Ruta 1–4

Ruta ao Naomi

Maiu rinanon te kataaki ma te tangira ao te kakaonimaki

Naomi ao ana utu a mwaing nako Moaba ibukina bwa e aki tau te amwarake i aban Iuta. Imwiina e mate buun Naomi. Natin Naomi mwaane a iein ma ainen Moaba ae araia Oreba ao Ruta. A tararua Naomi n te maan ae 10 te ririki.

Ruta 1:1–4

Ngkanne buun Oreba ao Ruta a mate. Ngkai aine a tiku tii ngaiia. Naomi e aki kona ni kamwarakeia Ruta ao Oreba.

Ruta 1:5, 8–10

Orebwa e okira abana. Ma Ruta e tangiria n tiku ni kawakina Naomi. Ruta ao Naomi a ongo bwa aban Iuta e a manga maiu te kai iaona, ngaia are a mwananga nako ikekei.

Ruta 1:16–19

Ruta ao Naomi a roko i Iuta n tain raoi te tai. A kainnanoa te amwarake. Ana koraki Naomi ae arana Boati iai ana tawana i Iuta. E kariaia Ruta bwa e na anai nikiran te wita man ana tawana. Bon te mwakuri ae kangaanga.

Ruta 1:22; 2:3

Boati e karinea Ruta ibukina bwa e mwakuri korakora ao ibukina bwa e kakaonimaki nakon Naomi ao nakon te Uea. E tuangiia ana toro bwa a na katikui wiita aika a mwaiti riki ibukin Ruta.

Ruta 2:5–17

Naomi e tangira Ruta bwa e na katea ana utu. E kaunga Ruta bwa e na mare ma Boati. Ruta e ataia bwa ngkana e mare ma Boati, a kona ni kawakina Naomi.

Ruta 3:1–2; 4:15

Ruta e baireia bwa e na tuanga Boati bwa e na iein ma ngaia. Boati e ataia bwa Ruta bon te aine ae kakaonimaki ae raoiroi. E kariaia.

Ruta 3:3–18; 4:13

Ruta ao Boati a iein. N te tai ae aki maan Ruta e a reke natina te mwane. E a riki bwa tibun Tawita, te uea n taai aika a na roko. Ririki ake imwiina, Iesu Kristo e bungiaki nakon ana rain te utu aei.

Ruta 4:13–17