Iesu Kristo

Te Uea Iesu Kristo, iroun Del Parson

Tuun 27

N na Kanga ni Katauraoi Ngkai ni Katea te Mweenga ae Aanaki Iroun Kristo?

Reirei ao Berita aika Tabu 67–70

te aikaon ibukin te uaia ni marooro

Uaia ni Marooro

Kairaki iroun kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, manga atonga riki Ana Botoniango Te Nakoanibonga ae te Aaron ke Ana Botoniango te Bootaki n Ataeinnaine. Ngkanne kaira te marooro iaon bwaai n aron aikai, ao bairei kawai aika kam na karaoi iaon bwaai aika kam maroroakin (kam kona ni bairei inanon ami bowi n beretientii bwaai aika a na maroroakinaki):

• Ara kooram ke ara kiraati. Antai aika a boou n ara uoote, ao ti na kanga ni kaotia nakoia bwa a butimwaeaki? Tera ae ti karaoia bwa e aonga ni manena ara tai n ara kooram ke ara kiraati?

• Ara beku ke mwiokoara. Baikara katabeara ao tibwangara ngkai ataeinimwane ao ataeinnaine ngaira? Ti na kanga ni kakoroi nanoia?

• Maiura. Tera ae ti karaoia bwa ti aonga ni katotonga riki Iesu Kristo ao ni karekea Mwakana inanon maiura? Tera ae ti karaoia ni buokiia ara utu n roko Nakoina?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringiia kain te kooram ke te kiraati iaon te baire ao te kakao are a karaoia n tain te bootaki.

te aikaon n reirei te reirei

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

Reirei ao Berita aika Tabu 68 e raonaki ma reirei nakoia kaaro are e na taraa n aki waekoa ni kaineti nakoia kaain te kooram ke te kiraati (tarai kiibu 25–28). E ngae n anne, bukina bwa a kona ni karekea te kairoro ae korakora iaon aia utu ae ngkai ao ae na roko, e kona te reirei aei ni buokiia ngkai. Te kabanea n tamaroa ni kawai ibukiia ni katauraoi ni karekea te mweenga ae boboto iroun Kristo n te tai ae na roko bon te “eti raoi n nakonako i matan te Uea” n te bong aei (te kibu 28).

Tera kakabwaia ae a tia n roko nakoia am utu bukina bwa ko a tia n irii ana reirei te Tia Kamaiu? Ana kanga kaain te kooram ke te kiraati ni buokiia aia utu ni katea te mweenga ae aanaki iroun Kristo? Ni katauraoiko n anga reirei, ko kona n rinanon ana rongorongo Beretitenti Henry B. Eyring “Te Mweenga are Maeka Iai Tamnein te Uea” (Riaona, Meei 2019, 22–25) ao “Te Utu: Te Utu: Te Katanoata nakon te Aonaaba” (ChurchofJesusChrist.org).

te ataeinnaine ni katanga te biano

Ti kona n namakina te tangira ae korakora inanon ara utu ngkana ti kabotoa mweengara iroun Kristo.

Te Uaia n Reirei

Ni buokiia kaain am kooram ke te kiraati n taraia bwa e kanga Reirei ao Berita aika Tabu 68:25–28 ni kaineti nakoia, ko kona n tuangiia bwa ana korea te kabwarabwara ae kimototo n te bwai ae a tangiria n aron tein maiuia aia utu nakon taai aika na roko. Kam kona n tuangiia bwa ana tibwaua te bwai ae a koroia ngkana a tangiria. Ngkanne a kona ni wareka Reirei ao Berita aika Tabu 68:25–28 ao n taratara reirein te euangkerio ao reirei aika a na kona ni buokiia ni katea aia utu aika raoiroi ngkai ao n taai aika ana roko. A kona waaki ni kakukurei aika oti inano ni buokiia ni kaotaia bwa e kanga karikan Kristo bwa te bwai ae kakaawaki n aia utu.

• Te kaitiua ni barakarabe n te “Te Utu: Te Katanoata Nakon te Aonaaba” iai inanona koaua aika a kona ni buokiia kooram ao te kiraati ni kabotoa mweengaia iaon te Tia Kamaiu. Kaoia bwa ana wareka te barakarabe aei ao ni kunei reirei ao reirei ake a na buoka te utu bwa e na kukurei. Ko na bae n tangiria ni koroi bwaai aikai iaon te burakibooti ao n titirakiniia naake ko reireiniia bwa bukin tera a na buoka te utu bwa a na kukurei. Kaain te kooram ke te kiraati a na tangiria n tibwauaia bwa a kanga n tia noori reirei ao reirei aikai ni kabongaki inanon oin ke n aia utu tabeman. Kaungaia bwa a na iangoia bwa a na kanga ni kabongana teuana mai ibuakon moan tua inanon maiuia ngkai. Kakoaua nakoia bwa a kona ni karaoa Iesu Kristo bwa te bwai ae kakaawaki ni maiuia, n aki tabe bwa a nako man te utu raa.

• A kona kaain te kooram ke te kiraati ni maroroakin bwaai ake e na kateimatoa te Tia Kamaiu inanon mweengara ao bwaai ake Ana totokoia n riki bwa aan mweengara ae kakaawaki. Ko na bae ni butiia kurubu n tatabeua nako ke aika uarereke n rinanon teuana te barakarabe n ana rongorongo Beretitenti Henry B. Eyring “Te Mweenga Are Maeka Iai Tamnein te Uea” (Liahona, Meei 2019, 22–25) ni kakaai reirei ake a kona ni buokia ni karikii mweengara bwa a na aanaki iroun Kristo. Kaoia kaain te kooram ke te kiraati bwa ana tibwaua te bwai ae a reiakinna ao n rinea te bwai teuana ae ana karaoia n te wiiki ae na roko ni karika mweengaia bwa e na boboto riki iaon Iesu Kristo ao Ana reirei.

• Tao ko kona n tuanga temanna ke e mwaiti riki kaain te kooram ke te kiraati bwa ana anenea ke ni wareka te anene ibukin te mweenga ao te utu, n aron “Home Can Be a Heaven on Earth” (Boki n Anene, nambwa. 298) ke “Love Is Spoken Here” (Aia Boki n Anene Ataei, 190). Tabeman a kona ni kakauongo nakon te bwai ae reirei te anene ibukin karaoan te mweenga bwa te tabo ae kakukurei. Kaoia bwa ana tibwaua te taneiai ngke a namakinna ae a kukurei bukina bwa e kaotaki nakoia te tangira ke ngke a buoka rikiraken te tangira ni mweengaia.

Mwakuri inanon te Onimaki

Kaungaiia kain te kooram ke te kiraati ni iangoia ao korea mwiin te bwai are a na karaoia ni karaoa nanon te namakin are a karekea n te bong aei. E kanga te reirei n te bong aei ni irekereke ma oin aia kouru are a tia ni karaoia? Ngkana a tangiria, a kona kaain te kooram ke te kiraati n tibwa aia iango.

Reitan Bwaai n Mwakuri

• Motiaea 4:14–16; Reirei ao Berita aika Tabu 88:119; 121:41–46 (Ko na kanga ni katea te mweenga ae raoiroi)

• “Tera ae N na Karaoia Ni Buokia ni Kabebetea te Kaangaanga n te Utu?” man Te Marooro n Itaramata ma Unimwaane Rasband, Titita Oscarson, ao te Tari Owen (aia kanakobwana kairake ni kabutaa te aonaaba, Tianuare 20, 2016), “Two Brothers Apart,” “Through Small Things,” “More Diligent and Concerned at Home” (witeo), ChurchofJesusChrist.org

Anga Reirei n Ana Kawai te Tia Kamaiu

E kaota ana tangira te Tia Kamaiu ibukiia tabeman rinanon te anga te ibuobuoki. A rairaki n tatabemaniia ao maiu a bitaki rinanon Ana mwakuri aika raraoi. Ko na kanga ni karaoa te mwakuri aei ngkai ngkoe te tia kairiiri? Ko na kanga ni buoka nanoia kairake n ira ana katooto n ibuobuoki te Tia Kamaiu inanon aia utu?