Karikan Bwaai 11–15; 17; Aberaam 1–2

Aberaam ao Tara

Te berita ni kakabwaia aia utu aomata

te anera e kamaiua Aberaam mairoun te ibonga

Aberaam e maeka ni kaawan Ura. Ibonga ake a buakaka ikekei a tangiria ni kareanna nakon aia bouananti. Aberaam e tataro, ao te Uea e kawakinna.

Aberaam 1:1–20

Aberaam ao Tara ngke a mwananga ma te kamero

Imwiina te Uea e tuanga Aberaam ao buuna ae Tara bwa a na kiitana Ura ao ana mwananga nakon te aba ae raroanako. E berita bwa e na kakabwaiaia iaon kawaia.

Karikani Bwaai 12:1–3; Aberaam 2:2–4

Aberaam ao Tara ngke a nabenabea te tiibu

Aberaam ao Tara a onimakina te Uea ao a kiitana Ura. Ma a nanonakawaki ibukina bwa a aki kona ni kariki. Te Uea e karaui nanoia. E berita bwa e na reke natiia.

Karikani Bwaai 11:30–31; 15:1–6; 17:2–16; Aberaam 2:6–9

Te Atua e kaoti nakon Aberaam

Aberaam e tataro nakon te Uea bwa e kan reiakina ae mwaiti riki Ibukina. Te Uea e kawara Aberaam ao e kaota arana ae Iehova. Iehova e karaoa te berita ma Aberaam. E berita bwa Aberaam e na karekea te nakoanibonga. E berita naba bwa rinanon ana utu Aberaam, ni kabane utu iaon te aba a na kakabwaiaki.

Aberaam 2:6–11

Aberaam ao Tara a mwananga ma taian kamero

Ngke a mwananga Aberaam ao Tara, a kainnanoa ni karekea te amwarake. A kataia ni maeka n te aba ae aranaki bwa Kanaan. Bon akea te amwarake ikekei, ngaia are a nako Aikubita. Ma te maiu i Aikubita e bon kakamaaku irouia.

Karikani Bwaai 12:10–20; Aberaam 2:21–25

Aberaam ao Tara ngke a taraia maan

Aberaam ao Tara a kiitana Aikubita ao a oki ni maeka i Kanaan. A uoti amwarake ao maan mai Aikubita ma ngaiia. Kanaan bon mwakoron te aba are e berita nakoia te Uea.

Karikani Bwaai 13:1–4, 12; Aberaam 2:19

Merekitereka ngke e taetae nakon Aberaam ao Tara

Te Uea e kawakina naba Ana berita are Aberaam e na karekea te nakoanibonga. N te bong teuana Aberaam ao Tara a kaitibo ma te uea ae raoiroi ae arana Merekitereka. Aberaam e kabwaka ana kabwianibwai nakoina.

Karikani Bwaai 14:18–24; Aramwa 13:15

Merekitereka e kakabwaia Aberaam

Aberaam e karekea te nakoanibonga mairoun Merekitereka. Aio bon te nakoanibonga naba are a tia ni karekea te burabeti Atam ao Noa.

Joseph Smith Translation, Karikani Bwaai 14:36–40; Aberaam 1:2–4; Reirei ao Berita aika Tabu 84:14

Aberaam ao Tara

Aberaam ao Tara a kukurei i Kanaan, ma a teimatoa n raraoma ibukina bwa akea natiia. A riai n onimakina ana berita te Uea are n te bong teuana aia utu e na rikirake ao e na kakabwaia te aonaaba ae bwanin.

Karikani Bwaai 13:12; 15:3–6