Nobembwa 27

N na Kanga n Tibwaua te Euangkerio?

Iona; Mika

Te Uaia ni Marooro

E kairaki irouia kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, bootaki n atonga ana Botoniango te Bootaki n Ataeinnaine ke Ana Botoniango Te Nakoanibonga ae te Aaron. Ngkanne kaira te marooro iaon te mwakuri ni kamaiu ao ni karietataaki ni kabongana teuana ke e raka riki n titiraki aika inano ke aika bon am kario (taraa Aeniboki ni Kabuta, 10.2, 11.2, ChurchofJesusChrist.org). Babaire ao mwakuria te bwai ae maroroakinaki.

• Maiuakina te euangkerio. Ti na kanga n roko ni kaania te Tia Kamaiu? Ti na kangaa ni kataia n riki n ai Arona?

• Tararuakiia naake iai kainnanoia. Antai aika a mena n ara iango? Ti na kanga ni buokiia ngaiia n tatabema?

• Kaoakiia ni kabane bwa a na karekea te euangkerio. Ti na kanga ni kaekai aia titiraki raoraora n taekan te Ekaretia?

• Katiteuanakiia utu in akea tokina. Tera kawai tabeua ae ti kona n toma ma kaain ara utu ae raababa n aroia naan tibura ao naan tarira nako?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

Reirei te Reirei

Kairaki iroun te tia kairiiri ae ikawai ke te kairake; 25–35 te miniti

Katauraoiko n te Maiu n Tamnei

Tao a na bon iai membwa man am kiraati ke kooram are a reitinako ni kunei kawai n tibwaua te euangkerio. Tao ko karaoa naba aei! Irouia aomata aika mwaiti, e ngae n anne, tibwauan te euangkerio e bon kangaanga ao riki e kakamaaku. Tetekeraoi, ngaira ni kabane ti kona n riki n tamaroa n tibwauan ara onimaki iroun Iesu Kristo. Ko na bon aki ongo n te rabwata bwanaan te Uea n tuangko ni karaoa te bwai teuana n aron “nako Ninewe, are te kawa ae ababaki, ao takarua n ekia nao,” n aron ae karaoia Iona (Iona 1:2). Ma bwanaan te Tamnei ae Raoiroi ae bebete e kona ni kairiko n “nako nakon” utu aika onoti ke rao ake a tia n tauraoi n ongo am koaua. Butimwaea are ko kona n reiakina mai iroun Iona ngkai ko kamatebwai n te wiiki aei, ao katauraoiko n tibwaia bwa tera ae ko reiakinna ma koraki ake ko reireiniia. Ko riai naba ni wareka ana marooro Unimwaane D. Todd Christofferson “Tibwauan te Rongoongo ni Kaokan Bwai ao te Mangauti” ngkai ko katauraoi nakon te angareirei (Riaona, Meei 2020, 110–13).

Te Tamnei ae Raoiroi e kona ni kairiira n tibwaua te euangkerio ma koraki ake a tia n tauraoi n ongora ara koaua.

Te Uaia n Reirei

Ni buokiia koraki ake ko reireiniia n tibwai aia namakin man kamatebwaian Iona n te wiiki aei ko kona ni kaota tamnein Iona (taraa te kabwarabwara n te wiiki aei Nakomai, Iriirai—Ibukiia Aomata n Tatabemaniia ao Utu). Kaoiia ni marooroakinna bwa tera ae a reiakinna iaon tibwauan te euangkerio man ana taneiai Iona. Ko kona ni kaoiia bwa a na ti rinanoa Ioan 1 ao 3 ao titiraki: Tera ae ti reiakinna iaon tibwauan te euangkerio ma koraki ake tao aki taraa n tauraoi ni bitaki? Tera ae ti reiakinna mairoun te Atua ni kukurei ni kabwarai aia bure koraki ake a rairi nanoia? Ni kaungaia membwa n am kiraati ke kooram n tibwauan te euangkerio, kabongana teuana ke raka man waaki ni kakukurei ke karioi teuana bon mai iroum.

• Ni karekea te iango iaona bwa e kanga tibwauan ana euangkerio te Tia Kamaiu ma tabeman, am kiraati ke kooram a kona n rinanoa taekaia inanon koroboki aika tabu aika imwina, Ioane 4:3–26; Mwakuri 16:25–33; Aramwa 19:14–18, 28–31. Ko kona ngkanne ni maroroakin titiraki n aron aikai: E kanga taekaia aomata aikai n tauraoi n ongo rongorongon te euangkerio? Tera ae ko ataia n taekana bwa e kanga te rongorongo n tibwaaki? Bukin tera ko iangoia bwa Tamara are i Karawa ao Iesu Kristo a tangiriira n tibwaua te euangkerio? Ko kona ngkanne ni marooro ngkai n te kiraati ke kooram bwa tera taekana aikai n reireiniira bwa ti na kanga n tibwaua te euangkerio n te bong aei.

• Warekan katooto aika a kaunga nano mairouia tabeman n tibwauan te euangkerio e kona ni kaungaia kairake ake ko reireiniia ni karaoa ae ti te arona. Unimwaane Elder D. Todd Christofferson e tibwai tabeua katooto inanon ana marooro “Tiwauan te Rongoongo ni Kaokan BWai ao te Mangauti.” Inanon ana marooro, Unimwaane Christofferson e reirei bwa tenua bwaai ae kainanoaki n karaoaki n ara kakao ni karekea kabutan te euangkerio: ara tangira ara katooto, ao kabonganaan Ana Boki Moomon. Maroorakina te katooto n tibwauan te euangkerio inanon te rongorongo ao kaoiia koraki ake ko reireiniia n tibwai tabeua katooto, n ikotaki ma aia taneiai i bon irouia. A kanga taneiai aikai ni kaotii bwaai ake tenua are e reirei Unimwaane Christofferson?

• Ko na kanga ni buokiia naake ko reireniia bwa ana oota bwa tibwauan te euangkerio e bon riki ao e aki riki bwa te kakamaku? Ko kona ni kaota te witeo iaan “Reitan Bwaaini Mwakuri” ao tuangia kairake n iangoia e kanga are a na kona n tibwaua te euangkerio ma temanna are a kinaa. Tera ae ti kona ni karaoia ni kaoiia n roko ao n nooria? Tera te anga are a na roko n ibuobuoki? Ti na kanga ni buokiia n namakina te nano n roko ao n tiku? Ti na kanga ni karaoa tibwauan te euangkerio bwa mwakoron maiura ni katoabong?

Karaoia inanon te Onimaki

Kaungaiia kaain te kiraati ke kaain te kooram ni iangoi man korei baike a na karaoi ni mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoia bwa a na iangoia bwa e kanga mwakurian aia namakin ni kakorakora aia reitaki ma Tamara are i Karawa ao Iesu Kristo.

Reitan Bwaai n Mwakuri

• Carlos A. Godoy, “I Kakoauaia Anera,” Riaona, Nob. 2020, 86–88

• “Sharing the Gospel,” “Inviting Others to ‘Come and See,’” “Inviting Others to ‘Come and Help,’” “Inviting Others to ‘Come and Stay’” (videos), ChurchofJesusChrist.org; ko kona ni kunei tabeua bwaai ni ibuobuoki iaan “Sharing the Gospel,” Gospel Library

Reirei n ana Kawai te Tia Kamaiu

“Aomata a moanna n taraa ni karaoa te bitaki ae nano inanon maiuiia ngkai bitaki akanne a roko man kamwakuran oin aia rinerine. Ngkana ko karababaa te kakao ni mwakuriia, taraia raoi ni karinea aia rinerine koraki ake ko reireiniia” (Ana Kawai te Tia Kamaiu, 35).