Maati 27

Antai Ngai, ao Antai te Aomata ae E Tangiria te Atua bwa N na Riki bwa Ngaia?

Te Otinako 1–6

Te Uaia ni Marooro

E kairaki irouia kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, ikotaki kaokioka n atonga Ana Botoniango te Bootaki n Ataeinnaine ke ana Botoniango Te Nakoanibonga ae te Aaron. Ngkanne kaira te marooro iaon te mwakuri ni kamaiu ao karietataaki kabongana teuana ke raka man taian titiraki inano ke oin am titiraki (taraa Aeniboki ni Kabuta, 10.2, 11.2, ChurchofJesusChrist.org). Babaire ao mwakuria te bwai ae maroroakinaki.

• Maiuakina te euangkerio. N na kanga ni kunea te kimwareirei n iriiran Iesu Kristo?

• Tararuakiia naake iai kainnanoia. Antai inanon ara uoote ke komiunite ae kainnanoa ara ibuobuoki? Ti na kangaa n ibuobuoki?

• Kaoaiia ni kabane ni karekea te euangkerio. Ti na kanga ni buokiia tabeman ni katauraoi ibukin te mwakuri ni mitinare?

• Katiteuanakiia utu in akea tokina. Ti na kanga n tibwatibwa nakon aia kekeiaki kaain ara uoote ni karaoa rongoronngon te utu ao mwakuri n te tembora?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

Reirei te Reirei

Kairaki iroun te tia kairiiri ae ikawai ke te kairake; 25–35 te miniti

Katauraoiko n te Maiu n Tamnei

Te aroka are e aki bue e a tia n riki bwa te taratara ae kamiimi, ao e katika ana taratara Mote. Ma moarariki kamiimina bwa tera ae riki imwina. E taetae te Atua nakon Mote, ao Mote e reiakinna n tarakina bon ngaia n te kawai are te Atua e nooria. Ma te taratara anne, Mote e katiaa te bwai teuana ma ana buoka te Uea are e a tia n iangoa aron kangaangana: e kaitara ma Barao ao ni kamaiuiia ana aomata te Atua.

Ngaira ti bane ni kainanoa te taneiai anne ni buokiira n onea arora-nanououa ma ana atatai te Atua bwa antai ngaira ao antai ae tina kona riki bwa ngaia. Kairake n aomata, n aroia, a kaitara ma rongorongo aika kaairua iaon kakawakin rabwataia. Ao ngkai ma Mote, te Atua “iai te mwakuri ibu[kiia] ni karaoia” (Ana Botoniango te Nakoanibong ae te Aaron). Iai oin aia kangaanga ni kaaitarai ao aia aomata are ana kamaiuiia. Ko na kanga ni buokiia ni uringnga bwa ngaiia bon natin te Atua mwaane ma aine aika a tangiraki irouia aia karo i karawa “ma aroia ae itiaki ao tokin kawaia ae akea tokina”? (Ana Botoniango te Bootaki n Ataeinaine). Iangoa aei ngkai ko wareka Te Otinako 1–6. Iangoa naba kamatebwaian, Reirei ao Berita aika Tabu 18:10–15 ao Beretitenti Dieter F. Uchtdorf’s message “Ko Kakawaki Irouna” (Riaona, Nov. 2011, 19–22).

Maiura e kona ni bitaki ngkana ti mataata ni koauan kinaakira ngkai ngaira natin te Atua.

Te Uaia n Reirei

Membwa n am kiraati ke kooram a na kona ni wareka Te Otinako 1–6 te wiiki aei. Ni kairakiia n tibwaia bwa tera ae a reiakinna, ko kona n tuangiia bwa e kanga ana namakin Mote iaon weteana ni kaotinakoia tibun Iteraerra (taraa Te Otinako 3:11). Tera taian koaua are reireina Mote te Uea ni buokia ni bita ana kantaninga? (taraa Te Otinako 3:4–15; 4:10–17; taraa Mote 1:3–11). E kanga taian koaua aikai n tia ni buoka Mote? A na kanga ni buokiira? Kabonganai waaki ni kakukurei n aron teuana man aikai ni buoka te kiraati ke membwa n te kooram ni kunea bwa te Atua e atia ni kaota taekan koauan kinakiia, tauiia, ao konabwaia.

• Beretitenti Dieter F. Uchtdorf e taku, “Te Uea e kabongana te kai ni katine ae rang kaokoro ma are n te aonaaba ni katinea kakawakin te tamnei” (“Ko Kakawaki Irouna,” 22). Ni marooroakina te iango aei ko kona ni koreia iaon te burakibooti E na kanga te aonaaba ni kaota te aomata anne teuanne ke neienne e bon kakaawaki? Kaoiia koraki ake ko reireiniia n taekin aia reke. Ngkana ti motikitaekan taura n te kawai aei, e na kanga ara namakin aikai n roota ara rinerine? Ngkanne ko kona ni koreia iaon te burakibooti E kanga te Atu ni kaota te aomata bwa teuanne ke neienne e bon kakaawaki? Ngkana te kairake e tibwaa ana reke, kaungaiia ni wareka Ioane 3:16; Reirei ao Berita aika Tabu 18:10–15; Ruka 15:3–6, 11–32. A kona naba ni wareka ana kabanea ni mwakoro man ana marooro Beretitenti Uchtdorf. Ngkana ti motikitaekan taura n te kawai aei, e na kanga namakina aika n roota ara rinerine?

• Te maama e rotiira bwa ti na kanga n namakin iaon ao kakukureiara ao tabeman. Ni buoka te kiraati ke membwa n te kooram bwa a na kanga n reiboon araia, ko kona n anganiia n tatabeman tabeua taian taeki ibukin te ara aika akea kanoaia. Tabeua taeki a kona ni iai “Mauri, Ngai I akoi; ngai te nati te aine ae I tikiraoi…” a koreaki mai ieta. Kaoiia n iangoi tabeua kaokoron taeka ke kibuntaeka are a kona ni koreia iaon aia taeki. Ngkana Tamara are i Karawa e kanoai aara iaon taian taeki ibukira, tera are E na koreia? Tera ae E riai ni koreia ngkana te taeki e taekina “Mauri, I konaa n riki bwa te tina ae raoiroi; te rao ae tamaroa…”? Te kiraati ke membwa n te kooram a konaa n iangoi taian titiraki aikai ngkai a wareki tabeua man koroboki aika tabu: 1 Ioane 3:1–3; Moronaai 10:32–33; Reirei ao Berita aika Tabu 76:69–70; 84:37–38.

• Rongorongo n te maungatabu ni kabuta inanon “Reitan Bwaai ni Mwakuri” kanoana katootongaia aomata ake a maeuia a bitaki ibukina bwa a reiakina kinakia ni koaua ngkai natin te Atua. Iangoia n anganiia n tatabeman n te kiraati ke membwa n te kooram bwa a na iangoia ao n tibwaia ma te kurubu. Ko riai naba n taetae iaon bwa e kanga ataakina are ngaira ni kabane natin te Atua n tia n roota maium. Kaoa te kiraati ke membwa n taetae iaona bwa e kanga ataakina irouia ae ngaiia natin te Atua n tia n roota maeuia.

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona tibwauai aia iango. Kaoiia n iangoa taekana bwa e kanga mwakurian aia namakinan are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Joy D. Jones, “E aki Kona ni Baenaki Kakaawakina,” Riaona, Nob. 2017, 13–15

• Brian K. Taylor, “Ngai Natin te Atua?” Riaona, Meei 2018, 12–14

• “Our True Identity,” “How Can I See Myself as God Does?” from “Face to Face with Elder Rasband, Sister Oscarson, and Brother Owen” (videos), ChurchofJesusChrist.org

• “All About Me” taneiai n te FamilySearch.org/discovery

Reirei n ana Kawai te Tia Kamaiu

“Ngkana kairake a namakina are ko onimakiniia, aia koaua raoi n aia konabwai ae mairoun te Atua e na rikirake, ao a na kakubako ma te bwai are a konaa ni katia” (Teaching in the Savior’s Way, 28).