Karikani Bwaai 4; Mote 5–6

Ana Utu Atam ao Ewa

Rineia n iriira te Uea

Imwiin kitanakin te Onaroka are i Eten iroun Atam ao Ewa, a reitinako n reiakini ana babaire Tamara are i Karawa ibukiia iaon te aba. A riki natiia aika a mwaiti ao a reireiniia bwaai ni kabane ake a atai ibukin te Uea. Tabeman natin Atam ao Eewa a rineia bwa a na ongeaaba iroun te Uea. Ma tabeman mai ibuakoia a rineia bwa a na aki.

Mote 5:1–12; 6:15

Ana utu Atam ao Ewa a kawakina te boki ni kauring. A korei rongorongon aia utu inanon te boki. A korei rongorongo n aron te Uea ni buokiia.

Mote 6:5–6

Kain ao Abera bon natin Atam ao Ewa ni kauoman. Abera e tatangira te Uea ao e rineia bwa e na iriiria. Kain e aki ongeaaba iroun te Uea. E rineia bwa e na kaitara.

Karikani Bwaai 4:1–16

Ana utu Atam ao Ewa a teimatoa n rikirake. A mwaiti riki aomata ake a bungiaki. A bane n iai inaomataia ni karaoi aia rinerine. Inanon taai, tabeman aomata a kaitara ana tua te Uea. Te Uea e kanakoia burabeti bwa a na reireiniia aomata bwa a na rairi nanoia.

Karikani Bwaai 4:25–26; Mote 5:13; 6:23