“Karikan te Aonaaba,” Karaki man Te O Tetemanti (2022)
“Karikan te Aonaaba,” Karaki man Te O Tetemanti
Karikani Bwaai 1–2; Mote 1–3; Aberaam 3–5
Karikan te Aonaaba
Te mweenga ae tikiraoi ibukiia natin Tamara are i Karawa
Te Atua Tamara arei Karawa e kaota ana baire ni kamaiu i karawa. Ti bane n takarua ni kimwareirei! Ti a kona n ruo nako aon te aba ni karekei rabwatara. Ngkai ti mena iaon te aba, ti na reiakinna n iriira natin te Atua, te Uea Iesu Kristo. Te Uea e karika te aonaaba n ana kaetieti te Atua.
Karikan Bwaai 1:1; Iobi 38:4–7; Mote 1:32–33; 2:1; Aberaam 3:22–27
N te moan bong, te Uea e kamaenakoa te ota man te roo. E arana te ota bwa te ngaina ao te roo bwa te bong.
Karikan Bwaai 1:3–5; Mote 2:3–5; Aberaam 4:1–5
N te kauoua ni bong, E kaokoroa te ran ibuakon te nang i karawa ao te marawa mai iaon te aba.
Karikan Bwaai 1:6–8; Mote 2:6–8; Aberaam 4:6–8
N te kateniua ni bong, te Uea e karika te marawa ae korakora ao te aba ae mwau. E arana te ran bwa taari ao te aba ae mwau bwa aonteaba. E katamaroa te aba ni uee aika tikiraoi, uanikai, aroka, ao kainamwarake.
Karikan Bwaai 1:9–13; Mote 2:9–13; Aberaam 4:9–13
N te kaua ni bong E karika taai bwa e na ota inanon te ngaina. Imwiina E karika namwakaina ao itoi bwa a na ota n te bong.
Karikan Bwaai 1:14–19; Mote 2:14–19; Aberaam 4:14–19
N te kanimaua ni bong, te Uea e karika te ika i taari ao manikiba i karawa. E kakabwaiaia maan bwa ana kamwaitiia ao e kakabwaiaa ika bwa a na kaona te ran.
Karikan Bwaai 1:20–23; Mote 2:20–23; Aberaam 4:20–23
N te kaonoua ni bong, E karikiia man iaon te aba, tabeua a nakonako ao tabeua a kawakawa.
Karikan Bwaai 1:24–25; Mote 2:24–25; Aberaam 4:24–25
Tamara are i Karawa ao te Uea a ruo rikaaki nako aon te aba n te kaonoua ni bong. Te mwaane ao te aine a karikaki ni katotongan te Atua. Tamara arei Karawa e tuangiia bwa a na tararuaia imarenaia ao a na karikiia natiia. Te mwaane ao te aine a onimakinaki naba bwa ana tararua te aba ao maan.
Karikan Bwaai 1:26–27; Mote 2:26–27; Aberaam 4:26–31; 5:7–8
Tamara are i Karawa e kukurei ni bwaai ni kabane ake A kariki. N te kaitiua ni bong, A motirawa man aia mwakuri ni kabane. Te aonaaba e a tikiraoi ao e kaonaki n te maiu.