Iona iaon te Bike i Ninewe, iroun DanielA. Lewis

Nobembwa 21–27

Iona; Mika

“Ba E Kukurei ni kan Atataiaomata”

Ngkai ko korea am namakin, iangoia bwa e kanga te reirei n Iona ao Mika n irekereke ma te bwai are koa tia n reiakinna man koroboki aika a tabu.

Korei Am Namakin

Iona e toka iaon te kaibuke ni kaineta Taretiti. Akea buren te ieie nako Taretiti, ma e rang n raroanako mai Ninewe, te tabo are e kantaningaaki bwa e na nako ni karokoa iai ana rongorongo te Atua. Ngaia are ngke e kaitibo ma te buaka ae korakora te kaibuke, Iona e ataia bwa bon ibukin ana aki ongotaeka. N ana bubuti Iona, raoraona aika kaimoa a tewenakoa nako kabin taari bwa e na toki te buaka. E taraa n ae e a toki ana mwakuri Iona. Ma te Uea e tuai ni bwara nanona iroun Iona—n ai aron naba are E tuai ni bwara nanona irouia aomata i Ninewe ao ai arona naba ae E tuai ni bwara nanona mai iroun temanna mai iroura. N aron are e reirei Mika, te Uea e aki kukurei ni kan motiki taekara, ma “e kukurei ni kan atataiaomata.” Ngkana ti rairaki nako Ina, “E na oki, E na nanoangaira; E na toutou ara buakaka; ao [E na] tetewe nako [ara] bure nako ani marawa” (Mika 7:18–19).

Ibukin te kamatata n ana boki Iona ao Mika, taraa “Iona” ao “Mika” n te Rikitionari n te Baibara.

Iango ibukin te Kamatebwai i bon Iroum ni Koroboki aika Tabu

Iona 1–4; Mika 7:18–19

E atataiaomata te Uea nakoia ni kabane ake a rairaki nako Ina.

Ana boki Iona e kaotia, ibuakon bwai riki tabeua, aron ana nanoanga te Uea ngkana ti rairi nanora. Ngkai ko wareka Iona, taratarai katooto n Ana atataiaomata. Iangoia bwa ko kanga n tia n rinanon te nanoanga anne inanon maium. Tera ae ko reiakinna are e kona ni buokiko bwa kona atataiaomata riki nakoia tabeman?

Kakoauakin ana atataiaomata te Uea n angiin te tai e karekea te namakin n tangira ao ni kakaitau. E ngae n anne, Iona e “ribaia” ao “e un” (Iona 4:1) Ngke te Uea e kabwabwaka ana nanoanga nakoia aomata ake i Ninewe, ake ana kairiribai Iteraera. Bukin tera e kona n namakina te aro aei Iona? Ko a tia ni karekea te aekaki n namakin anne? Tera ae ko namakinna bwa te Uea e kataia ni buoka Iona bwa e na matata inanon mwakoro4?

Iangoi taian reirei inanon Mika 7:18–19. A kanga koauaaikai n tia ni buoka Iona bwa e na bita anuana ibukin te Uea ao aomata ake kain Ninewe?

Taraa naba Ruka 15:11–32; JeffreyR. Holland, “The Justice and Mercy of God,” Ensign, Tebetembwa 2013, 16–21.

Ti kona n tibwa te euangkerio ma natin te Atua.

Iona1; 3–4

Ni kabane natin te Atua a riai n ongo te euangkerio.

Ninewe bon mwakoron ana tautaeka Aturia, ana kairiribai Iteraera are e rang ataaki ibukin ana kakiriwe ao iowawana. Iroun Iona, e taraia bwa a bon aki kona kain Ninewe n tauraoi ni butimwaea ana taeka te Atua ao rairi nanoia. E ngae n anne, iroun Beretitenti DallinH. E reirei Oaks: “Ti riai n aki motikia mai nanora bwa antai aika tauraoi ni karekea te euangkerio ao antai aika aki. Te Uea e atai namakin n te nano irouia ni kabane Natina, ao ngkana ti tataro ibukin te kairi, E na buokiira ni kakaiia aomata E ataia bwa antai “aika tauraoi n ongoraeakina te taeka’ (Aramwa 32:6)” (“Sharing the Restored Gospel,” Ensign ke Riaona, Nobembwa 2016, 58–59). Tera ae ko reikaiina man Iona3 are e kaungako bwa kona tibwa te euangkerio e riki ma naake a taraa n tuai n tauraoi ni bitaki?

E kona n ibuobuoki kabotauan anuan Iona (taraa Iona1; 3–4) ma ana namakin Aramwa ao natin Moatiaea (taraa Motiaea 28:1–5; Aramwa 17:23–25).

Taraa naba 3Nibwaai 18:32.

Mika 4:11–13; 5:8–15; 7:5–7

Iesu Kristo e taekina te taeka are e koreia Mika.

E rang ataaki bwa te Tia Kamaiu e taetaekinii taeka ake man ana koroboki Itaia ao Taian Areru. Ko ataia ae E taekin naba ana taeka Mika tabeua te tai? Iangoi katooto aikai, ao iangoia bwa bukin tera kibuntaeka aikai a rang ni kakaawaki iroun te Tia Kamaiu. Bukin tera a kakaawaki ibukim?

Mika 4:11–13 (taraa 3Nibwaai 20:18–20). Te Uea e kabotaua te ikotaki ni boong aika kaitira nakon taian te wiita (taraa naba Aramwa 26:5–7; Reirei ao Berita aika Tabu 11:3–4). Tera ae e kaotia nakoim te kabotau ibukin ikotakiia kain Iteraera?

Mika 5:8–15 (taraa 3Nibwaai 21:12–21). Tera ae e taekinna kiibu aikai nakoim ibukin taekaia ana aomata te Atua (“nikiraia Iakoba”) ni boong aika kaitira?

Mika 7:5–7 (taraa Mataio 10:35–36). Ni kaineti ma kiibu aikai, bukin tera e kakaawaki bwa tina “taraa Iehova” moa? Bukin tera e kakawaki te reirei aei ni bong aikai?

Mika 6:1–8

“Tera ae e kantaningaia te Uea mai iroum?”

Mika e kaoira bwa tina iangoia bwa a na aekakira aron “rokom imatan Iehova, ma ni katorobubua … i matan te Atua ae rietata” (Mika 6:6). Tera ae e katerei kiibu 6–8 nakoim ibukin bwaai aika a kakaawaki iroun te Uea ngkai E taubwiia maium?

Taraa naba Mataio 7:21–23; 25:31–40; DaleG. Renlund, “Do Justly, Love Mercy, and Walk Humbly with God,” Ensign ke Liahona, Nobembwa 2020, 109–12.

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Iona 1–4.A na bae ni kukurei am ataei ni karaoi aia kai ake a na taekina rongorongon Iona, n aron ae a na bakaea are a birinako, karaoa tangin taari ae buaka, ke angkoa a ongaki iroun te ika ae bubura (taraa “Iona te Burabeti” ni Karaki man Te O Tetemanti). Titirakiniia kain am utu bwa tera ae a reiakinna man te bwai are e rinanona Iona. Ibukin te katooto teuana n te reirei mairoun Iona, taraa te kibu7 n “Follow the Prophet” (Aia Boki n Anene Ataei, 110–11).

Iona3.Tera ae e reiakinna Iona ibukin tibwauan te euangkerio? Antai aika ti ataia bwa ana kakabwaiaki man te rongorongo n ana euangkerio Iesu Kristo ae kaokaki?

Mika 4:1–5.Ni kaineti ma kibu aikai, tera ae e na uota te rau ao te maiuraoi nakoia ana aomata te Uea? Tera ae ti kona ni karaoia bwa e na koro bukin te taetae ni burabeti aei ni mweengara?

Mika 5:2.Ko kona ni katekea tamnein Iesu ngke te teei ma tinana (taraa Boki n Tamnein te Euangkerio, no.33) n iteran te ruu teuana ao tamneia Mwaane ake a Wanawana n are iterana. Ikotaki wareka Mika 5:2 ao Mataio 2:1–6. E kanga ana taetae ni burabeti Mika ni buokiia Mwaane ake Taan Wanawana ni kunea Iesu? Kain te utu a kona ni kamwainga tamneia Mwane ake Taan Wanawana nako rarikin tamnein Iesu. Am utu a kona naba ni kukurei ni mataku n te witeao “The Christ Child: A Nativity Story” (ChurchofJesusChrist.org).

Ibukin iango aika a mwaiti riki ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Te anene ae rineaki: “I’ll Go Where You Want Me to Go,” Boki n Anene, no.270.

Kanakoraoan Am Kamatebwai

Ukora ana tangira te Atua. Ngkai ko wareki koroboki aika a tabu, iangoia ni korei kakoaua n ana tangira te Atua ake a katika nanom. Te katooto, taraia bwa e kanga te Atua ni kaota Ana tangira ibukiia Natina n rongorongon Iona.

Kamatata n te korotamnei iroun Kevin Carden