Karikani Bwaai 16

Aka

Ana baire te Uea ibukin Natina te aine

Aka e a bikoukou

Aka bon ana toro Taara. Taara e a kara ao e aki kariki. E tuanga buuna, Aberaam, bwa e na mare ma Aka bwa e aonga n reke natiia. Aberaam ao Aka a mare, ao n te tai ae uarereke Aka e nang reke natina.

Karikani Bwaai 16:1–3

E a nako Aka

Aka ao Taara a moanna n aki nakoraoi imarenaia. Aka e rineia bwa e na birinako nakon te rereua.

Karikani Bwaai 16:4–6

Aka e motirawa irarikin te ran

Ngke e mananga Aka, e a rang ni kua ao ni bora n taka. N tokina, e a roko ni nnen te ran ao e motirawa ikekei.

Karikani Bwaai 16:7

te anera e taetae nakon Aka

Te Uea e ata ana kangaanga Aka ao iai ana baire bwa e na buokia. E kanakoa te anera bwa e na tuangnga bwa e na oki rikaaki nakoia Aberaam ao Taara. E berita bwa ana utu Aka e na rikirake. E taku bwa te teei are e na bungiia bon te mwane ao e na aranna bwa Itimaera.

Karikani Bwaai 16:7–14

Aka ao Itimaera ma Aberaam ao Taara

Aka e onimakina te Uea ao e ongo n ana taeka te anera. E oki rikaaki nakoia Aberaam ao Taara. Aka e bungiia natina te mwaane, ao e aranna bwa Itimaera. Aka e ataia bwa te Uea e tararuaia.

Karikani Bwaai 16:11, 15