1 Uea 19

Te Uea e Taetae nakon Eria

Kakauongo nakon bwanaan te Uea

Te Uea ae Aaba e tuanga te Uea n aine ae Ietebera bwa te Uea e konaia ana ibonga Baara. Ietebera e un ao e taku bwa e na tiringa te burabeti ae Eria.

1 Uea 19:1–2

N tiku ni mano, Eria e kiitana aban Iteraera. E mwananga 40 te bong ao 40 te ngaina, n aki mamatam ngke e touanako. Imwiina e roko n te Maunga are Tinai ao e kunea te nangananga are e karaba inanona. Te Uea e tuanga Eria bwa e na nako taubukin te maunga bwa E aonga n taetae nakon Eria.

1 Uea 19:3, 8–11

Te ang ae korakora e roko ao e urui bwaa ni katobibia te nangananga ni kamaenakoa. Imwiin anne, te mwaiei e ioioa aontano. Imwiina e ura te ai. Eria e ongo te bwana ae nene n te ang, mwaeiei, ao te ai. Ma bwanaan te Uea e aki mena ni karongoa aika a baibati.

1 Uea 19:11–12

Imwiina Eria e ongo te bwana ae rau man beebete. E ataia bwa te Uea. Te Uea e titirakina Eria bwa tera ae e karaoia ikekei.

1 Uea 19:12–13

Eria e taekinna ae e karaba bwa e aonga ni mano. Ni kabane burabeti a tia n tiringaki, ao aomata a tia n aki butimwaea te Uea.

1 Uea 19:14

Te Uea e karaua nanon Eria ao e tuangnga bwa a mwaiti kaain Iteraera aika a teimatoa n taromauriia te Uea. Te Uea e tuanga Eria bwa e na okira mweengana ao e na katauraoa temanna riki te burabeti. Aran te burabeti ae boou aei bon Eritai.

1 Uea 19:15–18