« ថ្ងៃទី ៨ ខែ សីហា ។ តើខ្ញុំអាចចូលរួមក្នុងការប្រមូលផ្ដុំអ៊ីស្រាអែលដោយរបៀបណា ? គោលលទ្ធិ និង សេចក្តីសញ្ញា ៨៥–៨៧ » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២១ ( ឆ្នាំ ២០២០ )
« ថ្ងៃទី ៨ ខែ សីហា ។ តើខ្ញុំអាចចូលរួមក្នុងការប្រមូលផ្ដុំអ៊ីស្រាអែលដោយរបៀបណា ? »ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២១
ថ្ងៃទី ៨ ខែ សីហា
តើខ្ញុំអាចចូលរួមក្នុងការប្រមូលផ្ដុំអ៊ីស្រាអែលដោយរបៀបណា ?
ប្រឹក្សាជាមួយគ្នា
ដឹកនាំដោយសមាជិកម្នាក់នៅក្នុងកូរ៉ុម ឬគណៈប្រធានថ្នាក់ រយៈពេលប្រហែល ១០–២០ នាទី
នៅដើមការប្រជុំ សូមសូត្ររួមគ្នានូវបាវចនាកូរ៉ុមបព្វជិតភាពអើរ៉ុន ឬ បាវចនាក្រុមយុវនារី ។ រួចហើយ សូមដឹកនាំការពិភាក្សាអំពីចំណុចដូចខាងក្រោមនេះ ហើយដាក់ផែនការពីរបៀបដើម្បីអនុវត្តតាមអ្វីដែលបងប្អូនពិភាក្សា ( បងប្អូនអាចសម្រេចចិត្តនៅក្នុងការប្រជុំគណៈប្រធានថា ចំណុចមួយណាដែលត្រូវពិភាក្សា ) ៖
-
កូរ៉ុម ឬថ្នាក់របស់យើង ។ តើយើងមានសកម្មភាពអ្វីខ្លះនាពេលថ្មីៗនេះ ? តើសកម្មភាពទាំងនោះទទួលបានជោគជ័យដែរឬទេ ? តើអ្វីដែលបានដំណើរការល្អ ហើយតើយើងអាចកែលម្អវាដោយរបៀបណា ?
-
កាតព្វកិច្ច ឬទំនួលខុសត្រូវរបស់យើង ។ តើមាននរណាត្រូវការការបម្រើរបស់យើងដែរឬទេ ? តើយើងអាចជួយពួកគេបានយ៉ាងដូចម្ដេច ?
-
ជីវិតរបស់យើង ។ តើយើងខិតខំធ្វើការរៀងៗខ្លួនទៅកាន់គោលដៅអ្វី ? តើយើងអាចចែកចាយបទពិសោធន៍អ្វីខ្លះ ? តើយើងបានទទួលពរជ័យអ្វីខ្លះ ?
នៅចុងបញ្ចប់នៃមេរៀននេះ សូមធ្វើនូវអ្វីដែលត្រឹមត្រូវដូចខាងក្រោមនេះ ៖
-
ថ្លែងទីបន្ទាល់អំពីគោលការណ៍ដែលបានបង្រៀន ។
-
រំឭកសមាជិកកូរ៉ុម ឬថ្នាក់អំពីផែនការ និងការអញ្ជើញទាំងឡាយដែលបានដាក់អំឡុងពេលនៃការប្រជុំ ។
បង្រៀនគោលលទ្ធិ
ដឹកនាំដោយអ្នកដឹកនាំជាមជ្ឈិមវ័យ ឬយុវវ័យម្នាក់ រយៈពេលប្រហែល ២៥–៣៥ នាទី
រៀបចំខ្លួនខាងវិញ្ញាណ
អស់អ្នកនៅក្នុងកូរ៉ុម ឬថ្នាក់របស់បងប្អូនប្រហែលជាដឹងអ្វីមួយអំពីការទទួលខុសត្រូវរបស់ពួកគេនៅក្នុងការធ្វើកិច្ចការផ្សព្វផ្សាយសាសនា និងកិច្ចការព្រះវិហារបរិសុទ្ធ និងពង្សប្រវត្តិ ។ ប៉ុន្ដែ ប្រសិនបើបងប្អូននិយាយជាមួយពួកគេអំពីការប្រមូលផ្ដុំអ៊ីស្រាអែល នោះពួកគេអាចមិនដឹងពីអ្វីដែលបងប្អូនកំពុងនិយាយនោះទេ ។ តើបងប្អូនអាចជួយពួកគេឲ្យយល់ថា ការចែកចាយដំណឹងល្អ ការស្រាវជ្រាវពង្សប្រវត្តិរបស់ពួកគេ និងការធ្វើពិធីបរិសុទ្ធនៅក្នុងព្រះវិហារបរិសុទ្ធគឺជាផ្នែកមួយនៃកិច្ចការដ៏អស្ចារ្យខ្លាំងមួយនៅក្នុងការប្រមូលផ្ដុំអ៊ីស្រាអែល ដើម្បីរៀបចំសម្រាប់ការយាងមកជាលើកទីពីររបស់ព្រះអង្គសង្គ្រោះដោយរបៀបណា ?
អស់អ្នកទាំងឡាយដែលបងប្អូនបង្រៀនអាចបានសិក្សារឿងប្រៀបប្រដូចអំពីស្រូវ និងស្រងែនៅក្នុង គោលលទ្ធិ និង សេចក្តីសញ្ញា ៨៦ ដែលបង្រៀនអំពីការប្រមូលផ្ដុំអ៊ីស្រាអែលនៅថ្ងៃចុងក្រោយ ។ កាលបងប្អូនអានផ្នែកនេះ សូមព្យាយាមនឹកស្រមៃថា មនុស្សនៅក្នុងកូរ៉ុម ឬថ្នាក់របស់បងប្អូនជាអ្នកធ្វើការនៅក្នុងស្រែរបស់ព្រះអម្ចាស់ ។ តើបងប្អូននឹងជួយពួកគេឲ្យដកពិសោធន៍សេចក្ដីអំណរដែលកើតមាន មកពីការចូលរួមក្នុងកិច្ចការដ៏អស្ចារ្យនេះដោយរបៀបណា ? ដើម្បីរៀនបន្ថែមទៀតអំពីប្រធានបទនេះ សូមសិក្សាសារលិខិតរបស់ប្រធាន រ័សុល អិម ណិលសុន និងស៊ិស្ទើរ វិនឌី ដបុលយូ ណិលសុន « ក្តីសង្ឃឹមនៃអ៊ីស្រាអែល » ( [ ការប្រជុំធម្មនិដ្ឋានសម្រាប់យុវវ័យទូទាំងពិភពលោក ថ្ងៃទី ៣ ខែ មិថុនា ឆ្នាំ ២០១៨ ] បន្ថែមទៅនឹង New Era និង Ensign នៅលើគេហទំព័រ ChurchofJesusChrist.org ) ។
យុវជន និងយុវនារីអាចជួយប្រមូលផ្ដុំអ៊ីស្រាអែលបាន តាមរយៈការធ្វើកិច្ចការព្រះវិហារបរិសុទ្ធ និងពង្សប្រវត្តិ ។
រៀនជាមួយគ្នា
បងប្អូនអាចចាប់ផ្ដើមដោយការសួរសំណួរដូចនេះទៅដល់សមាជិកក្នុងថ្នាក់ ៖ តើបងប្អូនចាប់អារម្មណ៍លើអ្វី កាលបងប្អូនអាន គោលលទ្ធិ និង សេចក្តីសញ្ញា ៨៦ នៅផ្ទះនោះ ? តើបងប្អូនបានរៀនអ្វីខ្លះអំពីកិច្ចការនៃការប្រមូលផ្ដុំបុត្រាបុត្រីរបស់ព្រះនៅថ្ងៃចុងក្រោយនេះ ? តើយើងកំពុងធ្វើអ្វីខ្លះ ដើម្បីចូលរួមនៅក្នុងកិច្ចការនេះ ? ខាងក្រោមនេះគឺជាយោបល់បន្ថែមទៀតដើម្បីបំផុសគំនិតកូរ៉ុម ឬថ្នាក់របស់បងប្អូនឲ្យចូលរួមនៅក្នុងការប្រមូលផ្ដុំអ៊ីស្រាអែល ។
-
សូមសួរកូរ៉ុម ឬថ្នាក់របស់បងប្អូនថា តើពួកគេគិតដល់អ្វី នៅពេលពួកគេឮពាក្យ « ការប្រមូលផ្ដុំអ៊ីស្រាអែល » ។ ប្រសិនបើពួកគេត្រូវការជំនួយ សូមផ្ដល់យោបល់ឲ្យពួកគេអាននិយមន័យដូចតទៅនេះដោយប្រធាន រ័សុល អិម ណិលសុន ៖ « ការប្រមូលផ្ដុំនៃវង្សអ៊ីស្រាអែល មានន័យថា ការផ្ដល់ដំណឹងល្អនៃព្រះយេស៊ូវគ្រីស្ទទៅឲ្យបុត្រាបុត្រីរបស់ព្រះនៅទាំងសង្ខាងនៃវាំងនន ដែលពុំទាន់បានធ្វើសេចក្ដីសញ្ញាសំខាន់ជាមួយព្រះ ឬពុំបានទទួលពិធីបរិសុទ្ធចាំបាច់របស់ពួកគេ ។ បុត្រគ្រប់រូបរបស់ព្រះវរបិតាសួគ៌ស័ក្ដិសមនឹងទទួលបានឱកាសដើម្បីជ្រើសរើសធ្វើតាមព្រះយេស៊ូវគ្រីស្ទ ដើម្បីទទួលយក ហើយទទួលដំណឹងល្អរបស់ទ្រង់ព្រមជាមួយនឹងពរជ័យទាំងឡាយ » ( « ក្ដីសង្ឃឹមនៃអ៊ីស្រាអែល » ទំព័រ ១១–១២ ) ។ តើនិយមន័យនេះជះឥទ្ធិពលទៅលើរបៀបដែលយើងគិតអំពីកាតព្វកិច្ចដ៏សំខាន់នេះយ៉ាងដូចម្ដេច ?
-
ដើម្បីជួយសមាជិកកូរ៉ុម ឬថ្នាក់ឲ្យមើលឃើញពីរបៀបដែលរឿងប្រៀបប្រដូចស្រូវ និងស្រងែនេះអនុវត្តចំពោះពួកគេ បងប្អូនអាចសរសេរឃ្លាមកពី គោលលទ្ធិ និង សេចក្ដីសញ្ញា ៨៦ ដាក់លើក្ដារខៀន ។ ឃ្លាទាំងនេះអាចពិពណ៌នាអំពីនិមិត្តសញ្ញានៅក្នុងរឿងប្រៀបប្រដូចនេះ—ដូចជា « អ្នកព្រោះគ្រាប់ពូជ » « ស្រងែប្រជ្រៀតស្រូវសាលី » « ស្លឹកកំពុងតែពន្លកឡើង » និង « ច្រូតស្រែ » ( ខទី ២–៤, ៧ ) ។ ឃ្លាទាំងនេះក៏អាចរៀបរាប់ពីការបកស្រាយនៃនិមិត្តសញ្ញាទាំងនេះផងដែរ—ដូចជា « ពួកសាវក » « ការក្បត់សាសនា » « ការស្ដារឡើងវិញ » និង « កិច្ចការផ្សព្វផ្សាយសាសនា » ។ រួចហើយសមាជិកកូរ៉ុម ឬថ្នាក់អាចធ្វើការរួមគ្នាដើម្បីរំឭក កណ្ឌទី ៨៦ ហើយផ្គូផ្គងនិមិត្តសញ្ញាទៅនឹងអត្ថន័យរបស់វា ។ ( ពួកគេក៏អាចអាន ម៉ាថាយ ១៣:៣៦–៤៣ ផងដែរ ) ។ តើយើងរៀនអ្វីខ្លះមកពីរឿងប្រៀបប្រដូចអំពីកិច្ចការនៃការប្រមូលផ្ដុំអ៊ីស្រាអែលនេះ ? តើយើងអាចធ្វើអ្វីខ្លះដើម្បីធ្វើជា « ពន្លឺ » និង « អ្នកសង្គ្រោះ » ដល់បុត្រាបុត្រីរបស់ព្រះ ?( គោលលទ្ធិ និង សេចក្ដីសញ្ញា ៨៦:១១ ) ។
-
សមាជិកកូរ៉ុម ឬថ្នាក់អាចចងចាំថា នៅក្នុងសារលិខិត « ក្ដីសង្ឃឹមនៃអ៊ីស្រាអែល » របស់លោក ប្រធាន រ័សុល អិម ណិលសុន បានអញ្ជើញពួកគេឲ្យធ្វើរឿងជាក់លាក់នានាដើម្បីរៀបចំជួយប្រមូលផ្ដុំអ៊ីស្រាអែល ( សូមមើល ទំព័រ ១៤–១៧ ) ។ សូមសួរពួកគេថា តើពួកគេចាំដល់ការអញ្ជើញអ្វីខ្លះ ហើយរំឭកការអញ្ជើញនោះរួមគ្នាបើចាំបាច់ ។ តើការធ្វើរឿងទាំងនេះអាចធ្វើឲ្យយើងកាន់តែមានប្រសិទ្ធភាពក្នុងការប្រមូលផ្ដុំអ៊ីស្រាអែលដោយរបៀបណា ? តើយើងអាចធ្វើអ្វីខ្លះ ដើម្បីរំឭកខ្លួនយើងអំពីការអញ្ជើញទាំងនេះ ហើយជួយគ្នាបំពេញតាមការអញ្ជើញនេះ ? សូមលើកទឹកចិត្តសមាជិកកូរ៉ុម ឬថ្នាក់ឲ្យគិតប្រកបដោយភាពច្នៃប្រឌិត ហើយចែកចាយគំនិតរបស់ពួកគេ ។
-
សមាជិកកូរ៉ុម ឬថ្នាក់អាចអានសេចក្ដីផ្ដើម និងវគ្គពីរដំបូងនៃសារលិខិតរបស់អែលឌើរ ឃ្វីនថិន អិល ឃុក « Great Love for Our Father’s Children » ( Liahona ខែ ឧសភា ឆ្នាំ ២០១៩ ទំព័រ ៧៦–៧៩ ) ហើយរកមើលមូលហេតុដែលសេចក្ដីស្រឡាញ់មានសារៈសំខាន់យ៉ាងខ្លាំងនៅក្នុងកិច្ចខិតខំផ្សព្វផ្សាយសាសនា និងព្រះវិហារបរិសុទ្ធ និងពង្សប្រវត្តិរបស់យើង ។ សូមឲ្យពួកគេចែកចាយនូវអ្វីដែលពួកគេបានរៀនអំពីរបៀបដែលសេចក្ដីស្រឡាញ់អាចធ្វើឲ្យមានភាពខុសគ្នា កាលយើងខិតខំចែកចាយដំណឹងល្អជាមួយអស់អ្នកដែលនៅទាំងសង្ខាងវាំងនន ។ សូមឲ្យសមាជិកកូរ៉ុម ឬថ្នាក់មានពេលកត់ត្រាទុកនូវអ្វីមួយដែលពួកគេនឹងធ្វើដោយសារតែការពិភាក្សានៅថ្ងៃនេះ ។ ដើម្បីជួយពួកគេឲ្យគិតដល់គំនិតនានា បងប្អូនអាចផ្ដល់យោបល់ថា ពួកគេគួរតែគិតដល់មនុស្សដែលពួកគេស្គាល់ ។ តើព្រះអាចឈោងទៅជួយមនុស្សទាំងនេះដោយរបៀបណា ? តើយើងអាចជួយដោយរបៀបណា ?
ធនធានគាំទ្រ
-
រ័សុល អិម ណិលសុន « The Gathering of Scattered Israel » Liahona ខែ វិច្ឆិកា ឆ្នាំ ២០០៦ ទំព័រ ៧៩–៨២
-
Church History Topics « The Gathering of Israel » នៅលើគេហទំព័រ ChurchofJesusChrist.org/study/history/topics
ការបង្រៀនតាមរបៀបរបស់ព្រះអង្គសង្គ្រោះ
ព្រះអង្គសង្គ្រោះបានទុកព្រះទ័យលើអស់អ្នកដែលបានធ្វើតាមទ្រង់ ។ ទ្រង់បានរៀបចំពួកគេ ហើយបានប្រទានដល់ពួកគេនូវទំនួលខុសត្រូវដ៏សំខាន់ឲ្យបង្រៀន ប្រទានពរ និងបម្រើដល់មនុស្សដទៃ ( សូមមើល ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ ២០១៦ ] ទំព័រ ២៨ ) ។ តើបងប្អូនអាចផ្ដល់ឱកាសអ្វីខ្លះដល់យុវវ័យឲ្យបង្រៀនគ្នាទៅវិញទៅមក ?