“Ana Taanga ni Buaka Kiteon,” Karaki man Te O Tetemanti (2022)
“Ana Taanga ni Buaka Kiteon,” Karaki man Te O Tetemanti
Ana Taanga ni Buaka Kiteon
Onimakinan te Uea n tain te buaka
Kaain Iteraera a kakabwaiaki inanon ririki aika a bati. Ma a rineia n aki ongeaba nakon te Atua. Ni buokiia bwa a na Uringnga, te Uea e kariaia aia kairiribai aika I-Mirian bwa a na anai kanaia ao aia man. Kaain Iteraera a bora ni baki, ngaia are a uringa te Uea ao a tataro nakoIna ibukin buokaia.
Kiteon bon te mwane man te utu ae rarikin. Te Uea e kanakoa te anera bwa e na weteia bwa e na kainaomataia kaain Iteraera. E mimi Kiteon bwa bukin tera e rineia te Uea.
Te Uea e tuanga Kiteon bwa e na urui taabo ake a tataromauri iai atua aika a kewe kaain Iteraera. Ngke e ongeaba Kiteon, aomata a un.
Kaain Iteraera a tangiria n tiringa Kiteon. Ma taman Kiteon e bita nanoia bwa a na aki kaikoakia. Kiteon e a kawakinaki ni kamanoaki.
Kiteon e aki iangoia ae e kona ni kainaomataia kaain Iteraera. E raka iaon 135,000 taan buaka n ana taanga ni buaka Mirian. Ma te Uea e angan Kiteon te wanawana ao te korakora.
Tani Motiki-Taeka 6:13–16; 8:10
Te Uea e tangiriia kaain Iteraera bwa a na ataia bwa a kona n tokanikai ni Korakorana, tiaki ibon irouia. E ngae ngke ti 32,000 ana tautia Iteraera, te Uea e tuanga Kiteon bwa e na kaokiia tautia ake a maaku nakon mweengaia. Imwiin 22,00 ake a okira mweengaia, kaain Iteraera a tiku ma 10,000 tautia.
E taku te Uea bwa mwaitiia tautia ae 10,000 e bon rang ni mwaiti naba. E tuanga Kiteon bwa e na kairiia ana taanga ni buaka rikaaki nakon te ran. Naake a mooi n te ran ni wiia a na kaokaki nakon mweengaia. Naake a kabonganai baia ni mooi n te ran a kona n tiku. Ngkai ai ti 300 mwane aika tiku.
N tokina, a tauraoi kaain Iteraera ni buaka. Te Uea e kaotia nakon Kiteon aron kakonakaia I-Mirian. Kiteon e tuangiia ana taangtaanga ni buaka bwa a na kabonganai bwai n oro turam ao taura ni kakamakuia. Te karongoa ao taian taura a kaminoa aia iango kain I-Mirian n ae korakora n te aro are a manga buaka imarenaia. Imwiina a takarua ao a birinako.
Ibukina bwa Kiteon e onimakina te Uea, kaain Iteraera a konaia ana taanga ni buaka I-Mirian ae korakora ma ti 300 aia tautia. Te Uea e kainaomataia kaain Iteraera.