detalye sa estatuwa ni Pedro nga nagkupot og mga yawe

Septyembre 26

Nganong Importante Nga ang mga Yawe sa Pagkapari Anaa sa Yuta Karon?

Doktrina ug mga Pakigsaad 106–108

icon sa pagtinambagay

Pagtinambagay

Pinangulohan sa usa ka sakop sa korum o kapangulohan sa klase; mga 10–20 ka minutos

Sa pagsugod sa miting, pagdungan sa pagsulti sa Tema sa Korum sa Aaronic nga Pagkapari o sa Tema sa Young Women. Dayon pangulohi ang usa ka panaghisgutan mahitungod sa mga aytem sama sa mosunod, ug pagplano og mga paagi sa paglihok sa unsay inyong gihisgutan (mahimo ninyong desisyunan sa miting sa kapangulohan kon unsa nga mga aytem ang hisgutan):

• Ang atong korum o klase. Unsa ang atong mahimo aron sa pag-ugmad og panaghiusa diha sa korum o mga sakop sa klase? Unsa nga mga tumong ang atong gustong buhaton og dungan?

• Ang atong mga katungdanan o mga responsibilidad. Unsa ang atong gibuhat sa pagpaambit sa ebanghelyo? Unsa ang atong mga kasinatian sa paghimo og mga buhat sa templo ug family history?

• Ang atong mga kinabuhi. Giunsa nato pagsinati ang kamot sa Ginoo diha sa atong mga kinabuhi? Unsa ang nakapadasig kanato sa atong pagtuon sa kasulatan niini nga semana?

Sa katapusan sa leksyon, ingon nga angay, buhata ang mosunod:

• Pagpamatuod sa mga baruganan nga gitudlo.

• Pahinumdumi ang mga sakop sa korum o klase mahitungod sa mga plano ug mga pagdapit nga gihimo atol sa miting.

icon sa itudlo ang doktrina

Itudlo ang Doktrina

Pinangulohan sa usa ka hamtong [adult] nga lider o batan-on; mga 25–35 ka minutos

Andama ang Imong Kaugalingon sa Espirituhanong Paagi

Ang “mga yawe sa priesthood,” si Elder Gary E. Stevenson nagtudlo, “moabli alang [kanato] sa mga panalangin, mga gasa, ug mga gahum sa langit” (“Asa ang mga Yawe ug Awtoridad sa Priesthood?” Liahona, Mayo 2016, 32). Si Jesukristo naghupot sa tanang yawe sa pagkapari, ug gitugutan Niya ang langitnong mga mensahero sa pagtugyan sa mga yawe sa pagkapari ngadto ni Joseph Smith. Karon ang mga sakop sa Unang Kapangulohan ug Korum sa Napulog Duha ka mga Apostoles naghupot niining sama nga mga yawe (tan-awa sa Doktrina ug mga Pakigsaad 90:3–4, 6; 107:35; 132:7). Kining mga yawe mao ang awtoridad sa Dios nga gihatag ngadto sa mga lider sa pagkapari aron sa pagdumala sa paggamit sa Iyang pagkapari dinhi sa yuta.

Samtang magbasa ka sa Doktrina ug mga Pakigsaad 107 niini nga semana, hunahunaa kon unsaon sa Dios pagpanalangin kanimo ug kadtong imong gitudloan pinaagi sa Iyang pagkapari. Unsay imong nakita niining seksyon nga importante nga mahibaloan sa mga sakop sa korum o klase? Samtang mangandam ka sa pagtudlo, mahimo nimong ribyuhon ang mensahe ni Elder Gary E. Stevenson nga gikutlo sa ibabaw ug ang “Mga Yawe sa Priesthood” diha sa Matinud-anon sa Tinuhoan ([2004], 204–207).

batan-ong lalaki nga nagpaambit sa sakramento

Dagkong espiritwal nga mga panalangin ang maato pinaagi sa mga yawe sa pagkapari.

Pagkat-on og Dungan

Ang Doktrina ug mga Pakigsaad 107 makatabang sa pagtubag sa pangutana nga “Unsa nga mga panalangin ang atong madawat pinaagi sa pagkapari ug sa serbisyo sa mga lider sa pagkapari?” Siguro ang mga sakop sa korum o klase makapangita og mga tubag diha sa mga bersikulo 18–23, 85–89. Aron matabangan sila nga mas makasabut kon sa unsang paagi nga ang pagkapari ug mga lider sa pagkapari makapanalangin sa atong mga kinabuhi, gamita ang usa o dugang pa sa mosunod nga mga kalihokan.

• Makasugod ka og panaghisgutan mahitungod sa mga yawe sa pagkapari pinaagi sa pagdapit sa usa ka sakop sa korum o klase nga motungha nga andam nga mopaambit sa istorya bahin sa pagbisita ni Presidente Spencer W. Kimball sa usa ka simbahan didto sa Denmark, nga gisaysay ni Presidente Boyd K. Packer diha sa iyang mensahe nga “Ang Napulog Duha” (Liahona, Mayo 2008, 83–87). Mahimo usab nimong hangyuon ang imong korum o klase nga magbasa og dungan sa seksyon nga “Mga Yawe sa Priesthood” diha sa Matinud-anon sa Tinuhoan (mga pahina 204–207). Hatagi sila og panahon sa pagtudlo sa usag usa nga magpares kon unsa ang mga yawe sa pagkapari, base sa unsay ilang nakat-unan. Unsa nga mga panalangin ang miabut kanato pinaagi sa serbisyo niadtong naghupot sa mga yawe sa pagkapari?

• Mahimo nimong ipaambit ang istorya ni Elder Gary E. Stevenson mahitungod sa pagkawala sa iyang mga yawe gikan sa unang unom ka parapo [paragraph] sa iyang mensahe nga “Asa ang mga Yawe ug Awtoridad sa Priesthood?” (o ipasalida ang video nga “Where Are the Keys?” [ChurchofJesusChrist.org]). Mahimo nimong ipakita ang pipila ka yawe ug dapita ang imong korum o klase sa pagpaambit kon sa unsang paagi nga kadtong mga yawe susama sa mga yawe sa pagkapari. Kadtong imong gitudloan mahimong moribyu ug mohisgot sa mga kasulatan nga gipasabut ni Elder Stevenson (Joseph Smith—Kasaysayan 1:68–72; Doktrina ug mga Pakigsaad 110:11–16), nga naghulagway sa mga yawe sa pagkapari nga gitugyan nganhi sa yuta. Mahimo nimong dapiton ang matag sakop sa korum o klase nga mopili og usa sa mosunod nga mga kasulatan ug mopaambit og usa ka kapahayag [sentence] nga summary sa unsay ilang nakat-unan mahitungod sa mga gahum ug mga panalangin nga atong madawat pinaagi sa mga yawe sa pagkapari: Mateo 16:18–19; Doktrina ug mga Pakigsaad 27:12; 65:2; 84:19–20. Nganong importante man nga ang mga yawe sa pagkapari ania sa yuta karon?

• Mahimo nimong hatagan ang matag usa ka sakop sa imong korum o klase og usa ka yawe nga ginama sa papel ug sangunan ang matag tawo sa pagbasa sa seksyon II, III, IV, o V sa mensahe ni Presidente Dallin H. Oaks nga “Ang mga Yawe ug Awtoridad sa Priesthood” (Liahona, Mayo 2014, 49–52). Dapita sila sa pagsulat diha sa yawe sa unsay ilang nakat-unan mahitungod sa pagkapari ug dayon mopaambit sa unsay ilang gisulat. Sa unsang paagi nga kining mga kamatuoran makaimpluwensya sa paagi nga kita mibati mahitungod sa mga lider sa atong korum o klase ug sa mga buluhaton nga atong nadawat gikan kanila?

Molihok inubanan sa Hugot nga Pagtuo

Awhaga ang mga sakop sa korum o klase sa pagpamalandong ug pagrekord kon unsay ilang buhaton aron sa paglihok sa mga pag-aghat nga ilang nadawat karong adlawa. Sa unsang paagi nga ang leksyon karong adlawa may kalabutan sa personal nga mga tumong nga ilang gihimo? Kon gusto nila, ang mga sakop sa korum o klase mahimong mopaambit sa ilang mga ideya.

Suporta nga mga Kapanguhaan

• Russell M. Nelson, “Espirituhanon nga mga Bahandi,” Liahona, Nob. 2019, 76–79

• “Mga Yawe sa Pagkapari [Priesthood Keys],” diha sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw [General Handbook: Serving in The Church of Jesus Christ of Latter-day Saints], 3.4.1

Pagtudlo sumala sa Pamaagi sa Manluluwas

Ang Manluluwas mitawag ug mi-set apart sa mga lider aron sa paggiya ug pagdumala sa Iyang Simbahan (tan-awa sa Mateo 10:1–5). Unsaon nimo pagtabang niadtong imong gitudloan nga mobati og pasalamat alang niadtong gitawag nga moserbisyo ug motabang kanila?