Ieremia 1–52

Ieremia te Burabeti

Weteaki imwain bungiakina

Ieremia e maeka i Ierutarem ngke e uarereke. N te bong teuana te Uea e roko nakon Ieremia ao e weteia bwa e na riki bwa te burabeti. Te Uea e tuanga Ieremia bwa e rineaki bwa e na riki bwa te burabeti imwain ae e bungiaki. Te Uea e ataia bwa maiun Ieremia e na bon rinanon kangaanga. Ma e berita nakon Ieremia bwa E na raonna n tainako.

Ieremia 1:1–10

Aomata i Ierutarem aki kawakin aia berita ma te Uea. Ibukin buakakaia, Ieremia e kauringiia aomata bwa a na tautoronaki. E taku te Uea bwa ngkana a kawakina te Tabati n tabuia, te kaawa ae Ierutarem e na bon aki uruakaki. Ma a aki kan ongo aomata.

Ieremia 6:1–19; 8–9; 17:21–27

Ieremia e reireiniia aomata n ririki aika a mwaiti. Ma a aki kan rairi nanoia. Ibukin aei, a kamaraka Ieremia ao a karinna n te karabuti.

Ieremia 20:2; 26:8–9; 37:15–18; 38:6

Ieremia e tangiriia aomata. E tang ibukin aia bure. N aron are e taekinna, Ierutarem e urubekeaki, ao aomata a tautoronaki.

Ieremia 9:1–8; 25:9–12; 52:1–10

Ieremia e uotakinako nako Aikubita. Te Uea e tuangnga bwa e na korei ana taetae ni burabeti. Ieremia e ongeaba iroun te Uea e ngae ngke a kangaanga bwaai. E reitinako n tuangiia ana aomata bwa a na kawakin aia berita ma te Uea.

Ieremia 36: 1– 2, 27–32