“Eria ao ana Ibonga Baara,” Karaki man Te O Tetemanti (2022)
“Eria ao ana Ibonga Baara,” Karaki man Te O Tetemanti
1 Uea 18
Eria ao ana Ibonga Baara
Ana burabeti te Uea ni kaitaraia burabeti ni kewe
Te aba ae Iteraera e reitinako n rotaki n akean te ran. Te uea ae Aaba e tuangiia aomata bwa ana iriira te atua ni kewe ae arana Baara.
Te Uea e kanakoa Eria te Burabeti bwa e na kawara Aaba. Eria e kaoia ni kabane aomata nakon taubukin te maunga. E kaoa te uea ao ana ibonga nakon te kabo n noria ngkana uean Baara bon te Atua ni koaua.
Eria e kabwarabwara te kabo. Ngaia ma taian ibonga a na angakarea te kao mwane iaon te bao ni karea, ma a na aki kaura te ai ibon irouia. N onean mwiina, taian ibonga a na tataro nakon Baara bwa e na kaura te ai. Imwina Eria e na tataro nakon te Uea bwa e na kaura te ai. Eria e ataia bwa te Atua ni koaua e kona ni kaura te ai.
Ana ibonga Baara a tataro nakon atuaia man te ingabong ni karokoa e bwaka taai, ma akea te bwai ae riki. Eria e bwainingare nakoia man taku bwa e bae ni matu atuaia are Baara.
Ibonga a rang un, a kiba iaon te bao ni karea, ao a tatakarua ni karokoa e bong. A kantaningaia bwa e na kaeka atuaia, ma e teimatoa n akea te ai.
Imwiina ai ana tai Eria. E katea te bao ni karea nakon te Uea, e kekeni mwanono ni katobibia te bao ni karea, ao e katauraoa te karea.
Eria e tuangiia aomata bwa a na kanoai aua te bwaraua n te ran ao ana kabwaroa iaon ana bao ni karea teniua te tai. Te ran e karotorotoa te kai ao te bao ni karea. E kaoni naba mwanono ni kabane.
Eria e tataro nakon te Uea bwa e na kaota mwakan te Atua ni koaua. Ana ai te Uea e ruo rikaaki ao e kabueka te karea, kai, atiibu, ao te ran. Aomata a ataia bwa Atuan Eria bon te Atua ni koaua. Eria e tataro bwa e na toki te rongo, ao te Uea e kabwaka te karau.