“Okitobwa31–Nobembwa6. Taniera 1–6: ‘Akea te Anti Temanna ae E Kona ni Kamaiua te Aba n te Aro Aei,’” Nakomai, Iriirai–Ibukiia Aomata n Tatabemaniia ao Utu: Te O Tetemanti 2022 (2021)
“Okitobwa31–Nobembwa6. Taniera 1–6,” Nakomai, Iriirai–Ibukiia Aomata n Tatabemaniia ao Utu: 2022
Taniera e Kabwara Nanon Miin Nebukaneta, iroun Grant Romney Clawson
Okitobwa 31–Nobembwa6
Taniera 1–6
“Akea te Anti Temanna ae E Kona ni Kamaiua te Aba n te Aro Aei”
Unimwaane RichardG. Scott e kabwarabwara bwa korean mwiin te kairi n te namakin e “kaotia bwa Ana reitaki te Atua a tabu iroura. Koreana e karekea naba ara kona ni kauring kaotioti” (“How to Obtain Revelation and Inspiration for Your Personal Life,” Ensign ke Riaona, Meei 2012,46).
Korei Am Namakin
N aron ae ririki akea ae e kona ni kakamakuko bwa e na karenakoko inanon nen te ai ke nneia raian ibukin am onimaki iroun Iesu Kristo. Ma akea mai ibuakora ae e tia n rinanon te maiu aei n aki kataaki ana onimaki. A kona ni bane n reke tibwangara man aia katooto aomata n ai aron Taniera, Tateraka, Metiaka, ao Abeteneko, ataeinimwaane ake a tauaki bwa taenikai n te Tautaeka ni Baburon ae korakora (taraa 2Uea 24:10–16). Kairake aikai a otabwaniniaki n te katei ae aki taneiai iai ma anua aika kakaokoro, ao a kaitara te kaririaki ae korakora bwa a na katikui aia koaua ao kateia aika raoiroi. Ma a teimatoa ni bwaina te koaua nakon aia berita. N ai aron Iotebwa i Aikubita ao Etita i Betia, Taniera ma raraona i Baburon a kawakina onimakinan Atuaia, ao te Atua e karaoi kakai ake a teimatoa ni kamimiia taan kakoaua n te bong aei.
A kanga ni karekea te korakora n teimatoa n rang kakaonimaki? A karaoi bwaai aika a uarereke man bebete are e a tia te Atua n tuangiira ngaira ni kabane bwa ti na karaoi—tataro, aki mamatam, rineia raoraora aika raoiroi, onimakina te Atua, ao n riki bwa te ota nakoia tabeman. Ngkai ti kakorakoraaki man karaoan bwaai aika uarereke man beebete aikai, ti kona ni kaitara kataakin ara onimaki ae korakora inanon maiura ma te onimaki.
Ibukin taraakin bwaai n ana boki Taniera, taraa “Taniera, bookof” n te Rikitinare n te Baibara.
Iango ibukin te Kamatebwai i bon Iroum ni Koroboki aika Tabu
I kona n onimakina te uea ngkana e kataaki au onimaki.
N teina, ti bane ni maeka i Baburon. Te aonaaba ae katobibiira e kaonaki ni kariiri aika bati are e na kamemerea kateira aika raraoi ao ni kananououira n ara onimaki iroun Iesu Kristo. Ngkai ko wareka Taniera1, 3, ao 6, tarai kawai ake a kairoroaki iai Taniera, Tateraka, Metiaka, ao Abeteneko bwa a na karaoi ake a ataia bwa a kairua. Ko a tia n namakina te kairoroaki are e na kamemerea am onimaki? Tera ae ko reiakinna mairouia mwaane aikai are e na buokiko n onimakina te Uea ngkana ko kaitarai kataaki?
Ana boki Taniera ao booki aika mwait ake tabeua a korei taian taneiai ike te onimaki ae korakora e kairi nakon kakai aika korakora. Ma tera ngkana arona bwa ara onimaki e aki karekea te kakai are ti ukoukoria? (taraa, ibukin te katooto, Aramwa 14:8–13). Ni kaineti ma are ko warekia n Taniera 3:13–18, a kanga n am iango Tiateraka, Metiaka, ao Abeteneko ni kaeka te titiraki aei? E kanga aia katooto n roota arom ni kaitaraan kataakin am onimaki? Ibukin rongorongon riki kibu aikai, taraa ana rongorongo Unimwaane DennisE. Simmons “But If Not…” (Ensign ke Riaona, Meei 2004, 73–75).
Ana boki Taniera e kaota naba aron raoiroin temanna ma temanna ni kona ni kairiia tabeman bwa e na korakora riki aia onimaki iroun te Uea. Tera katooto n aei ake ko kunei inanon mwakoro1, 3, ao6? Iangoi aro ake a rootaki iai tabeman man am rinerine (taraa Mataio 5:16).
Taraa naba DieterF. Uchtdorf, “Kona Tai Maaku, Tii Kakoaua,” Ensign ke Riaona, Nobembwa 2015, 76–79; DavidR. Stone, “Zion in the Midst of Babylon,” Ensign ke Riaona, Meei 2006, 90–93.
Kamatata n tamnein Taniera ao raraona ngke a rawa ni butimwaea ana amwarake te uea, iroun Brian Call
Ana Ekaretia Iesu Kristo Ibukiia Aika Itiaki ni Boong aika Kaitira bon abanuean te Atua iaon te aba.
Rinanon te mii, Taniera e nooria bwa miin Nebukaneta e taekin taai aika a na roko n abanuea iaon te aba, ao e taekina naba abanuean te Atua, “ae na bon aki uruakaki” (Taniera 2:44). “Te Ekaretia bon te abanuea are e taetae ni burabetiiaki ni boong aika kaitira,” Unimwaane D.Todd Christofferson e reirei, “e aki karaoaki ni bain te aomata ma e kateaki iroun Atuan karawa ao n rabino n ai aron te atiibu ae ‘koreaki man te maunga n akea baai’ e na kaonrakea te aonaba.” (“Why the Church,” Ensign ke Riaona, Nobembwa 2015,111). Iangoa abanuean te Atua ni boong aika kaitira ngkai ko wareka kabwarabwaraan te atibu n Taniera 2:34–35, 44–45. Tera bwaai aika titebo aika ko noori imarenan te atibu ao te abanuea? Ko kanga n noora abanuean te Atua ni kaona te aonaaba ni boong aikai?
Taraa naba GordonB. Hinckley, “The Stone Cut Out of the Mountain,” Ensign or Liahona, Nobembwa. 2007, 83–86; L.Whitney Clayton, “The Time Shall Come,” Ensign ke Riaona, Nobembwa 2011, 11–13.
Te Tia Kamaiu e na boutokaai inanon kataakiu.
Tera ae roko n am iango ngkai ko wareka taekan te kaaman n aomata are e kaoti n te ura n ai ae uramwaaka ma Tiateraka, Metiaka, ao Abeteneko? E kanga te rongorongo aei ni buokiko inanon te kataaki are ko kaitara ma ngaia? Ko kona ni kareke iango riki n Motiaea 3:5–7; Aramwa 7:11–13; Reirei ao Berita aika Tabu 61:36–37; 121:5–8.
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Taniera 1–2.Ngkai kam wareka Taniera1 ao2 n ikotaki, ko kona n taratarai kakabwaia ake a karekei Taniera ma raraona man aki kanakin ana irikomaiu ao ana wain te uea. (Taraa te witeo “God Gave Them Knowledge,” ChurchofJesusChrist.org.) Ko kona ni kabotaui kakabwaia akanne nakon ana berita te Uea nakoira ngkai ti kawakin Ana tua, n aron kawakinan Tuan te Mauri (taraa Reirei ao Berita aika Tabu 89:18–21). E kanga n tia te Uea ni kakabwaiaira ibukin maiuakinan Tuan te Mauri?
-
Taniera3.Kona kanga ni buokiia am utu n reiakina taekan te karaki inanon Taniera3? “Tiateraka, Metiaka, ao Abeteneko” inanon Karaki man Te O Tetemanti e kona n ibuobuoki. Tera ae kakukureira n taekaia Tiateraka, Metiaka, ao Abeteneko? Tera aro aika ti kaitarai are e kataa ara onimaki ao e kantaningaira bwa tina kaotia bwa ti onimakina te Atua?
-
Taniera 6:1–23.Am utu a bae ni kukurei ni karaoi kaotioti ni mwakoron te karaki inanon Taniera 6:1–23 (te katooto, kibu 10–12 ke 16–23). Tera ae ti reiakinna man ana katooto Taniera? Tera ae ti kona ni karaoi bwa tina riki n ai arona?
-
Taniera 6:25–27.Ni kaineti ma kiibu aikai, e kanga te Uea Tairati n rootaki ngke te Uea e kamaiua Taniera mairouia raian? Ko kona naba ni warekia n Taniera 2:47; 3:28–29 n rongorngon aron Nebukaneta n rootaki n te aro naba anne. Tera ae ti kona ni karaoia n anai nanoia tabeman? Maroroakin katooto ake koa tia n noori n aron aia onimaki aomata tabeman, n raonaki ma kain te utu, are e a tia ni bitiia tabeman nakon te raoiroi.
Ibukin iango aika a mwaiti riki ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Te anene ae rineaki: “I Want to Live the Gospel,” Aia Boki n Anene Ataei,148.
Kanakoraoan Ara Anga reirei
Reireia te tua. Ana euangkerio te Uea e tikiraoi n aron bebetena (taraa Reirei ao Berita aika Tabu 133:57). Waaki ni kakukurei aika beebete ao maroro ake a boboto iaon reirei e kona ni kaoa te Tamnei ae Raoiroi bwa e na uoti rongorongon te euangkerio inanoia am utu.
Taniera inanon Nneia Raian, 1872. Rivière, Briton (1840–1920). Kariaia: Walker Art Gallery, National Museums Liverpool/Bridgeman Images