Karikani Bwaai 30; 37

Miin Iotebwa ae Kamiiaki Iai

Te utu iai aia kanganga n itangitangiri imarenaia

Rakera ao Iakoba a tia n tataro n ririki aika a mwaiti n nako ibukin natiia te mwaane. Te Uea e kaeka aia tataro ngke e a bungiaki Iotebwa. Iotebwa bon natin Iakoba te mwaane ae e rangi n tatangiria, ao e angan Iotebwa ana kooti ae onoti. Natin Iakoba aika a ikawai riki aika 10 mwaitiia a bakantang.

Karikani Bwaai 30:22–24; 37:1–4

Ngke e nang koro 17 ana ririki, e mii bwa e bobootii taian wiita n te tawaana ma tarina. A teirake ana bwabwati ni wiiita Iotebwa man tei n eti. Ma aia bwabwati ni wiita tarina a bobaraaki nakon ana bwabwati Iotebwa. Ngke e kaongoia tarina taekan te mii, a un irouna.

Karikani Bwaai 37:2, 5–8

Imwiina, manga iai riki miin Iotebwa ae kamiiaki iai. N te mii aei, taai, namwakaina, ao itoi aika 11 a bobaraaki nakoina. Iotebwa e tuangiia ana utu taekan te mii. Te mii aei e taekinna ae kanga Iotebwa e na tautaekana te utu. Tarin Iotebwa a moanna riki n un irouna. A bon aki kukurei ni miina.

Karikani Bwaai 37:9–11

N te bong teuana tarin Iotebwa a nako man mweengaia ni kamwarakeia tiibu. Iakoba e kanakoa Iotebwa bwa e na tuoia.

Karikani Bwaai 37:12–19

Tabeman tarin Iotebwa a tangiria ni kamatea. A anaa ana kooti Iotebwa ao a karenakoa inanon te mwarua.

Karikani Bwaai 37:20–24

Ngke e mena inanon te mwarua Iotebwa, tarina a noriia taan mwananga nako Aikubita. A baireia taari bwa a na kabonakoa Iotebwa bwa te toro nakoia taan mwananga ibukin 20 te mwakoro n tirewa.

Karikani Bwaai 37:25–28

Imwiina tarin Iotebwa a katoka raraan te kooti iaon ana kooti. Taari a nakon tamaia, Iakoba, ao a kaota te kooti nakoina. A kekewea Iakoba ao a tuangnga bwa a tia maan ni kaakang n tiringa Iotebwa.

Karikani Bwaai 37:31–33

E tang Iakoba ibukina bwa e taku bwa e a mate Iotebwa.

Karikani Bwaai 37:32–35

Ma Iotebwa e teimatoa ni maiu. E raroanako man mweengana i Aikubita, ni maeka bwa te toro.

Karikani Bwaai 37:36