“Tuun 13. N na Kanga n Totokoi Tamnei aika Bubuaka? Reirei ao Berita aika Tabu 63,” Nakomai, Iriirai—Ibukin te Kooram n te Nakoanibonga ae te Aaron ao aia Kiraati Ataeinnaine: Atuun Reirei 2021 (2020)
“Tuun 13. N na Kanga n Totokoi Tamnei aika Bubuaka?” Nakomai, Iriirai—Ibukin te Kooram n te Nakoanibonga ae te Aaron ao aia Kiraati Ataeinnaine: Atuun Reirei 2021
Tuun 13
N na Kanga n Totokoi Tamnei aika Bubuaka?
Uaia ni Marooro
Kairaki iroun kaain te beretitentii n te kooram ke te kiraati; e na kabanea 10–20 te miniti
Ni moan waakin te bootaki, manga atonga riki Ana Botoniango Te Kooram n te Nakoanibonga ae te Aaron ke Ana Botoniango te Bootaki n Ataeinnaine. Ngkanne kaira te marooro ibukin bwaai n aron akana imwiina, ao bairei kawai ake kona mwakuri ni bwaai ake ko maroroakin (ko kona ni baireia tera bwaai ake a na maroroakinaki inanon te boowi ni beretitentii):
-
Ara kooram ke ara kiraati. Tera taian waaki ni kakukurei aika ti a tibwa tia ni karaoi? A nakoraoi karaoaia? A ngaa iai aika a nakoraoi, ao ti na kanga ni katamaroai?
-
Ara beku ke mwiokoara. Antai ae e kainnanoa ara ibuobuoki? Ti na kanga ni buokiia?
-
Maiura. Baikara kouru ae ti mwakuri iaoia i bon iroura n tatabemaniira? Tera baika ti rinanoi inanon maiura ae ti kona n tibwauaia? Tera kakabwaia ake ti a tia ni karekei?
N tokin te reirei, ngkana e riai, karaoi waaki aikai:
-
Kaota koauan te reirei are e reiakinaki.
-
Kauringiia kain te kooram ke te kiraati iaon te baire ao te kakao are a karaoia n tain te bootaki.
Reirei te Reirei
Kairaki iroun te tia kairiiri ae ikawai ke te kairake; e na kabanea 25–35 te miniti
Katauraoiko n te Maiu n Tamnei
A bae n tia kaain te kooram ke te kiraati ni kamatebwaia Reirei ao Berita aika Tabu 63 n te wiiki aei ao ni wareka taekan ana kauring te Uea nakoia Aika Itiaki n taai ake ngkoa ibukin kamamaten te kaibwabwaru—te kauring are E anga ao ni kaokiokia (taraa Reirei ao Berita aika Tabu 63:13–16; Mataio 5:27–28; 3 Nibwaai 12:27–30). Ngkai a kaineti ma kauring aikai nakoia aomata inanon taai ma rooro, a kaineti riki n ae kawaekoa inanon ara bong, ngke tamnei aika bubuaka bon te aoraki ae kabuta. Tera kabuanibwai ao karawawata ni kaineti ma tamnei aika bubuaka are a kaitara ma ngaai kaain am kooram ke am kiraati? Tera reirein te euangkerio ao totoko ma bwain baire ake a na kona ni buokiia ni kateimatoa itiakin aia iango ao aia mwakuri?
Ngkai ko katauraoi n anga reirei, iangoia ni manga rinanoa “Waaki ni Kakibotu ao Bwaai ni Kaongora” ao “Itiaki man te Wenenibure” inanon Ibukin Kakorakoraia Kairake ([2011], 11–13, 35–37) and E Riai te Raoiroi ni Katamaroa Am Iango (boki ae uarereke, 2006).
A kona kaain te kooram ke te kiraati ni kakorakoraia i bon imarenaia n totoakan tamnei aika bubuaka.
Te Uaia n Reirei
Ni waakina te marooro ibukin tamnei aika bubuaka, ko kona ni kaoiia kaain te kooram ke te kiraati bwa a na wareka Reirei ao Berita aika Tabu 63:13–16 ao maroroakin atatai man kiibu aikai are a na buokaki ni kamatataaki bukin tera ngkai a rangi ni kaikoaki tamnei aika bubuaka. Ni buokiia kaain am kooram ke am kiraati ni kamatataaki bwa a na kanga ni totokoi tamnei aika bubuaka, kabongana teuana ke ae mwaiti riki mai buakon waaki akana imwiina. Ni kainan am marooro, ko na namakina kairam iroun te tamnei ni maroroakinna e kanga te bitiobi ni kona ni buokiia naake a irekereke ma tamnei aika bubuaka (taraa Ibukin Kakorakoraia Kairake, 12, 37).
-
A bae n iai aia titiraki kaain am kooram ke am kiraati ibukin totokoan tamnei aika bubuaka. Ni buokiia kakaei taian kaeka, ko kona ni korei titiraki akana imwiina iaon te burakibooti Tera tamnei aika bubuaka? Bukin tera ngkai e kaikoaki? Ti na kanga ni kararoaira man kariirin tamnei aika bubuaka? Ni buokiia kain te kooram ke kain te kiraati kakaei kaeka nakon uoua moan titiraki, tuangiia bwa a na manga rinanona “Tamnei aika Bubuaka” inanon Koaua nakon te Onimaki (iteraniba117–18) ao “Waaki ni Kakibotu ao Bwaai ni Kaongora” ao “Itiaki man te Wenenibure” inanon Ibukin Kakorakoraia Kairake (iteraniba 11–13, 35–37). Ni buokiia ni kakaea kaekaan te kateniua n titiraki, tuangiia bwa a na manga rinanoa Karikani Bai 39:1–12; I-Rom 12:21; 2 Timoteo 2:22; Aramwa 39:3–9; Moronaai 10:30; Reirei ao Berita aika Tabu 27:15–18; 121:45–46. Kaoia bwa a na tibwauai kaeka ake a kunei.
-
Ni buokiia kaain am kooram ke am kiraati ni kunei kawai n totokoi tamnei aika bubuaka, ko na tuangiia bwa a na rinanoa ana rorongorongo Unimwaane Jeffrey R. Holland “Place No More for the Enemy of My Soul” (Riaona, Meei 2010, 44–46) ao ana rongorongo Titita Linda S. Reeves “Protection from Pornography—a Christ-Focused Home” (Riaona, Meei 2014, 15–17). Ko bae n iangoia aongkoa are a marooro ma natiia n taai aika a na roko ae te mwaane ke te aine bwa bukin tera ngkai e rangi n urubwai ao e na kanga n totokoaki. Tera te rongorongo are a na tibwauaia man rongorongon te maungatabu ake a karekei? Kaoia bwa a na ikatoatoa n tibwauai taian kaeka ake a kunei. Tuangiia naba bwa a na korei baike a na karaoi n totokoi tamnei aika bubuaka.
-
Kaoiia naake ko reireiniia bwa a na wareka 1 Korinto 10:13 ao Aramwa 13:28. Titirakiniia a kanga n taku n aia iango bwa koroboki aika tabu aikai a irekereke ma totokoan tamnei aika bubuaka n te bong aei. Ko kona naba n tuangiia bwa a na iangoia aongkoa iai raoraoia ae rootaki n tamnei aika bubuaka ao e tangiria ni kan raira nanona. Tera aia kukune are a na buoka raoraoia ni koroboki aika tabu iaan “Reitan Bwaai n Mwakuri” ao iaon iteraniba 1–4 n te boki ae uarereke E Riai te Raoiroi ni Katamaroa Am Iango? Tera are e na buoka raoraoia ni kamataataki bwa e kona te bitiobi ni buoka teuanne ke neienne? (taraa Ibukin Kakorakoraia Kairake, 12, 37).
Mwakuri inanon te Onimaki
Kaungaiia kain te kooram ke te kiraati ni iangoia ao korea mwiin te bwai are a na karaoia ni karaoa nanon te namakin are a karekea n te bong aei. E kanga te reirei n te bong aei ni irekereke ma oin aia kouru are a tia ni karaoia? Ngkana a tangiria, a kona kaain te kooram ke te kiraati n tibwa aia iango.
Reitan Bwaai n Mwakuri
-
Itaia 1:18; Motiaea 4:2; Reirei ao Berita aika Tabu 58:42–43 (A kona ni kabwaraaki ara bure ngkana ti rairi nanora)
-
1 Nibwaai 17:3; Motiaea 24:14–15; Aramwa 26:12 (Te Atua e na kakorakorai ara konabwai ni kawakinan tuua)
-
Taian“Aomata” mwakoro man AddressingPornography.ChurchofJesusChrist.org
-
“Watch Your Step,” “To Look Upon,” “Chastity: What Are the Limits?” “Pornography Addiction: Is There Hope?” “Redeeming the Dead Redeemed Me” (videos), ChurchofJesusChrist.org
Reirei n ana Kawai te Tia Kamaiu
Ngkai ko anga reirei n aron ana reirei te Tia Kamaiu, a na kona kaain te kooram ke te kiraati n angan koraan te euangkerio n nnena, bwa e na unikaki inanoia, ni bwebwerake, ao n rikirake ni maiu. Tera ae ko kona ni karaoia bwa ko na buokiia ni kabonganai booki aika tabu ni kamatataaki ni mwaakan ao tamaroan maiuakinan te maiu ae raoiroi?