a ngare ataeinnaine

Okitobwa 10

N na Kanga n Rairaki Riki n ae Bwanin nakon te Uea?

Reirei ao Berita aika Tabu 111–114

te aikaon ibukin te uaia ni marooro

Uaia ni Marooro

Kairaki iroun kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, manga atonga riki Ana Botoniango Te Nakoanibonga ae te Aaron ke Ana Botoniango te Bootaki n Ataeinnaine. Ngkanne, irarikin te ibuobuoki n te kooram ae onoti ke te kiraati ibukin te bitineti, ko na bae n tangiria ni maroroakin namakin ao boto n iango man te maungatabu ni kabuta. A kona titiraki aikai n ibuobuoki.

• Tera botoniango ke rongorongo aika a kakaawaki nakoira?

• Tera ae ti namakinna bwa ti na riai ni karaoia ibukin te bwai ae ti reiakinna ke n namakinna?

• Tera ae ti kainnanoia ni karaoia n te kooram ke n te kiraati ni karaoa nanon reirei ake ti ongo n te maungatabu ni kabuta?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringiia kain te kooram ke te kiraati iaon te baire ao te kakao are a karaoia n tain te bootaki.

te aikaon n reirei te reirei

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

N riki n rairaki n ae bwanin nakon Iesu Kristo, ti riai n onimaki Irouna ao ni karinei Ana tua—e ngae ngke kakaewenako aika kaangaanga a kataa rairakira. N te 1837, tabeman kaain te Ekaretia, n raonaki ma tabeman kaain te Kooram n te Tengaun ma Uoman, a kabuai aia koaua ao ni kaitaraa te Burabeti Iotebwa Timiti. Thomas B. Marsh bon te Beretitenti n te Koram n Abotoro n te Tengaun ma Uoman n te tai anne. Ngkai ngkoe ao am utu a wareka Reirei ao Berita aika Tabu 112 n te wiiki aei, ko na bae n atai reirei aika e anga te Uea ni buoka Thomas B. Marsh ni kamatoatoa rairakina (tarai riki kiibu 10–26). Tera ae reireiniko te reirei aei iaon rikim n rairaki nakon te Tia Kamaiu?

Ko na kanga ni buokia kaain te kooram ke te kiraati bwa ana karekea ana berita te Tia Kamaiu ae “a na rairaki, ao N na kamaiuiia”? (Reirei ao Berita aika Tabu 112:13). Tera taneiai inanon maium aika ko kona n tibwauaia? Ngkana ko iangoi titiraki aikai, iangoia n rinanoa ana rongorongo Beretitenti Bonnie H. Cordon “Onimakina Iehova ao Tai Onimakina Oin Rabakaum” (Liahona, Meei 2017, 6–9) ao “Conversion” inanon True to the Faith ([2004], 40–43).

te ataeinimwaane ae wareware ni koroboki aika tabu

Koroboki aika tabu bon te korakora ae tamaroa ngkana ti ukoukoria n rairaki n ae bwanin riki.

Te Uaia n Reirei

A ataia kaain am kooram ke am kiraati nanon ae ko na rairaki nakon Iesu Kristo? A ataia bwa ko na kanga n rairaki n ae bwanin? Kaoia bwa a na iangoi titiraki aikai ngkana a rinanon Reirei ao Berita aika Tabu 112:10–26. Ti na kanga n teimatoa n rairaki nakon Iesu Kristo riki ni kakaewenako aika kaangaanga? Ko kona ni kabongana teuana ke e mwaiti rikii waaki ni kakukurei aikai ni buoka am kooram ke am kiraati ni kakorakora rairakiia nakon te Tia Kamaiu.

• Aramwa 32:27–43 e kona ni buokiia naake ko reireiniia bwa ana ataa aron kakorakorakin aia onimaki ao n rairaki riki n ae bwanin nakon ana euangkerio Iesu Kristo. Tao ko kona ni bwenauaia kaain te kooram ke te kiraati nakon kurubu ao n tuangiia kurubu n tatabeua nako bwa ana wareki kiibu aikai ao ni maroroakina te bwai ae a anga reirei iaona n taekan te onimaki ao te rairaki. Tuangiia kurubu n tatabeua nako bwa a na tibwauai bwaai aika a reiakin. Ko na bae ni kaunga te marooro man tabekakin titiraki n aron aikai: Bukin tera te koraa ae rikirake nakon te kai bon te kabwarabwara ae raoiroi ibukin te rairaki? Tera ae nanonaki n te “kakatai iaon ana taeka te [Atua]”? (te kibu 27). Tera ae nanonaki n “kamwarakea te kai”? (kibu 41). Ti na kanga n taekinna ae te koraa n te rairaki e “e rikirake, ma ni bwebwerake, ma ni moanna n maiu.” inanora? (te kibu 30). Angania kaain te kooram ke te kiraati te tai n iangoia bwa tera ae a kainnanoia ni karaoia ni kakorakora oin rairakiia nakon Iesu Kristo.

• A mwaiti katikitiki n te aonaaba ae a totokoa rairakira nakon Iesu Kristo. Warekan Ereman 5:12 e kona n reireiniia kaain te kooram ke te kiraati bwa ana kanga n tiku ni matoatoa n aki tabe ma te kakaitara. Tera ae nanonaki ni “katea aam” iaon bwaan Iesu Kristo? Ko kona n anganiia aomata n tatabemaniia mwakoron ana rongorongo Unimwaane Quentin L. Cook “Foundations of Faith” (Liahona, Meei 2017, 127–31) ao n tuangiia bwa ana ukeuke ibukin katooto ao reirei ake ana buokiia ni katea aaia iaon te Tia Kamaiu.

• Ko kona n iangoa te kawai ae kakauiango ni kamatataa te reirei are e anga Beretitenti Bonnie H. Cordon n ana marooro “Onimakina Iehova ao Tai Mwiokoa Oin Am Ataibwai”? Te katooto, ko kona n tibwauaia am kooram ke am kiraati nakon kurubu ao kaewenakoia kurubu n tatabeua nako bwa a na katea te kabanea n rietaata ni kateitei iaon te tabo ae karabei ni kabonganai mwakorokoro ni kai ke bwaai riki tabeua. Ngkanne maroroakinna bwa e kanga te bwai aei n irekereke ma ana rongorongo Beretitenti Cordon. A kona kaain te kooram ke te kiraati n ukoukora te rongorongo ibukin iango bwa ti na kanga ni kabotoa maiura iroun Iesu Kristo. Tera taneiai aika ti kona n tibwauai ngkana ti reiakinna n oin ara ataibwai ke ngkana ti onimakina te Tia Kamaiu?

Mwakuri inanon te Onimaki

Kaungaiia kain te kooram ke te kiraati ni iangoia ao korea mwiin te bwai are a na karaoia ni karaoa nanon te namakin are a karekea n te bong aei. E kanga te reirei n te bong aei n irekereke ma oin aia kouru are a tia ni karaoia? Ngkana a tangiria, a kona kaain te kooram ke te kiraati n tibwauai aia iango.

Reitan Bwaai n Mwakuri

• Aramwa 5 (Aramwa e reirei taekan te riki n rairaki)

• David A. Bednar, “Converted unto the Lord,” Liahona, Nobembwa. 2012, 106–9

• Richard J. Maynes, “The Joy of Living a Christ-Centered Life,” Liahona, Nobembwa. 2015, 27–30

• Becky Craven, “Te Taratara Raoi ni Kaitaraaki Raoi ma te Mamanikangare,” Riaona, Meei 2019, 9–11

Anga Reirei n Ana Kawai te Tia Kamaiu

E taku te Tia Kamaiu, “Tiaki au bwai au reirei, ma bon ana reirei Teuare kanakomaiai” (Ioane 7:16). E reirei te reirei are E reiakinna mairoun Tamana. Ko na kanga ni kakoaua bwa ko anga reirei iaon te reirei ae koaua? (Taraa Reirei n Ana Kawai te Tia Kamaiu [2016], 20–21.)