Te Otinako 1–2

Mote te Merimeri

Katanakin ana tia kairiiri n tai aika a na roko Iteraera

Ana utu Iakobwa a riki bwa aomata aika korakora i Aikubita. A aranaki bwa kain Iteraera. Bwarao, uean Aikubita, e maaku bwa n te bong teuana a na rang ni mwaiti kain Iteraerea ao a na kona n ekanako Aikubita, ma gaia are e a karikiia bwa ana toro kain Iteraera.

Te Otinako 1:7–14

Bwarao ngkanne e tua bwa ni kabane ataei ake a bungiaki ae kain Iteraera mwaane a na tiringaki. Aia utu kain Iteraera a rang ni maaku.

Te Otinako 1:15–22

Te tina ae kain Iteraera ae arana Iokebeta e iangoa te kawai are e na kamaiua iai natina te mwane ae e a tibwa bungiia. E nnea natina n te bwaene ao e karaba te bwaene ibuakon uteute aika rietata irarikin te karaanga. Mwanen te teei Miriam e tataraia bwa e na mano.

Te Otinako 2:1–4

Ngke e tebotebo n te karaanga, natin Bwarao te aine e kunea te bwaene. E noora te teei ae tang ae kakaawa ao e tangiria ni kaikawaia bwa oin natina. Miriam e kawara natin Bwarao ao e butiia ngkana e kona ni kaira te aine ae kain Iteraera bwa e na tararua te teei.

Te Otinako 2:5–6

Miriam e kaira tinana, Iokebeta, nakon natin Bwarao. Natin Bwarao te aine e kukurei ni kabooa Iokebeta bwa e na tararua te teei.

Te Otinako 2:8–9

Te teei are kain Iteraera e a ikawai. Natin Bwarao te aine e kaikawaia bwa oin natina te mwane. E aranna bwa Mote.

Te Otinako 2:10