“Nobembwa 14. Bukin Tera e Kakaawaki te Mare are Akea Tokina? Reirei ao Berita aika Tabu 129–132,” Nakomai, Iriirai—Ibukin te Kooram n te Nakoanibonga ae te Aaron ao aia Kiraati Ataeinnaine: Atuun Reirei 2021 (2020)
“Nobembwa 14. Bukin Tera e Kakaawaki te Mare are Akea Tokina?” Nakomai, Iriirai—Ibukin te Kooram n te Nakoanibonga ae te Aaron ao aia Kiraati Ataeinnaine: Atuun Reirei 2021
Nobembwa 14
Bukin Tera e Kakaawaki te Mare are Akea Tokina?
Te Uaia ni Marooro
E kairaki irouia kaain te beretitentii n te kooram ke te kiraati; e na kabanea 10–20 te miniti
Ni moan waakin te bootaki, manga atonga riki Ana Botoniango Te Kooram n te Nakoanibonga ae te Aaron ke Ana Botoniango te Bootaki n Ataeinnaine. Ngkanne kaira te marooro ibukin bwaai n aron akana imwiina, ao bairei kawai ake kona mwakuri ni bwaai ake ko maroroakin (ko kona ni baireia tera bwaai ake a na maroroakinaki inanon te boowi ni beretitentii):
-
Ara kooram ke ara kiraati. Antai ae e kainnanoa ara ibuobuoki ao ara tataro? Tera ae ti kona ni karaoia ni buokiia? Antai ae tina kaoa nakon te waaki ni kakukurei ae e na roko?
-
Ara beku ke mwiokoara. Tera katabeara aika ti a tia ni kakoroi nanoia? Tera katabeara aika ti riai ni karaoi? E kanga aron kaoakiia tabeman nakon Kristo, ao ti na kanga ni kaoiia ngkai?
-
Maiura. Tera te bwai ae ti a tia n rinanona mai mwaina ae e a tia ni kakorakora ara koaua? Baikara bwaai aika a riki inanon maiura, ao ti na kanga ni kateimatoaira ibon imarenara?
N tokin reirei, ngkana e riai, karaoi waaki aikai:
-
Kaota koauan te reirei are e reiakinaki.
-
Kauringiia kain te kooram ke te kiraati iaon babaire ao kakao ake a karaoi n tain te bootaki.
Reirei te Reirei
Kairaki iroun te tia kairiiri ae ikawai ke te kairake; e na kabanea 25–35 te miniti
Katauraoiko n te Maiu n Tamnei
Ngkai kaain am kooram ke am kiraati a karekei aia koaua iaon te mare n te tembora ngkai a tiku ni kairake, a na bae n rang tangiria ao ni katauraoi ibukin te kakabwaia ae tamaroa aei. N ana babaire ni kakukurei Tamara are i Karawa, te berita ae tabu n te mare ae akea tokina e kakaawaki nakon te karietataaki (taraa Reirei ao Berita aika Tabu 131:1–4). Ma te mare n te tembora tiaki ti ibukin te bwai ae ti na karekea n te maiu are imwiina—e kona naba ni uoti kakabwaia n te maiu aei. Te katooto, berita aika tabu ma te Atua a kona ni kaungaia bumwaane ao buaine n iangoi aron aia reitaki bon irouia. Ao te mwaane ao te aine ake a kabaeaki bon imarenaia ibukin te tai aei ao ae akea tokina iai aia koaua bwa ibukin Iesu Kristo, ao e na reitinako aia reitaki n aki toki ngkana a kokoaua nakon aia berita aika tabu.
Ko na kanga ni buokiia kaain am kooram ke am kiraati n namakina te nano ae korakora ni kan kabaeaki n te tembora? Ni katauraoiko n reirei taekan te mare n te tembora, ko na bae n ukoukora te koroboki “About a Temple Sealing” n te temples.ChurchofJesusChrist.org ke wareka “Marriage” inanon True to the Faith ([2004], 97–101).
A kona utu ni kabaeaki n akea tokina rinanon otenanti n te tembora.
Te Uaia n Reirei
N anganiia kaain te kooram ke te kiraati aia tai n tibwaua te bwai ae a tia n reiakinna ni booki aika tabu n te wiiki aei, ko kona ni koroia iaon te burakibooti te titiraki n aron Bukin tera te mare ae akea tokina inanon ana tembora te Atua e kakaawaki? A kona ngkanne kaain te kooram ke te kiraati ni kakaea taekan te kibu are a warekia n Reirei ao Berita aika Tabu 129–32 are e na kona ni buokia ni kaekaa te titiraki ao korea te kibu irarikin te titiraki. (Ngkana e ibuobuoki, ko kona ni kotei nakon Reirei ao Berita aika Tabu 131:1–4; 132:13–19.) Botaki ni wareki tabeua kiibu, ao maroroakina te bwai ae a reiakinna. Ko kona ni kabongana teuana mai ibuakon waaki ni kakukurei aikai ni buokiia kairake n ataa kakawakin te mare n te tembora.
-
Bukina bwa te mare ae akea tokina e onoti nakon te euangkerio ae kaokaki, naake ko reireiniia e kona n reke aia tai ni kabwarabwaraa nakoia aomata ake aki taneiai ma ngaia. Ni buokiia kaain te kooram ke te kiraati ni karaoa aei, ko kona ni kaoia bwa ana iangoia ae iai raoraoia ae a kan ataia bwa bukin tera Aika Itiaki ni Boong aika Kaitira a kakoaua bwa te mare n te tembora e rangin ni kakaawaki. Tuangiia bwa ana wareki kiibu inanon “Reitan Bwaai n Mwakuri,” “Te Utu: Te Katanoata Nakon te Aonaaba” (ChurchofJesusChrist.org), ke iteraniba 97–98 inanon Te Koaua nakon te Onimaki. A kona n tarai taeka, kibuntaeka, ao iango aika a kona ni koroi n aia reta nakoia raoraoia ni kabwarabwara kakawakin te mare n te tembora. A kona naba ni mataku n “Why Is Marriage Sacred to Heavenly Father?” man “Face to Face with Elder and Sister Renlund” ([worldwide youth broadcast], Aokati 5, 2017, FacetoFace.ChurchofJesusChrist.org). Ko kona n anganiia aia tai ni korea te reta ao ni kaoia bwa a na tibwaua te bwai are a koroia.
-
Norakin te katooto n te mare ae onimakinaki e kona ni kaungaia naake ko reireiniia bwa ana ukeuke ibukin te kakabwaia aei ibon irouia. Teuana te kawai ni karaoan aei bon man rinanoan taian mwakoro n ana rongorongo Unimwaane L. Whitney Clayton “Marriage: Watch and Learn” (Liahona, May 2013, 83–85). Tera ae a tia kaain te kooram ke te kiraati n reiakinna iaon aron karekean te mare ae kakukurei ae akea tokina? A kona naba kaain te kooram ke te kiraati n rinanoi naba iango inanon “Achieving a Happy Marriage” in True to the Faith (pages 99–101). A kona naba ni mataku n “How Did Elder and Sister Bednar Meet?” man “Face to Face with Elder and Sister Bednar” ([worldwide youth broadcast, May 12, 2015], FacetoFace.ChurchofJesusChrist.org).
-
Tuangiia kaain te kooram ke te kiraati bwa ana iangoi tabeua bwaai ake ana tauiia man te kabaeaki n te tembora. Tera ae ti kona ni karaoia ngkai n tokanikai iaon bwaai aikai? A kona n rinanon “Eternal Marriage” inanon mwakoro 3 n Tataekina Au Euangkerio ([2019], 89) ni kakaai reirei ao kataneiai ake a na kairi nakon te mare ao te utu ae kakukurei. A kona naba ni koroi tabeua bwaai aika a kona ni karaoi ni katauraoi ibukin te mare ae akea tokina. Tera taben te Tia Kamaiu ni buokiira ni katauraoira ibukin ao ni karekea te mare ae akea tokina?
Mwakuri inanon te Onimaki
Kaungaiia kain te kooram ke te kiraati ni iangoia ao ni korea mwiin te bwai are a na karaoia ni karaoi nanon namakin ake a karekei n te bong aei. E kanga te reirei n te bong aei ni irekereke ma oin aia kouru are a tia ni karaoia? Ngkana a tangiria, a kona kaain te kooram ke te kiraati n tibwauai aia iango.
Reitan Bwaai n Mwakuri
-
Reirei ao Berita aika Tabu 49:16–17; 131:1–4; 132:13–19 (Te mare ae akea tokina e kakaawaki n ana babaire te Atua)
-
Atuun Rongorongon te Euangkerio, “Marriage,” topics.ChurchofJesusChrist.org
-
“What Is a Temple Wedding Like?” (witeo), temples.ChurchofJesusChrist.org
-
Unimwaane D. Todd Christofferson e taekinna: “Ngkana ko na katanoatai koaua aika kakaawaki ni kaineti ma te mare ao te utu tiaki n ae ko na tarariaoia ke ni kakea bonganan aia angakarea ao tokanikaia naake a tuai kakoaua raoi te iango aei. … Mwaitira ae raoiroi, mwaitira ae kakaawaki—riki n tabetai bwaai ni kabane ake a riai ibukin ngkai—a kona ni korobukiia n te tai ae aki maan. … Ma te aki nanokokoraki ti kaoaua bwa Ana Mwakuri ni kamaiu Iesu Kristo e a tia ni kaman taekinaki ao, n tokina, e na kaboi mwiin ni kabane kabwaka ao te bua ibukiia naake a tanrikaaki Nakoina” (“Why Marriage, Why Family,” Liahona, Meei 2015, 52).
Anga Reirei n Ana Kawai te Tia Kamaiu
Titiraki iaon titiraki ake a na kaungaia naake ko reireiniia n iangoa raoi te mare ae akea tokina ao n namakina te nano ni mwakuri nakon te kouru anne. Kakauongo raoi nakon aia kaeka ao kaeka ma te tangira n aron ana wirikiriki te Tamnei.