“Okitobwa 31–Nobembwa6. Taniera 1–6: ‘Akea te Anti Temanna ae Kona ni Kamaiua te Aba,’” Nakomai, Iriirai—Ibukin te Moanrinan: Te O Tetemanti 2022 (2021)
“Okitobwa 31–Nobembwa6. Taniera 1–6,” Nakomai, Iriirai—Ibukin te Moanrinan: 2022
Taniera e Kabwara Nanon Miin Nebukaneta, iroun Grant Romney
Okitobwa 31–Nobembwa6
Taniera 1–6
“Akea te Anti Temanna ae Kona ni Kamaiua te Aba”
Ngkana ko wareka Taniera 1–6, koroi taekan koaua aika ko namakin ni buokiia ataei bwa a na karekei.
Korei Am Namakin
Kaunga te Tibwatibwa
Katekei tamnein bwaai aika riki inanon Taniera 1–6 (taraa this week’s outline n Nakomai, Iriirai—Ibukiia n Tatabemaniia ao Utu ke Gospel Art Book, nos. 23, 24, 25, 26). Tuangiia bwa a na tibwai baike a atai ni bwaai aika riki n taian tamnei. Kaoia bwa a na tibwauai aia tai ngke a rineia bwa ana ira te Tia Kamaiu, n aron ae karaoia Taniera ma raoraona.
Reirei te Reirei: Ataei aika a Uarereke
E tangirai Tamau are i Karawa bwa n na tararua rabwatau.
Taniera ao raoraona aki butimwaea te iriko ao te wain are e anganiia te uea bukina bwa a tangiria n iri ana tua te Atua ao n aki tangiria ni urua rabwataia. N te bong aei Tuan te Mauri e buokiira n totokoi bwaai aika a na urui rabwatara.
Waaki ni Kakukurei aika a Kona ni Karaoaki
-
Tibwauaia ma ataei “Daniel and His Friends” ( inanon Old Testament Stories), ke kauarerekea Taniera 1:1–17. Kaoiia ataei bwa a na katea kain te karaki. Buokiia ni kaotaia bwa e kanga te Uea ni kakabwaia Taniera ao raoraona ibukin aia ongotaeka nako Ina (taraa te kibu17). Raa taian kakabwaia aika ti na karekei ngkana ti rinea te eti?
-
Kaotia nakoia ataei tamnein bwaai aika e reireiniira Tuan te Mauri bwa ti na kang ke ni kabonganai bwaai aika e tuangiira bwa ti na aki kang ke ni kabonganai (taraa Reirei ao Berita aika Tabu89). Kaoia ataei bwa aongkoa a kang bwaai aika raraoi ao ni kangai tiaki nakon bwaai aika buakaka. Kakoaua bwa e kakabwaiaira te Uea ngkana ti tararuai rabwatara. Botaki n anenea te kuna ibukin tararuaan rabwatara, n aron “The Lord Gave Me a Temple” ke “Tuan te Mauri” (Aia Boki n Anene Ataei, 153, 154–55). Tera ae e reireinira te anene aei?
Kamataata n te tamnei iroun Taniera ao raoraona n aki butimwaea kanan te Uea, iroun Brian Call
E na kakabwaiaai te Atua ngkana I rineia bwa n na ira Iesu Kristo.
Iai inanon a na boki Taniera karakinaia aomata aika rineia bwa a na irii ana tua te Atua e ngae ngke e matoatoa karaoana. Ko na kanga ni buokiia ataei bwa a na reiakinaki man banna ni katooto aikai?
Waaki ni Kakukurei aika a Kona ni Karaoaki
-
Kakaai tamnein karaki inanon Taniera1, 3, ao6 (taraa te iteraniba ibukin te waaki ni kakukurei n te wiiki aei, te kamataata n te wiiki aei inanon Nakomai, Iriirai—Ibukiia n Tatabemaniia ao Utu, ke Gospel Art Book, nambwa. 23, 25, 26). Katikui tamnei ni kaitaraa naano iaon te burakibooti ke iaon tano. Kaoa te ataei bwa e na katararakea teuana man taian tamnei, ao buoka teuanne ke neienne bwa e na taekina te karaki ae tei ibukina. (Ibukin te ibuobuoki, taraa “Taniera ao Raoraona,” “Tateraka, Metiaka, ao Abetenoko,” ao “Taniera ao Neia Raian” n Karaki man Te O Tetemanti.) Imwiin karaki n tatabeua nako, maroroakin titiraki n aron aikai: Tera ae a karaoia aomata bwa a na ira te Uea? E kanga te Uea ni kakabwaiaia? Tibwauaia bwa ko kanga n tia ni kakabwaiaki ibukin rinean irirakin Iesu Kristo. Titirakiniia ataei bwa a na tibwai aia atatai.
-
Kaoia ataei bwa a na kateia n te kaotioti kangaanga ake a kona iai ni kaota aia onimaki iroun te Atua man kawakinan Ana tua. A kona n raonaki aikai ma bwainakin te akoi nakoia tarim ma mwanem, tuangakin temanna taekan te Tia Kamaiu, ke n tataro ni katoa tairiki. Kaota tamnein Tateraka, Metiaka, Abete-noko n te nne ni kanaiai (taraa Gospel Art Book, nambwa.25), ao tuangiia ataei bwa a na warekiia aomata inanon te nne ni kanaiai. Wareka Taniera 3:24–25 ni kakaea bwa antai riki ae mena n te nne ni kanaiai. Tibwaua am koaua bwa e mena irarikira te Ue ngkana ti Iria.
Tamara are i Karawa e tangirai bwa N na tataro n taainako.
E tauraoi Taniera n anga maiuna bwa e aonga n tataro ni katoa bong nakon Tamara are i Karawa. Ko na kanga ni buokiia ataei ni karikirakea te aeka n nano anne n tataro?
Waaki ni Kakukurei aika a Kona ni Karaoaki
-
Taekina te karaki inanon Taniera6 (taraa “Daniel and the Lions’ Den” n Old Testament Stories), ao kaoia ataei bwa a na korea tamnein te karaki. Tuangia bwa a na kabonganai aia tamnei ni karakina te karaki nakoia n tatabemaniia nako. Bukin tera Tamara are i Karawa e tangiriira bwa ti na tataro nako Ina? Tibwauaia bwa bukin tera e kakawaki te tataro nakoim.
-
Taetae nakoia ataei ibukin taai aika a kona n tataro iai, n aron te tai ngke a maaku, ngke a karaoi buure, ke ngke a kainnanoa te ibuobuoki n te reirei. Bukin tera e raoiroi te tataro n tain kangaanga aikai? Reireiniia ataei bwa akea te kangaanga n te tabo are a mena iai, a kona n tataro n tainako inanoia.
-
Ikotaki n anenea te anene ae taekan te tataro, n aron “We Bow Our Heads” (Children’s Songbook,25). Taetae ma ataei iaon bwaai aika ti kona n tataro ibukiia.
Reirei te Reirei: Ataei aika a Ikawai Riki
I kona ni karaoa te bwai ae eti ngkana e kangaanga.
Karaki inanon Taniera 1, 3, ao6 e kona n anganiia ataei aika ko reireiniia te ungannano ao te onimaki ni karaoi rinerine aika raoiroi, e ngae ngke a namakina te maroa.
Waaki ni Kakukurei aika a Kona ni Karaoaki
-
Koroi tamnein tabeua kainikoto iaon te burakibooti aika bane ni kotea te tabo ae titeuana ao teuana te kainikoto e kotea iterana are teuana. A kanga Taniera ao raoraona n tangira te kainikoto ae teuana aei? Kaoia ataei bwa a na anga aia katooto man karaki inanon Taniera1, 3, ao6 (taraa “Taniera ao Raoraona,” “Tateraka, Metiaka, ao Abetenoko,” ao “Taniera ao Neia Raian” n Karaki man Te O Tetemanti). Titirakiniia ataei bwa bukin tera n aia iango e na kangaanga ibukin Taniera ao raoraona bwa a na karaoi rinerine aika raraoi. E kanga te Uea ni kakabwaiaia ibukin rinean te eti?
-
Buokiia ataei bwa a na iangoi kaangaanga ngke a kairoroaki bwa a na karaoa te rinerine ae bure. Kaoia bwa a na tibwai bwaai aika rinanoi ngke a kakabwaiakaki ibukin rinean te eti e ngae ngke e matoatoa. Bootaki n anenea te anene ae kaineti ma atuun te anene aei, n aron “Choose the Right” (Anene n taromauri, no.239).
Ana Ekaretia Iesu Kristo Ibukiia Aika Itiaki ni Boong aika Kaitira bon abanuean te Atua iaon te aba.
Ngke e anga a na rairairi Taniera ni miin Nebukaneta, e noora te atibu n “tataaki man te maunga n ae akea naba baai” (Taniera 2:45). E tei te atibu aei ibukin Ana Ekaretia Iesu Kristo Ibukiia Aika Itiaki ni Boong aika Kaitira, are e kantaningaaki bwa e na kaona te aonaaba.
Waaki ni Kakukurei aika a Kona ni Karaoaki
-
Wareka Taniera 2:31–35, 44–45 ma ataei, ao kaoia bwa a na korea tamnein te bwai ae noria Nebukaneta ni miina. Titirakiniia ataei n te bwai ae a reiakinna man kiibu aikai ibukin te atibu inanon te mi. Kabwarabwara bwa te atibu aei e tei ibukin ana Ekaretia Iesu Kristo Ibukiia Aika Itiaki ni Boong aika Kaitira. Tuangiia ataei bwa a na aran tabeua bwaai aika e karaoi Tamara are i Karawa ni katea Ana Ekaretia ni boong aika kaitira. Ni karekean aia iango, kaoti tamnein bwaai aika riki n tain Kaokan te Ekaretia (taraa Gospel Art Book, nambwa. 90–95).
-
Anganiia ataei mwakorokoro ni beeba aika karaoaki nakon te booro n tei ibukin te atibu n ni miin Nebukaneta. Tuangiia ataei bwa a na tibwauaia bwa e kanga teuanne ke neienne n ataia ae e kaokaki te Ekaretia iroun te Atua. Ngke a tibwatibwa ataei, tuangiia bwa a na anga aia “atibu” nakoim. Rukum atibu ni kabane ni kabongana te teibi ke te kora ni karaoa te atibu ae bubura. Kakoaua bwa ngkana ti kakorakorai ara koaua ao n tibwaua te euangkerio ma tabeman, ti katiteuana ara onimaki bwa e na buoka abanuean te Atua ni “[kaon] aonaba ni kabane” (Taniera 2:35).
Kaungaa te Kamatebwai n te Mweenga
Kaoia ataei bwa a na karaoa te bwai teuana ae na kaota aia onimaki iroun Iesu Kristo.
Kanakoraoan Ara Anga Reirei
Buokiia ataei bwa a na kina te Tamnei. Ngkai iai te taneiai n tamnei ma ataei iroum, buokiia ni kinaa a na kairoro te Tamnei ae Raoiroi.