te ataeinnaine ae tataro

Meei 9

E Kanga te Tamnei ae Raoiroi ni Kakabwaiaai ni Katoa Bong?

Reirei ao Berita aika Tabu 46–48

te aikaon ibukin te uaia ni marooro

Te Uaia ni Marooro

Kairaki iroun kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, manga atonga riki Ana Botoniango Te Nakoanibonga ae te Aaron ke Ana Botoniango te Bootaki n Ataeinnaine. Ngkanne kaira te marooro iaon bwaai n aron aikai, ao bairei kawai aika kam na karaoi iaon bwaai aika kam maroroakin (kam kona ni bairei inanon ami bowi n beretientii bwaai aika a na maroroakinaki):

• Ara kooram ke ara kiraati. Antai ae e kainnanoa ara ibuobuoki ao ara tataro? Tera ae ti kona ni karaoia ni buokiia? Antai ae ti na kaoa nakon te waaki ni kakukurei ae e na roko?

• Ara beku ke mwiokoara. Tera katabeara aika ti a tia ni kakoroi nanoia? Tera katabeara aika ti riai ni karaoi? E kanga aron kaoakiia tabeman nakon Kristo mai mwaina, ao ti na kanga ni kaoiia ngkai?

• Maiura. Tera te bwai ae ti a tia n rinanona mai mwaina ae e a tia ni kakorakora ara koaua? Baikara bwaai aika a riki inanon maiura, ao ti na kanga ni kateimatoaira ibon imarenara?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringiia kain te kooram ke te kiraati iaon te baire ao te kakao are a karaoia n tain te bootaki.

te aikaon n reirei te reirei

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

A mwaiti kaain te Ekaretia ni moan ririkin te Ekaretia ae kaokaki ake a tia n wareka aron kaotin te Tamnei ae Raoiroi inanon Koroboki aika Tabu (taraa Mwakuri 2:1–4; 13:52; 1 1-Ikorinto 12:4–11; 3 Nibwaai 19). Bukina bwa kaain te kooram ke te kiraati a kamatebwaia Reirei ao Berita aika Tabu 46–48 n te wiiki aei, a na bae n tia n reiakinna bwa te Uea e kukurei nanona ni kan reireiniia Aika Itiaki aikai iaon kakabwaia aika e kona ni uoti te Tamnei ae Raoiroi nako nanon maiuia. Tera taneiai aika e a tia n reireiniko bwa e kanga te Tamnei ae Raoiroi ni kakabwaiako? E kanga te Tamnei ae Raoiroi ni buokiia naake ko reiakiniia ni bwaai ni kabane aika riki inanon maiuia?

Ibukin buokam n tauraoi n anai nanoia kaain am kooram ke am kiraati bwa a na ukoukora te Tamnei ae Raoiroi, ko na rinanon “Roles of the Holy Ghost” in True to the Faith ([2004], 82) ao ana rongorongo Unimwaane Gary E. Stevenson “How Does the Holy Ghost Help You?” (Riaona, Meei 2017, 117–20).

a wareki booki aika tabu ataeinnaine inanon te kiraati

Te Tamnei ae Raoiroi e kona ni buokiira ni kaotaira ao n reireiniira koauan te euangkerio.

Te Uaia n Reirei

Koroboki aika Tabu a anga katooto aika a mwaiti iaon te bwai n tangira n tamnei. Ko na kanga ni buoka aia onimaki kaain ami kiraati ke kaain am kooram bwa a kona n noraki bwaintituaraoi aikai inanon maiura n te bong aei? Ko kona ni moanna man kaoakiia bwa a na koroi iaon te burakibooti bwai n tangira n tamnei ake a kabwarabwaraaki inanon Reirei ao Berita aika Tabu 46:7–33 ao ni maroroakinii bwa a kanga n nooria ni kakoauaaki ni maiuia ke ni maiun temanna ae a kina.

Ni ikotaki ma ana bwaintituaraoi te Tamnei, te Tamnei ae Raoiroi e kakabwaiaira n anga aika a mwaiti. Ko kona ni kabonganaa teuana ke e mwaiti riki te waaki ni kakukurei ni buokiia kaain te kooram ke te kiraati ni kaotaia raoi n te bwai aei.

• N tabetai ti taku bwa ti kainanoa te Tamnei ae Raoiroi tii ibukin ara iango ke waaki inanon maiura. Ko na kanga ni buokiia naake ko reireiniia bwa a na ataia bwa te Tamnei ae Raoiroi e kona ni karaoi aika a bati riki ibukiia? Ko kona ni kamaenakoa te kooram ke te kiraati inanon kurubu aika a uarereke ao n tuangiia kurubu aikai bwa a na wareka teuana ke e mwaiti riki koroboki aika tabu man “Reitan Bwaai n Mwakuri.” Temanna man kurubu a na tibwauaia bwa tera ae a tia n reiakin. Ao ngkanne kaoiia kaain te kooram ke te kiraati bwa a na koroi anga ae na kona te Tamnei ae Raoiroi ni kakabwaia bongin maiuia. Ngkana a tibwauai bwaai akanne, ao a na maroro iaon bwaai aika a na kona ni karaoi bwa e aonga te Tamnei ae Raoiroi ni mena irouia ni katoa bong.

• Teuana te kawai ae na kona ni buokiia naake ko reireiniia bwa a na ataia bwa e kanga te Tamnei ae Raoiroi ni buokiia bon man korean titiraki aikai iaon te burakibooti: Tera ae ti ataia ibukin te Tamnei ae Raoiroi? E na kanga te Tamnei ae Raoiroi ni buokiira? Ngkanne te kooram ke kaain te kiraati a na kakaai aia reke man a na rongorongo Unimwaane Gary E. Stevenson “How Does the Holy Ghost Help You?” (Riaona, Nobembwa 2017, 117–20). A na kona ni karekei kaeka man rinanoakin “Roles of the Holy Ghost” inanon True to the Faith (iteraniba 82). Ngkana e riai, tibwaua te bwai ae ko rinanona ae e riki man te Tamnei ae Raoiroi, ao ni kaoiia kairake bwa a na tibwaua aia taneiai ae a tia ni karekea.

• A kona kaain te kooram ke te kiraati ni wareka “Personal Revelation” ke “Learn to Recognize the Promptings of the Spirit” ni mwakoro 4 n Tataekina Au Euangkerio ([2019], 95–96, 102–3). Ngkanne a kona n riki bwa aongkoa mitinare ake a reireiniia naake ake a tuai man ongo bwa e kanga te Tamnei ae Raoiroi ni kona ni kakabwaia maiuia. Tera te bwai ae ana taekinna nakoia?

Mwakuri inanon te Onimaki

Kaungaiia kain te kooram ke te kiraati ni iangoia ao korea mwiin te bwai are a na karaoia ni karaoa nanon te namakin are a karekea n te bong aei. E kanga te reirei n te bong aei ni irekereke ma oin aia kouru are a tia ni karaoia? Ngkana a tangiria, a kona kaain te kooram ke te kiraati n tibwauai aia iango.

Reitan Bwaai n Mwakuri

• Ioane 14:16–27 (Te Tia Karaunano e kona n reireiniira ao ni uoti bwaai ni kabane nakon ara ururing)

• Ioane 15:26; Reirei ao Berita aika Tabu 42:17; Mote 1:24 (Te Tamnei ae Raoiroi e kaota koauan te Tama ao te Nati)

• I-Rom 8:16 (Te Tamnei e kakoaua bwa bon natin te Atua ngaira)

• 2 Nibwaai 32:5; Reirei ao Berita aika Tabu 18:18 (Te Tamnei ae Raoiroi e na kaotii nakoira bwaai aika ti riai ni karaoi)

• 3 Nibwaai 27:20 (Te Tamnei ae Raoiroi e katabuira)

• Moronaai 8:26 (Te Tamnei ae Raoiroi e na kaoniira ma te kantaninga ao te tangira)

• Moronaai 10:5 (Te Tamnei ae Raoiroi e na reireiniira koauan bwaai ni kabane)

Anga Reirei n Ana Kawai te Tia Kamaiu

E tibwauai te Tia Kamaiu karaki, kaikonaki, ao katotoon maiuna aika bebete n reirei n te kawai ae riai nakoia Ana reirei. Tera am taneiai aika ko kona n tibwauai ma kairake ni buokiia bwa a na ataa taben te Tamnei ae Raoiroi ao n namakina kainanoan ukoukoran taneiai aikai? (Taraa Reirei n Ana Kawai te Tia Kamaiu [2016], 22.)