Karikani Bwaai 42–46

Iotebwa ao te Rongo

Ana tai te tari ni katiteuanaia ana utu

Iakoba e kanakoia natina mwaane nako Aikubita

Ana utu Iakobwa a baki ibukin te rongo. Ngaia are Iakobwa e kanakoia natina mwaane nako Aikubita bwa a na kabooa te amwarake. E katuka natina are te bina, Beniamina, ni mweengana. E maaku bwa e rawa n bua Beniamina n ai aron are e bua Iotebwa n ririki aika a bati mai imwaina. E aki ataia bwa natina mwaane ake a ikawai a kaboanako Iotebwa bwa te toro.

Karikani Bwaai 42:1–4

taari a bubutia Iotebwa te amwarake

N te tai aei, Iotebwa ngaia te tia kairiiri ae korakora i Aikubita. Ngaia are e tararua kabonakoan te amwarake n tain te rongo. Taari a kaitibo ma Iotebwa ao a bubutia te amwarake. A bon aki kinaa.

Karikani Bwaai 42:5–8

Iotebwa ngke e taetae

Iotebwa e kinaia, ma e bakaea angkoa e aki kinaia. E titiraki ibukin aia utu n nooria ngkana tamana ao tarina are Beniamina a maiu.

Karikani Bwaai 42:10–14

taari a nako ma te amwarake

Ngkanne Iotebwa e anganiia tarina te amwarake. E tuangiia bwa a na aki manga oki ibukin riki te amwarake ni karokoa a kaira tariia are te kabanea n uarereke, ma ngaiia.

Karikani Bwaai 42:15–20

taari a oki nako Aikubita

Ngkana e nang manga bane kanaia kaain te utu, Iakobwa e ataia bwa e na bae ni kanakoa Beniamina ma tarina n oki nako Aikubita. Iakobwa e teimatoa ni maaku bwa e na kariaia nakon Beniamina. Ma Iuta, temanna tariia, e berita bwa e na bon kawakina Beniamina ni kamanoa.

Karikani Bwaai 43:1–15

Iotebwa e bukiniia taari bwa a iraea te mwangko te tirewa

Ngke a oki nako Aikubita, Iotebwa e karaoia n aron are Beniamina e kimoa te mwangko te tirewa. E tangiria n nooria ngkana tarina ake a ikawai a tia ni bitaki. Iuta e bubuti bwa e na aki katuaea Beniamina ma e na katuaea Iuta n onea mwiina.

Karikani Bwaai 44

Iotebwa e kaotia bwa antai ngaia

Iotebwa e kukurei n nooria bwa a bitaki tarina. A tangira Beniamina n ae tau bwa a na kamanoa. Ngaia are, n tokina, Iotebwa e tuangiia bwa antai ngaia.

Karikani Bwaai 42:21–24; 45:1–4

Iotebwa ngke e inga ma tarina

Iotebwa e kabwarai aia bure tarina ibukin kabonakoana n riki bwa te toro. Iotebwa e taekinna bwa bon ana kawai te Uea ni buokiia ana utu ni maiu inanon te rongo.

Karikani Bwaai 45:5–8

taari a biri nakon Iakobwa

A oki rikaaki tarin Iotebwa nakon tamaia, ao a tuangnga bwaai ni kabane ake a tia n riki. Iakobwa e mwaing ma ana utu ni kabane nako Aikubita.

Karikani Bwaai 45:24–28; 46:1–26

Iotebwa ao Iakobwa i Aikubita, e mamataku Bwarao

Bwarao e butimwaia ana utu Iakobwa. E anganiia abaia ao aia man bwa aonga ni karekei kanaia aika a bati. Ana utu Iakobwa a maeka ma te rau n te tai ae maan.

Karikani Bwaai 45:16–23