ditel blong statiu blong Pita we i stap holem ol ki

26 Septemba

?From Wanem Hem I Impoten se Ol Ki blong Prishud Oli Stap long Wol Tedei?

Doktrin mo Ol Kavenan 106–108

kaonsel tugeta pikja bokis

Kaonsel Tugeta

Wan memba blong kworom o klas presidensi i lidim; kolosap 10–20 minit

Long stat blong miting, ripitim tugeta Stamba Toktok blong Ol Kworom blong Aronik Prishud o Stamba Toktok blong Ol Yang Woman. Afta, lidim wan toktok storian abaot ol samting we oli stap ia, mo mekem plan blong ol wei blong mekem wanem we yufala i stap toktok raon long hem (yufala i save disaed long wan presidensi miting wanem poen nao blong toktok raon long olgeta):

• Kworom o klas blong yumi. ?Wanem nao yumi save mekem blong bildimap yuniti bitwin ol memba blong kworom o ol memba blong klas? “?Wanem nao ol gol we yumi laekem blong wok tugeta long hem?

• Ol diuti mo responsabiliti blong yumi. ?Wanem nao yumi stap mekem blong serem gospel? Wanem nao ol eksperiens we yumi bin gat taem yumi mekem wok blong tempol mo famli histri?

• Laef blong yumi. ?Long wanem wei nao yumi bin luk han blong God insaed long laef blong yumi? ?Wanem nao i givim insperesen long yumi long skripja stadi blong yumi long wik ia?

Long en blong lesen, sapos i stret, mekem ol samting ia:

• Testifae abaot ol prinsipol we yu bin tijim.

• Rimaenem ol memba blong kworom o blong klas abaot ol plan mo invitesen we oli bin kasem long taem blong miting.

tijim doktrin pikja bokis

Tijim Doktrin

Wan adalt lida o yut i lidim; kolosap 25–35 minit

Rere long Yuwan long Saed blong Spirit

Elda Gary E. Stevenson i bin tijim se “ol prishud ki oli openem doa blong ol blesing, ol presen, mo ol paoa blong heven, blong yumi save yusum” (“Wea Nao Ol Ki mo Atoriti blong Prishud?” Jeneral Konfrens, Epril 2016, Churchofjesuschrist.org/general-conference/conferences?lang=bis). Jisas Kraes i stap holem evri ki blong prishud, mo Hem i givim raet long ol mesenja blong heven blong pasem ol ki blong prishud long Josef Smit. Tedei, ol memba blong Fas Presidensi, mo Kworom blong Olgeta Twelef Aposol oli holem ol semfala ki ia, (luk long Doktrin mo Ol Kavenan 90:3–4, 6; 107:35; 132:7). Ol prishud ki oli atoriti ia we God i givim long ol prishud lida blong oli lidim mo rulum olsem wanem blong yusum prishud blong Hem long wol ia.

Taem yu stap ridim Doktrin mo Ol Kavenan 107 long wik ia, tingbaot wei we God i save blesem yu mo olgeta we yu stap tijim tru long prishud blong Hem. ?Wanem nao yu faenem insaed long seksen ia we i impoten long ol memba blong kworom o blong klas blong oli mas save? Taem yu stap rere blong tij, yu save luklukbak long mesej blong Elda Gary E. Stevenson we oli givim taetol antap ia mo insaed long “Prishud Ki” insaed long Stap Tru long Fet ([2004], 150–151).

yang man i stap pasem sakramen

Ol bigfala blesing long saed blong spirit oli stap blong yumi yusum tru long ol ki blong prishud.

Stap Lan Tugeta.

Doktrin mo Ol Kavenan 107 i save help blong ansarem kwestin ia: “?Wanem blesing nao yumi kasem tru long prishud mo tru long seves blong ol prishud lida?” Mebi ol memba blong kworom o blong klas oli save lukaotem sam ansa long ol ves 18–23, 85–89. Blong helpem olgeta blong oli andastanem gud moa olsem wanem prishud mo ol prishud lida oli stap blesem laef blong yumi, yusum wan o moa long wan long olgeta aktiviti ia.

• Yu save statem toktok storian abaot ol prishud ki taem yu invaetem wan memba blong kworom o blong klas blong kam we hem i rere blong serem stori blong Presiden Spensa W. Kimbol we hem i bin visitim jos long Denmak, we Presiden Boyd K. Packer i tokbaot insaed long mesej blong hem: “The Twelve” (Liahona, May 2008, 83–87; luk tu long vidio ia long Inglis “The Restoration of Priesthood Keys” [ChurchofJesusChrist.org]). Mo tu, yu save askem kworom o klas blong yu blong oli ridim tugeta long seksen “Prishud Ki” insaed long Stap Tru long Fet (ol pej 150–151). Mekem olgeta oli sidaon tutu mo givim taem long olgeta blong tijim wanwan long olgeta abaot wanem hem i ol prishud ki, hemia folem wanem we oli bin lanem. ?Wanem blesing nao i bin kam long yumi tru long seves blong olgeta we oli stap holem ol ki blong prishud?

• Maet yu wantem blong serem stori blong Elda Gary E. Stevenson we i bin lusum ol ki blong hem; i stap long ol fas sikis paragraf blong mesej ia blong hem: “?Wea Nao Ol Ki mo Atoriti blong Prishud?” (o soem vidio ia “Where Are the Keys?” [ChurchofJesusChrist.org]). Yu save soem sam ki, mo invaetem kworom o klas blong yu blong serem olsem wanem ol ki ia oli semmak long ol prishud ki. Olgeta we yu stap tijim oli save luklukbak mo save toktok raon long ol skripja we Elda Stevenson i stap tokbaot (Josef Smit—Histri 1:68–72; Doktrin mo Ol Kavenan 110:11–16), we i tokbaot ol prishud ki we oli kambak long wol ia. Yu save invaetem ol memba blong kworom o blong klas blong wanwan i jusum wan long olgeta skripja ia, mo serem long wan sentens wanem we oli lanem abaot ol paoa mo ol blesing we yumi kasem tru long ol ki blong prishud: Matiu 16:18–19; Doktrin mo Ol Kavenan 27:12; 65:2; 84:19–20. ?From wanem hem i impoten blong ol ki blong prishud oli stap long wol ia tedei?

• Yu save givim wok long wanwan memba blong kworom o blong klas blong yu, wan pepa ki, mo afta, givim wok long wanwan blong i ridim seksen II, III, IV, o V blong mesej blong Presiden Dallin H. Oaks “The Keys and Authority of the Priesthood” (Liahona, May 2014, 49–52). Invaetem olgeta blong raetem long ki wanem we oli bin lanem abaot prishud, mo afta, serem wanem oli bin raetem long klas. ?Olsem wanem ol trutok ia oli gat paoa long wei we yumi filim abaot ol lida blong kworom o blong klas, mo abaot ol wok we yumi kasem long olgeta?

Mekem Samting Wetem Fet

Leftemap tingting blong ol memba blong kworom o blong klas blong tingting hevi mo raetemdaon wanem bae oli mekem blong mekem folem ol strong tingting mo filing we oli kasem tedei. ?Olsem wanem lesen blong tedei i go wetem ol gol blong olgetawan, we oli bin mekem? Sapos oli wantem, ol memba blong kworom o blong klas oli save serem ol aedia blong olgeta.

Ol Sapot Risos

• Russell M. Nelson, “Ol Rij Samting long Saed blong Spirit,” Liahona, Nov 2019, 76–79

• “Priesthood Keys,” insaed long General Handbook: Serving in The Church of Jesus Christ of Latter-day Saints, 3.4.1

• “Learn Your Duty,” “The Priesthood, an Opportunity to Serve,” videos, ChurchofJesusChrist.org

Tij Folem Wei blong Sevya

Sevya i bin singaotem mo setem apat ol lida blong oli daerektem mo rulum Jos blong Hem (luk long Matiu 10:1–5). ?Olsem wanem yu save helpem olgeta we yu stap tijim blong oli filim blong talem tangkyu from olgeta ia we oli stap givim seves mo stap helpem olgeta?

Luk tu long vidio “Asking Follow-up Questions” (ChurchofJesusChrist.org).