Atam ao Ewa. Te katooto, tera ae a reiakinna n te Bwaka man Reirei ao Berita aika Tabu 29:36–50? Tera koauan te Bwaka ae ti noria irarikira? Waaki ni kakukurei aika oti inano ana kona ni buoka am kooram ao am kiraati ni kunea bwa e kanga Ana mwakuri ni kamaiu Iesu Kristo ni buokiira n tokanikai iaon mwiin te Bwaka.

• N te aro bwa ko na ota raoi riki iaon Bwakan Atam ao Ewa, a kona kaain te kooram ao te kiraati ni wareka “Fall” in True to the Faith (56–59) or “Agency and the Fall of Adam and Eve” n te mwakoro 3 n Preach My Gospel (49–50). Kaoia bwa ana iangoia ae e titirakiniia raoraoia, “Bukin tera I kainnanoa Iesu Kristo?” Kaoia bwa ana reireiniia n tatabemaniia nako ni kakauoman bwa ana kanga ni kaekaa te titiraki anne ae boboto iaon te bwai ae a reiakinna man aia wareware.

• Ko na kanga ni buokia kaain te kooram ke te kiraati n reirei man booki aika tabu bukina ngkai a kainnanoa Ana Mwakuri ni kamaiu Iesu Kristo? Teuana te kawai bon korean tabeua kiibu man koroboki aika tabu man “Reitan Bwaai n Mwakuri” iaon te burakibooti ao imwiina korea te rongorongo ni kakimototo ibukin kiibu iaon mwakorokoro ni beeba. Anganiia kaain te kooram ke te kiraati n tatabemaniia nako teuana te mwakorokoro ni beeba. Kaoia bwa ana korei kiibu man koroboki aika tabu ake a koreaki iaon te burakibooti ao kakaea teuana ae boraoi ma te rongorongo ni kakimototo. (Tabeua rongorongo a kaineti nakon ae raka riki koroboki aika tabu.) Kaoia kaain te kooram ke te kiraati n tatabemaniia bwa ana wareka te kibu man koroboki aika tabu ni kabaibati are e boraoi ma aia rongorongo ao n tibwaua te bwai ae a reiakinna iaon bukina ngkai ti kainnanoa ana Mwakuri ni kamaiu te Tia Kamaiu.

• Kaoia kaain te kooram ke te kiraati bwa ana kaekai titiraki n aron aikai: I kanga ni kakabwaiakaki rinanon Ana mwakuri ni kamaiu Iesu Kristo? Tera ae na tangiria te Tia Kamaiu bwa n na bitaki iai bwa I aonga n rangin n taneiai ma kakabwaia n Ana mwakuri ni kamaiu? Ngkanne tuangiia bwa ana bootaki ni maroroakina te moan n titiraki. A kona n rinanon “The Atonement of Jesus Christ” ao “The Divine Mission of Jesus Christ” inanon te mwakoro 3 n Tataekina Au Eungkerio (51–52, 60–61) ao teuana ke e mwaiti riki te witeo n “Supporting Resources.” Kaoiia bwa a na tibwaua te bwai are a reiakinna.

Mwakuri inanon te Onimaki

Kaungaiia kain te kooram ke te kiraati ni iangoia ao korea mwiin te bwai are a na karaoia ni karaoa nanon te namakin are a karekea n te bong aei. E kanga te reirei n te bong aei ni irekereke ma oin aia kouru are a tia ni karaoia? Ngkana a tangiria, a kona kaain te kooram ke te kiraati n tibwa aia iango.

Reitan Bwaai n Mwakuri

• Reirei ao Berita aika Tabu 19:16–19 (Iesu Kristo e kabwarai ara bure bwa ti aonga n aki karawawataaki ngkana ti rairinanora)

• 2 Nibwaai 9:6–16; Aramwa 42:6–9 (Iesu Kristo e kamaiuira man te mae ao moone)

• 2 Nibwaai 2:5–10; Ereman 14:15–17 (Ti rinanon Iesu Kristo ae ti kona n okira iai te Atua)

• Motiaea 3:7; Aramwa 7:11–13 (Bukina bwa Kristo e katokai Iaona rawawatara ao ara bure, E ataia bwa e na kanga ni buokiira)

• Mote 5:10–12 (Bukina bwa e kamaiuira te Tia Kamaiu man te Bwaka, ti kona ni kunea te kimwareirei)

• Walter F. González, “The Savior’s Touch,” Liahona, Nobembwa. 2019, 90–92

• “Where Justice, Love, and Mercy Meet,” “Why We Need a Savior,” “The Atonement Enables Us” (witeo), ChurchofJesusChrist.org

Anga Reirei n Ana Kawai te Tia Kamaiu

E tataro te Tia Kamaiu ibukiia Ana reirei ao n reitinako ni beku ibukiia. E reke ana tai ni mena irarikiia ao ni kaota Ana tangira. Tera te bwai ae ko na karaoia ae na ti tebo ma ake ko na anga reirei iaona? (Tara Reirei n Ana Kawai te Tia Kamaiu [2016], 6.)