“Atam ao Ewa,” Karaki man Te O Tetemanti (2022)
“Atam ao Ewa,” Karaki man Te O Tetemanti
Karikan Bwaai 2–3; Mote 3–5; Aberaam 5
Atam ao Ewa
Reken te taneiai man karaoan rinerine
Atam ao Ewa bon moan natin Tamara are i Karawa ni maeka iaon te aba. A maeka n te Onaroka ae moan te tikiraoi i Eten, ni katobibiaki n aroka ao kai n aekaia nako. Te Atua Tamara are i Karawa ao te Uea Iesu Kristo a kawariia ao a taetae ma ngaiia.
Karikan Bwaai 2:8–9; 3:8; Mote 3:8–9; Aberaam 5:8, 14–19
Te Atua e kariaia bwa a na kang uaan aroka n aekaia nako ma ti teuana ae a na aki kanna. Ngkana a amwarake man te kai ni kamaiu n ata ae raoiroi ao ae buakaka, a na riai ni kitana te onaroka ao ana bon mate. Tatan e kekewea Atam ao Ewa. E taku Tatan bwa ngkana a kana uaan te kai, a na ata ae raoiroi ao ae buakaka ma a na aki mate.
Karikan Bwaai 2:16–17; 3:1–5; Mote 3:9; 4:6–11; Aberaam 5:9, 12–13
Ewa e rineia bwa e na kana uaan te kai.
Karikan Bwaai 3:5–6; Mote 4:12
Ewa e angan Atam tabeua uanikai. E rineia naba bwa e na kanna.
Karikan Bwaai 3:6–7; Mote 4:12
Te Atua ao te Uea a kawariia, ma Atam ao Ewa a maaku ao a karabaia. Te Atua e titirakiniia ngkana a tia ni kana uaan te kai n ata ae raoiroi ao ae buakaka.
Karikan Bwaai 3:8–13; Mote 4:13–14
Atam ao Ewa a tuanga te Atua bwa a rineia ni kana uaan te kai. Ibukin aia rinerine, a kiitana te Onaroka are i Eten. A maenako mairoun te Atua, ma iai ana baire ibukiia. Ngkai a ata ae eti man ae kairua ao a kona ni kariki.
Karikan Bwaai 3:16–24; Mote 4:15–31
Atam ao Ewa a berita bwa a na ongotaeka nakon ana tua ni kabane te Atua. A reireinaki bwa a na karaoa te anga karea iaoia maan. Ngkai a ongeaba, a reiakina ae mwaiti riki ibukin natin te Atua Iesu Kristo. A uaia n namakina te kimwareirei ae korakora ibukina bwa E na buokiia aia utu n oki nakon te Atua.