Beberuare 13

Ti na Kanga n Teimatoa ni Koaua nakon te Tia Kamaiu inanon te Aonaaba ae Buakaka?

Karikani Bwaai 12–17; Aberaam 1–2

Te Uaia ni Marooro

E kairaki irouia kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, ikotaki kaokioka n atonga Ana Botoniango te Bootaki n Ataeinnaine ke ana Botoniango Te Nakoanibonga ae te Aaron. Ngkanne kaira te marooro iaon te mwakuri ni kamaiu ao karietataaki kabongana teuana ke raka man taian titiraki inano ke oin am titiraki (taraa Aeniboki ni Kabuta, 10.2, 11.2, ChurchofJesusChrist.org). Babaire ao mwakuria te bwai ae maroroakinaki.

• Maiuakina te euangkerio. Ti kanga n roko ni kaan riki nakon te Tia Kamaiu? Ti kanga ni kataia n riki n Arona?

• Tararuakiia naake iai kainnanoia. Antai ae a mena n ara iango? Ti na kanga ni buokiia aomata n tatabemaniia nako aikai?

• Kaoaiia ni kabane ni karekea te euangkerio. Ti na kanga ni kaekai aia titiraki raoraora iaon ana kawai te Ekaretia bwa a na kakorakorai aia onimaki iroun te Tia Kamaiu?

• Katiteuanakiia utu in akea tokina. Tera tabeua kawai aika ti kona iai n reitaki ma kaain ara utu ake tabeman, n aroia tenaan tibu ao tenaan katin?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

Reirei te Reirei

Kairaki iroun te tia kairiiri ae ikawai ke te kairake; 25–35 te miniti

Katauraoiko n te Maiu n Tamnei

Maiuakinan te etieti inanon te aonaaba ae buakaka e aki beebete. Ibukin Aberaam, te nano n tannako mairoun te Atua e aki roko tii mai itinanikun te aonaaba—riki ana bakatibu Aberaam a tannako mairoun te Uea (taraa Aberaam 1:5–12; 2:5). Aberaam ao Tiera a rinanon kangaanga, a bon onimakina ana berita te Uea “ao ngke a tuai anganaki, ao atongaki n taeka n akoi, ma a taku bwa bon iruwa ao aomata ae a na aki kamania iaon te aba” (Ebera 11:13).

Ko na kanga ni buoka te kiraati ke membwa n te kooram n tiku ni kakaonimaki ngkana a namakina ai aron “iruwa ao aomata aika a na aki kamaniia” n te aonaaba ibukina a maiuakina ana kainibaire te Uea? Ko na kanga ni kaungaiia n riki ninikoria ngkai a maiuakina te onimaki nakon te Uea? Ngkai ko katauraoi n anga reirei, iangoa rinanoan Ioane 15:18–20 ao ana rongorongo Unimwaane Neil L. Andersen “Tokanikai iaon te Aonaaba” (Riaona, Meei 2017, 58–62).

Ana reirei Iesu Kristo a kona ni kunea te rau ngkana a maiuakina te kakaonimaki n aki tabe ma taian kakaitara.

Te Uaia n Reirei

Am kiraati ke membwa n te kooram a tia n reke ni kaungakiia iroun ana katooto Aberaam n te wiiki aei ngkai a kamatebwaia Karikani Bwai 12–17 ao Aberaam 1–2. Ko riai ni kaoia n rinanon Aberaam 1:1–19 ao tibwauaia bwa tera e kaungaiia n taekan ana katooto Aberaam. Tera bwaai aika ti tebo aika ti noori imarenan ana kangaanga Aberaam are e rinanona ao te kangaanga are ti kaaitarai n te bong aei? Rinea teuana ke raka man te waaki ni kakukurei i nano ni kaungaa te marooro iaon bwa ti kanga n teimatoa ni kakaonimaki nakon Iesu Kristo n aroarora ni kabane.

• Te Uea ao Ana burabeti aki toki ni kaumakiia koraki ake a reireiniia ni maiuakina te kakaonimaki n aki tabe ma te buakaka ni katobibiia. Tera tabeua kawai are Tatan e kairiia kairake n aomata n urua ana tua te Atua n ara bong? Koraki ake ko reireiniia a kona ni wareka tabeua man koroboki aika tabu aika a karinanaki inanon kona naba ni wareki tabeua koroboki aika tabu inanon “Reitan Bwaai ni Mwakuri.” Kaoiia bwa a na marooakina bwa tera ae a reiakinna iaon te teimatoa ni koaua nakon Kristo ngkana te aonaaba e kaririira bwa tera ae ti na karaoia ke ni kaenaenaira. A kona n tibwauai kawai are a tia ni kunei ni maiuakina te kakaonimaki ngkana tabeman aki. Ningai ae ti a tia ke tabeman ake ti kinaia a tia ni karaoa aei? Ko kona naba ni kaota teuana ke raka man te witeo inanon “Reitan Bwaai ni Mwakuri.”

• Ni buoka am kiraati ke kooram n oota bwa a na kanga n tokanikai iaon te aonaaba ao ni karekea te kakabwaia are e roko man karaoakina ngaia are koreia iaon te burakibooti Tokanikai iaon te aonaaba bon… ao Tokanikai iaon te aonaaba mwiina inanon… Ko kona n tuangiia kairake n rinanon ana rongorongo Unimwaane Neil L. Andersen “Tokanikai iaon te Aonaaba.” Kaoiia bwa a na kakaei kawai ni kabwanina kibuntaeka aikai, koreia iaon te burakibooti bwa tera ae a reiakinna. Marooroakin bwaai aika a kunei. Kaman kaoa temanna te aomata n roko n tauraoi n tibwa te karaki ni kaotia bwa e kanga Iesu Kristo n teimatoa ni koaua nakon Tamana n aki tabe ma kakaitara (taraa Mataio 4:1–11; Ruka 22:39–44). Tera ana katooto te Tia Kamaiu ni buokiira n oota iaon te tokanikai iaon te aonaaba? (taraa Ioane 16:33).

• Ana reirei Iesu Kristo a na roko n “te aonaaba ma tiaki ngaiia kaain te aonaaba.” Tikura “n te aonaaba” e kona n nanonaki bwa ti kaitarai kangaanga ngkana ti maiu nakon ara kainibaire. Ma e nanonaki naba bwa ti kona ni kakairiia tabeman ibukin te raoiroi. N reirei te reirei aei, ko kona n tuanga temanna n roko nakon te kiraati n tauraoi n tibwaua teuana ke e raka te karaki man ana rongorongo Beretitenti Bonnie H. Cordon “Bwa Aonga N Noria” (Riaona, Meei 2020, 78–80). Tera ae ti reiakinna man karaki aikai iaon kabonganaan ootara ni buokiia tabeman n roko ni kaan nakon Iesu Kristo? Kaoa te kiraati ke kooram ni kakaea ana rongorongo Beretitenti Cordon ibukin kibuntaeka ake a kaungai nanoia n riki bwa te oota nakoia tabeman inanon te aonaaba ae buakaka. Kaoiia ni wareka aia kibuntaeka ni kabaibati ao tibwaia bwa tera aia namakin are e kaungai nanoia wa a na karaoia.

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia n iangoa taekana bwa e kanga mwakurian aia namakinan are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Mataio 5:14–16; 1 Nibwaai 15:23–25; Ereman 5:12; Tua ma Berita aika Tabu 10:5; 27:15–18; 87:8 (E na kanga te teimatoa ni koaua nakon Iesu Kristo)

• “Teei Ngkoe n Taabo aika Tabu—Ike Kam Unikaki iai,” “195 Dresses,” “Guided Safely Home” (videos), ChurchofJesusChrist.org

Reirei n ana Kawai te Tia Kamaiu

Te Tia Kamaiu e kaoa Betero ni kakoaua man titirakinna, “Kam taku bwa antai Ngai?” (Mataio 16:15). Ngke e kaeka Betero, ana kakoaua e kakorakoraaki. Tera taian titiraki are a na kaoiia koraki ake ko reireiniia ni kakoaua n te aro are te Tamnei e kona ni kakorakora aia kakoaua?