Tawita te Kairake

Te ataeinimwaane ae te tia kawakin tibu e weteaki bwa e na riki bwa te uea

Te Uea e kanakoa te burabeti ae Tamuera bwa e na kakaea te uea ae boou. Tauro, are te uea n te tai anne, e a tia n toki n iriira te Uea. Te Uea e tuanga Tamuera bwa e na mwananga nako Betereem ao e na kakaea te mwaane ae arana Iete. Te uea ae e boou bon temanna mai ibuakoia natin Iete.

1 Tamuera 16:1–5

Tamnei

Tamuera ao natin Iete

Natin Iete mwaane ake a ikawai a abwabwaki ao a korakora. Ma te Uea e tuanga Tamuera bwa e na aki motiki taekaia man aron tarakiia.

1 Tamuera 16:6–10

Tamnei

Tamuera ngke e taetae nakon Iete

Tamuera e titirakina Iete ngkana iai riki natina te mwaane. Iete e taekinna bwa natina are te bina,Tawita, e tararuaia tiibu. Tawita e uotaki nakon Tamuera.

1 Tamuera 16:11

Tamnei

Tamuera ao Iete ngke a taraa Tawita te ataeinimwaane ae te tia kawakin tibu

Tawita e uarereke riki nakoia tarina ao bon ti te ataeinimwaane ae te tia kawakin tibu. Ma te Uea e aki tabe ma aron taraakin Tawita. Te Uea e ata nanon Tawita bwa e onrake n te onimaki. E tuanga Tamuera bwa Tawita e na riki bwa te uea. Tamuera e kakabwaia Tawita. Tamnein te Uea e katauraoa Tawita bwa e na riki n uea.

1 Tamuera 16:12–13