Karikan Bwaai 6–9; Mote 8

Noa ma Ana Utu

Te Aake, te ieka, ao ana berita te Uea

Noa ma Ana Utu a ongotaeka iroun te Uea. Ni kabane aomata ake tabeman a rang ni buakaka. Te Uea e tuanga Noa bwa te ieka e na rabuna aon te aba ngkana aki rairi nanoia aomata.

Karikan Bwaai 6:5–13; Mote 8:13–17

Noa e reireiniia aomata bwa te Uea e tangiriia ao e tangiriia bwa a na rairi nanoia ao n onimakina Iesu Kristo. A rawa ni kan ongo.

Mote 8:19–30

Noa e nanokawaki bwa aomata a rawa n rairi nanoia. Te Uea e tuanga Noa bwa e na kabaa te kaibuke ae bubura ae aranaki bwa te ake. Te ake e na kawakiniia ana utu Noa ni kamanoia man te ieka.

Karikan Bwaai 6:14–18; Mote 8:25

Ana utu Noa a uoti amwarake nako nanon te ake. Te Uea e kanakoia maan ni kakauoman n aekaia nako nakon Noa. Maan a rinako inanon te ake, ao itiua te bong imwina ao e a bwaka te karau.

Karikan Bwaai 6:18–22; 7:1–9

N aron ana kauring te Uea, e bwaka te karau inanon 40 te bong a 40 te ngaina. E a ieka aon te aba.

Karikan Bwaai 7:6–23

Ana utu Noa ao maan n aekaia ni kabane inanon te ake a beibeti ni kamanoaki iaon te ran.

Karikan Bwaai 7:24; 8:1–3

Ngke e a toki te ieka, te ake e tiku iaon te tano ae mwau. Noa ma ana utu a katea te bao ni karea bwa ana nebonebo nakon te Uea ni karabwa ibukin kawakinakiia. Te Uea e berita bwa e na aki manga roko te ieka iaon te aba. E katea nei wirara bwa te kauring n Ana berita.

Karikan Bwaai 8:13–22; 9:8–17