Taniera 1; 3

Tiateraka, Metiaka, ao Abete-neko

Kataakin te onimaki ae kakamaku

Te Uea are Nebukaneta e katea te boua ae totoa, ae koora ao e kairoroia ana aomata bwa ana taromauriia. Ngkana a rawa, a na karenakoaki n te nne n ai ae uramwaaka.

Taniera 1:6–7; 3:1–6

Raraon Taniera Tiateraka, Metiaka, ao Abete-neko a tangira te Atua ao aki tangiria n taromauriia atuan te uea ae kewe. Te uea e rang n un irouia.

Taniera 3:6–15

Rao aika teniman aikai a tuanga te uea bwa akea riki ae a na taromauriia ma ti te Atua. A kakoaua bwa te Atua e kona ni kawakiniia. Ma ngkana e aki kamaiuiia, a na bon tei ibukin te bwai are a kakoaua.

Taniera 3:15–18

Te uea e rang un iroun Tiateraka, Metiaka, ao Abete-neko. E tua bwa a na tewenakoaki inanon te ai ae uramwaaka. Ma ngke e tara te ai ae uramwaaka te uea, e mimi ngke e noora kain karawa inanon te ai ma teniman mwaane. A bon aki bue n te ai.

Taniera 3:19–25

Te uea e weteia Tiateraka, Metiaka, ao Abete-neko, ao a nakonako n otinako man te ai ae uramwaaka. Te ai e aki kabuekiia ke ni kabuoka kunnikaia.

Taniera 3:26–27

Tiateraka, Metiaka, ao Abete-neko a ongotaeka n ana tua te Atua, riki ngke a reke n te kanganga bwa a nang tiringaki. Aia katoto e buoka te uea ni kakoaua te Atua.

Taniera 3:28–29