Tebetembwa 26

Bukin Tera e kakaawaki Bwa Ana Mena Kiingin te Nakoanibonga Iaon te Aba n te Bong Aei?

Reirei ao Berita aika Tabu 106–108

Uaia ni Marooro

Kairaki iroun kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, manga atonga riki Ana Botoniango Te Kooram n te Nakoanibonga ae te Aaron ke Ana Botoniango te Bootaki n Ataeinnaine. Ngkanne kaira te marooro ibukin bwaai n aron akana imwiina, ao bairei kawai ake kona mwakuri iaon ake ko maroroakin (ko kona ni baireia tera bwaai ake a na maroroakinaki inanon te boowi ni beretitentii):

• Ara kooram ke ara kiraati. Tera ae ti kona ni karaoia ni karika te bonano imarenaia kaain te kooram ke te kiraati? Baikara kouru ae ti tangiria ni bane n uaia ni mwakurii?

• Ara beku ke mwiokoara. Tera ae ti karaoia n tibwaua te euangkerio? Baikara baika ti a tia n rinanoi ni karaoan te mwakuri n te tembora ao n rongorongon te utu?

• Maiura. Ti kanga n tia n nora bain te Uea inanon maiura? Tera te namakin n tamnei ae e a tia n reke iroura inanon tain kamatebwaian booki aika tabu n te wiiki aei?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringiia kain te kooram ke te kiraati iaon te baire ao te kakao are a karaoia n tain te bootaki.

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

“Priesthood keys, ”Unimwaane Gary E. Stevenson e reirei, “kauki rokan kakabwaia, bwaintangira, ao mwaakan karawa [ibukira]” (“Where Are the Keys and Authority of the Priesthood?” Riaona, Meei 2016, 32). Iesu Kristo e taui kiingin te nakoanibonga ni kabane, ao E anga ana kariaia nakoia taan uarongorogo mai karawa bwa a na anga kiingin te nakoanibonga nakon Iotebwa Timiti. N te bong aei ao kaain te Moan Beretitentii ao te Kooram n Abotoro n te Tengaun ma Uoman a taui naba aekaki ni kiingin aikai (taraa Reirei ao Berita aika Tabu 90:3–4, 6; 107:35; 132:7). Kiing aikai bon te kariaiakaki ae e a tia te Atua n anga nakoia mataniwi n te nakoanibonga ni kaira, tararua, ao n tautaekana kabonganakin Ana nakoanibonga n te aonaaba.

Ngkai ko wareka Reirei ao Berita aika Tabu 107 n te wiiki aei, iangoia bwa e kanga te Atua ni kakabwaiako ao naake ko reireiniia rinanon Ana nakoanibonga. Tera ae ko kunea inanon te mwakoro aei ae kakaawaki bwa a na ataia kaain am kooram ke am kiraati? Ngkai ko katauraoi n anga reirei, ko kona n rinanoa ana rongorongo Unimwaane Gary E. Stevenson ane e “Kiingin te Nakoanibonga” inanon Koaua nakon te Onimaki ([2004], 126–27).

Kakabwaia aika korakora n te maiu n tamnei a tauraoi nakoira rinanon kiingin te nakoanibonga.

Te Uaia n Reirei

Reirei ao Berita aika Tabu 107 e kona ni buoka ni kaeka te titiraki “Tera kakabwaia aika ti kona ni karekei rinanon te nakoanibonga ao aia mwakuri n ibuobuoki taan kairiiri n te nakoanibonga?” Tao a kona kaain te kooram ke te kiraati n tarai tabeua taian kaeka ni kiibu 18–23, 85–89. Ni buokiia ni kamatataaki riki bwa e kanga te nakoanibonga ao taan kairiiri n te nakoanibonga ni kakabwaiai maiura, kabongana teuana ke ae mwaiti riki mai buakon waaki ni kakukurei aikai.

• Ko kona ni waakina am kabwarabwara ibukin kiingin te nakoanibonga man kaoaia kaain te kooram ke te kiraati bwa a na roko ao n tauraoi n tibwaua karakinan mwanangan Beretitenti Spencer W. Kimball n nako n taromauri i Denmark, are e karakinna Beretitenti Boyd K. Packer n ana rongorongo “The Twelve” (Riaona, Meei 2008, 83–87; taraa naba te witeo “The Restoration of Priesthood Keys” [ChurchofJesusChrist.org]). Ko kona naba n tuangiia kaain te kooram ke te kiraati bwa a na kaai ni wareka te mwakoro “Kiingin te Nakoanibonga” inanon Koaua nakon te Onimaki (iteraniba 126–27). Anganiia te tai bwa a na ikatoatoa ao n reireiniia i bon irouia bwa tera kiingin te nakoanibonga, ae boboto iaon are a tia n reiakinna. Tera kakabwaia aika a roko nakoira rinanon aia mwakuri n ibuobuoki naake a taui kiingin te nakoanibonga?

• Ko na tangiria ni kan tibwaua ana karaki Unimwaane Gary E. Stevenson ngke a bua ana kiing man moan barakaraba akana onoua man ana rongorongo “Where Are the Keys and Authority of the Priesthood?” (ke kaota te witeo “Where Are the Keys?” [ChurchofJesusChrist.org]). Ko kona ni kaoti tabeua taian kiing ao kaoiia te kooram ke te kiraati n tibwauaia bwa a kanga kiingi akanne n ti te arona ma kiingin te nakoanibonga. A kona naake ko reireiniia n rinanoa ao ni maroroakin koroboki aika tabu ake e kairekerekei Unimwaane Stevenson (Iotebwa Timiti—Rongorongo 1:68–72; Reirei ao Berita aika Tabu 110:11–16), are e kabwarabwara kiingin te nakoanibonga a tia ni kaokaki nako aon te aba. Ko kona ni kaoiia kaain te kooram ke te kiraati bwa a na rinea teuana mai buakon koroboki aika tabu ao ni kakimototoa n tibwaua teuana te kibuntaeka ni baike a reiakin ibukin te mwaaka ao kakabwaia ake ti karekei rinanon kiingin te nakoanibonga: Mataio 16:18–19; Reirei ao Berita aika Tabu 27:12; 65:2; 84:19–20. Bukin tera e kakaawaki ngkai te nakoanibonga a mena iaon te aba n te bong aei?

• Ko kona n anganiia kaain am kooram ke am kiraati n tatabemaniia te kiing ae karaoaki n te beeba ao katabeia n tatabemaniia bwa a na wareka mwakoro II, III, IV, ke V man ana rongorongo Beretitenti Dallin H. Oak “The Keys and Authority of the Priesthood” (Liahona, May 2014, 49–52). Kaoiia bwa a na korei iaon te kiing bwaai ake a reiakin ibukin te nakoanibonga ao ngkanne tibwauai bwaai ake a korei. A kanga koaua aikai n anainano n aron ara namakin ibukin ara kooram ke taan kairiiri n te kiraati ao mwioko ake ti karekei mairouia?

Mwakuri inanon te Onimaki

Kaungaiia kain te kooram ke te kiraati ni iangoia ao korea mwiin te bwai are a na karaoia ni karaoa nanon te namakin are a karekea n te bong aei. E kanga te reirei n te bong aei ni irekereke ma oin aia kouru are a tia ni karaoia? Ngkana a tangiria, a kona kaain te kooram ke te kiraati n tibwa aia iango.

Reitan Bwaai n Mwakuri

• Russell M. Nelson, “Kakabwaia n te Tamnei,” Riaona, Nob. 2019, 76–79

• “Kiingin te Nakoanibonga,” inanon Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 3.4.1

• “Learn Your Duty,” “The Priesthood, an Opportunity to Serve,” videos, ChurchofJesusChrist.org

Reirei n Ana Kawai te Tia Kamaiu

Te Tia Kamaiu e weteiia ao ni kamatoaia taan kairiiri bwa a na kaira ao n tautaekana Ana Ekaretia (taraa Mataio 10:1–5). Ko na kanga ni buokiia naake ko reireiniia n namakina te kakaitau ibukiia naake a weteaki nakon te beku ao ni buokiia?

Taraa naba te witeo “Asking Follow-up Questions” (ChurchofJesusChrist.org).