Iobi 1–3; 19; 38–42

Iobi

Onimakinan ana tangira te Uea

Iobi bon te aomata ae raoiroi are e tangira te Uea ao e kawakin Ana tua. Ngaia ma buuna iai natiia aika 10, ao iai aia man aika a mwaiti ao e korakora kaubwaia.

Iobi 1:1–5

Te Uea e kariaia kataakin ana onimaki Iobi. Iobi e rinanon bwaai aika a matoatoa.

Iobi 1:6–12

N te bong teuana a mwaiti ana man Iobi aika a kimoaki. Imwiina ao a bane n uararake ana bwai Iobi ao a bane ni mate ana toro ao ana man ake tabeman. Imwina e roko te buaka ao e kabwaka ana auti natin Iobi. Natin Iobi ake a mena inanona, a bane ni mate. Iobi ao buuna akea aia bwai n tiku ma ti maiuia.

Iobi 1:13–19

Iobi ao buuna a nanokawaki. A bane ni bua aia bwai, riki natiia. Ma e teimatoa ana onimaki iroun te Uea. E aki bukina te Uea ibukin bwaai aika a riki.

Iobi 1:20–22

Imwiina Iobi e a rikirake riki n aoraki. A riki kaboa aika moan te kamaraki ni kabuta rabwatana. Iobi ao buuna a mimi bwa bukin tera ngkai bwaai aika a buakaka a riki.

Iobi 2:7–9; 3:1–11

Te Uea e taetae nakon Iobi ao e kaota nakoina te aonaaba, itoi, ao bwai ni kabane aika a maiu. Te Uea e reireina Iobi te reirei ae kakaawaki. Bwaai ni kabane a karikaki bwa a na buokiia natin Tamara are i Karawa n reiakina taekan Natina Iesu Kristo ao n Iriiria.

Iobi 38–41

Iobi e raira nanona ao e butiia te Uea bwa e na kabwara ana bure ibukin ana nanokokoraki. E berita bwa e na onimakina te Uea. Te Uea e ataia bwa Iobi e Tangiria. E kamaiua Iobi ao e kakabwaia ma natina aika a mwaiti riki ao uoua riki okiokin kaubwaina nakon are e reke mai imwaina.

Iobi 19:25–26; 42