o se ulugalii fou i luma o le malumalu

14 Novema

Aisea e Taua ai le Faaipoipoga e Faavavau?

Mataupu Faavae ma Feagaiga 129–132

aikona o le fefautuaai faatasi

Fefautuaai Faatasi

E taitaiina e se sui o le korama po o le au peresitene o le vasega; pe a ma le 10–20 minute

I le amataga o le fonotaga, toe fai faatasi le Autu o le Korama a le Perisitua Arona po o le Autu a Tamaitai Talavou. Ona taitaia lea o se talanoaga e uiga i mea e pei o nei, ma fuafua ni auala e galulue ai i mea tou te talanoaina (e mafai ona e filifili i se fonotaga a le au peresitene mea e talanoaina):

• O la tatou korama po o le vasega. O ai e manaomia la tatou fesoasoani ma tatalo? O le a se mea e mafai ona tatou faia e fesoasoani ai ia i latou? O ai e tatau ona tatou valaaulia i se gaoioiga o loo loma?

• O o tatou tiute po o matafaioi. O a ni tofiga ua tatou faataunuuina? O a ni tofiga e tatau ona tatou faia? Na faapefea ona tatou valaauliaina isi e o mai ia Keriso, ma e mafai faapefea ona tatou valaaulia isi i le taimi nei?

• O o tatou olaga. O a ni aafiaga lata mai ua faamalosia ai a tatou molimau? O a mea o loo tutupu i o tatou olaga, ma e faapefea ona tatou lagolago i le tasi ma le isi?

Pe a talafeagai ai, faai’u le lesona i le faia o mea nei:

• Molimau atu i mataupu faavae sa aoaoina.

• Faamanatu i tagata o le korama po o le vasega e uiga i fuafuaga ma valaaulia na tuuina atu i le fonotaga.

aikona o le aoao atu o le aoaoga faavae

Aoao atu le Aoaoga Faavae

E taitaia e se taitai matua po se talavou; pe a ma le 25–35 minute

Saunia Oe Lava Faaleagaga

A o maua e tagata o la outou korama po o le vasega ni molimau e uiga i faaipoipoga faalemalumalu ao latou laiti, o le a sili atu ona latou naunau ma saunia mo lenei faamanuiaga sili. I le fuafuaga o le fiafia a lo tatou Tama Faalelagi, o le feagaiga e faavavau o le faaipoipoga e taua i le faaeaga (tagai i le Mataupu Faavae ma Feagaiga 131:1–4). Ae o le faaipoipoga faalemalumalu e le na o le mea o le a tatou mauaina i le olaga a sau—e mafai foi ona aumaia ai faamanuiaga sili i lenei olaga. Mo se faataitaiga, o feagaiga paia ma le Atua e mafai ona aafia ai le auala e vaʻai ai le tane ma le avā i lo la va. Ma o se alii ma se tamaitai ua faamauina mo le olaga nei ma le faavavau atoa, ua i ai le faamautinoaga ona o Iesu Keriso, o le a faaauau pea la laʻua sootaga e faavavau pe afai la te faamaoni i a la’ua feagaiga.

E mafai faapefea ona e fesoasoani i tagata o lau korama po o le vasega ia lagona se naunautaiga sili atu ia faamauina i le malumalu? Ina ia saunia oe lava e aoao atu e uiga i le faaipoipoga faalemalumalu, e mafai ona e suʻesuʻeina le tusiga “About a Temple Sealing” i le temples.ChurchofJesusChrist.org pe faitau “Faaipoipoga” i le Faamaoni i le Faatuatua ([2004], 97–101).

matua o loo siiina le la fanau

E mafai ona faamauina aiga e faavavau e ala i sauniga o le malumalu.

Aoao Faatasi

Ina ia tuuina atu i tagata o le korama po o le vasega se avanoa e faasoa atu ai mea sa latou suesueina i tusitusiga paia i lenei vaiaso, e mafai ona e tusi i luga o le laupapa se fesili e pei o le Aisea e taua ai faaipoipoga e faavavau i le malumalu o le Atua? Ona mafai lea e tagata o le Korama po o le vasega ona sailia le mau faasino i se fuaiupu latou te faitauina i le Mataupu Faavae ma Feagaiga 129–32 lea e mafai ona fesoasoani e tali ai le fesili ma tusi ai le mau faasino i talane o le fesili. (Afai e fesoasoani, e mafai ona e faasino atu ia i latou le Mataupu Faavae ma Feagaiga 131:1–4; 132:13–19.) Faitau faatasi nisi o mau, ma talanoaina mea latou te aoao atu. E mafai ona e faʻaaogaina soʻo se tasi o gaoioiga nei e fesoasoani ai i le autalavou ia malamalama atili i le taua o le faaipoipoga i le malumalu.

• Ona o le faaipoipoga e faavavau e tulaga ese i le talalelei toefuataiina, o i latou o loo e aoaoina atonu e maua ni avanoa e faamalamalama atu ai i tagata e le masani ai. Ina ia fesoasoani i tagata o le korama po o le vasega e faia lenei mea, e mafai ona e valaaulia i latou e vaai faalemafaufau e i ai a latou uo o loo maofa pe aisea ua talitonu ai le Au Paia o Aso e Gata Ai o le faaipoipo i le malumalu e taua tele. Fai atu ia i latou e faitau mau i le “Punaoa Lagolago,” “O le Aiga: O se Folafolaga i le Lalolagi” (ChurchofJesusChrist.org), po o itulau 97–98 i le Faamaoni i le Faatuatua. E mafai ona latou vaavaai mo upu, fuaitau, ma manatu atonu latou te faaaofiaina i se tusi i la latou uo e faamatala ai le taua o le faaipoipoga i le malumalu. E mafai foi ona latou matamata i le “Aisea e Paia ai le Faaipoipoga i le Tama Faalelagi?” mai le “Face to Face with Elder and Sister Renlund” ([faasalalauga a le autalavou i le lalolagi atoa], 5 Aok. 2017, FacetoFace.ChurchofJesusChrist.org). E mafai ona e tuuina atu ia i latou se taimi e tusi ai se tusi ona valaaulia lea o i latou e faasoa mai mea na latou tusia.

• O le vaaia o se faataitaiga o se faaipoipoga faamaoni e mafai ona musuia ai i latou e te aoaoina e saili mo lenei faamanuiaga mo i latou lava. O se tasi auala e fai ai lenei mea o le iloiloina lea o vaega o le savali a Elder L. Whitney Clayton “Faaipoipoga: Matau ma Aoao” (Liahona, Me 2013, 83–85). O le a se mea o aoao mai e le korama po o le vasega mai lenei savali e uiga i le auala e fausia ai se faaipoipoga fiafia e faavavau? Atonu o le a iloiloina foi e le korama po o le vasega ia manatu i totonu o le “Ausiaina o se Faaipoipoga Fiafia” i le Faamaoni i le Faatuatua (itulau 99–101). E mafai foi ona latou matamata i le “Na Faapefea Ona Fetaui Elder ma Sister Bednar?” mai le “Face to Face with Elder and Sister Bednar” ([faasalalauga a le autalavou i le lalolagi atoa], 12 Me, 2015, FacetoFace.ChurchofJesusChrist.org).

• Fai atu i sui o le korama po o le vasega e mafaufau i nisi o mea e mafai ona taofia ai i latou mai le faamauina i le malumalu. O a mea e mafai ona tatou faia nei e foia ai nei mea? Ona latou iloiloina lea o le “Faaipoipoga e Faavavau” i le mataupu e 3 o le Tala’i La’u Talalelei ([2019], 89) e saili ai mataupu faavae ma faiga masani e taitai atu ai i faaipoipoga ma aiga fiafia. E mafai ona latou lisiina nisi o mea e mafai ona latou faia nei e saunia ai mo se faaipoipoga e faavavau. O le a le matafaioi a le Faaola i le fesoasoani ia i tatou ia saunia ai ma ausia se faaipoipoga e faavavau?

Faatino i le Faatuatua

Ia uunaia sui o le korama po o le vasega e mafaufau loloto ma faamaumau mea o le a latou faia e faatino ai lagona na latou maua i le asō. E faapefea e le lesona o le asō ona fesootai i sini faaletagata lava ia ua latou faia? Afai latou te mananao ai, e mafai e sui o le korama po o le vasega ona faasoa atu o latou manatu.

Punaoa Lagolago

• Mataupu Faavae ma Feagaiga 49:16–17; 131:1–4; 132:13–19 (O le faaipoipoga e faavavau e taua i le fuafuaga a le Atua)

• Autu o le Talalelei, “Faaipoipoga,” topics.ChurchofJesusChrist.org

• “What Is a Temple Wedding Like?” vitio, temples.ChurchofJesusChrist.org

• Na ta’ua e Elder D. Todd Christofferson: “Ina ia tautino atu ia upumoni faavae e tusa ai ma le faaipoipoga ma le aiga, e le o faaseloa ai le vaai pe tuuitiitia ai osigataulaga ma manuia o i latou e le i afea le tulaga lea i le taimi nei. … E tele mea e lelei, e tele mea e manaomia—o nisi lava taimi o mea uma e tatau ai mo le taimi nei—e mafai ona ausia i tulaga faatauvaa. … Faatasi ai ma le mautinoa tatou te molimau atu o le Togiola a Iesu Keriso ua faamoemoeina, ma, i le iuga, o le a tauia ai mea uma na le’i mauaina, ma le toilalo o i latou na liliu atu ia te Ia” (“Aisea e Faaipoipo Ai, Aisea e Fai ai se Aiga,” Liahona, Me 2015, 52).

Aoao Atu i le Ala a le Faaola

Fai ni fesili o le a musuia ai i latou o loo e aoaoina e mafaufau loloto e uiga i le faaipoipoga e faavavau ma lagonaina se manao e galue agai i lena sini. Faalogo ma le toto’a i a latou tali ma tali atu ma le agalelei e pei ona uunaia ai e le Agaga.