“Enoka te Burabeti,” Karaki man Te O Tetemanti (2022)
“Enoka te Burabeti,” Karaki man Te O Tetemanti
Karikan Bwaai 5; Mote 6–7
Enoka te Burabeti
E kanga onimakinan te Uea ni kamaiua te kaawa
Te Uea Iesu Kristo e tuanga Enoka bwa e na tuangiia aomata bwa a na rairi nanoia. Ma enoka e taku bwa e na aki kona n taetae raoi. E maaku bwa aomata a na rawa n ongo irouna.
Karikan Bwaai 5:22; Mote 6:26–31
Te Uea e berita bwa e na kakorakora ao e na kawakina Enoka e ngae ngke tabeman aomata aki tangira te bwai are e reireiniia Enoka.
Ana berita te Uea e angan Enoka te ninikoria. Enoka e ongotaeka nakon te Uea ao e reireiniia aomata ma te mwaaka. E reireiniia taekan Iesu Kristo, te rairannano, te bwabetito, ao te Tamnei ae Raoiroi. Tabeman aomata a kakoaua Enoka ao a tangiria n iriira te Uea.
Enoka iai irouna te kariaiakaki mairoun te Atua bwa e na bwabetito. Ni kabane aomata ake a kakoaua Enoka a bwabetitoaki ao a kaan riki nakon te Uea. Akea temanna ae e kainnano ibukina bwa a tabeakiniia imarenaia. A aranaki bwa Tion ibukina bwa a ikotaki ni maiu inanon te tangira ao te raoiroi.
Te bong teuana te Uea e kaotii nakon Enoka n te mii bwaai ni kabane ake a na riki iaon te aba. Enoka e noora maiun, maten, ao Mangautin Iesu Kristo. Enoka e reiakinna bwa ni boong aika kaitira e na kaokaki te euangkerio. E noora naba Kauaokin Iesu.
N tokina aomata ni kabane n te kaawa are Tion a kakoaua Enoka ao a rairi nanoia. Ibukina bwa a tabeakiniia imarenaia ao a maeka ma te rau, te Uea e uotiarake bwa a na maeka ma Ngaia.