Etita 2–5; 7–9

Etita te Ueannaine

E ninikoria n tain te kangaanga

Tabeman kain Iteraera a aranaki bwa Iutaia. Etita bon te Iutaia are e maeka i Betia. Ana karo a tia ni mate, ao aimwanena are Moretekai e tararuaia. E kaoaki nakon ana baereti te uea ma ataeinnaine ake tabeman n te abanuea. Te uea e tangira te ueannaine ae boou, ao e rinea Etita.

Etita 2:2–7, 16–17 

Te uea iai ana toro ae arana Aman are e rikirake ni karekea te mwaaka ae korakora. Aman e buoka te uea n tautaeka iaon te aba. Te uea e tuangiia aomata bwa a na bobaraaki nakon Aman.

Etita 3:1–2 

Ma Moretekai e aki kan bobaraki nakon Aman. Moretekai e tii bobaraaki nakon te Uea. Aio are e un iai Aman. E tangiria ni katuaea Moretekai ao ni kabane Iutaia.

Te Otinako 20:5; Etita 3:5–6, 8

Aman e tuanga te uea bwa Iutaia aki kan ira ana tua te uea. Ngaia te uea e kariaia Aman bwa e na karaoa te tua ae boou: n te bong teuana, ni kabane Iutaia a na bane n tiringaki.

Etita 3:8–11, 13 

Moretekai e tuanga Etita bwa e na taetae nakokon te uea. Te uea e kona ni bita ana tua Aman ao ni kamaiuia Iutaia. Ma Etita e maaku. N tabetai te uea e tiringiia aomata aika a roko n taetae nakoina n akea te kakao.

Etita 4:5–11

Moretekai e tuanga Etita bwa e na iangoia Iutaia ake a na tiringaki. Moreretaki e taku bwa te Uea e a tia ni katuka Etita n ana bwareti te uea bwa ena kamaiuia Iutaia.

Etita 4:13–14

Etita e ataia bwa e riai n taetae nakon te uea, riki ngkana e na kona n tiringaki. Etita e tuangiia ni kabane Iutaia ao ana toro bwa a na aki mamatam ma ngaia.

Etita 4:15–16 

Imwiin ana aki mamatam teniua te bong, Etita e katauraoia ao e nako n noora te uea.

Etita 5:1

Ngke e kawara te uea, e taua n arora ana kai. Aio nanona te uea e kukurei n nooria ao e na aki kamatea. E titiraki bwa tera ae e tangiria. Etita e tuanga te uea bwa ana aomata a reke n te kangaanga. Ibukin ana tua Aman, ngaia ao ni kabane Iutaia n te abanuea a na bane n tiringaki.

Etita 5:2–3; 7:4–6

Te uea e un iroun Aman ao e tiringnga. Te uea e karaoa te tua ae boou are e kataniia Iutaia. N te tai aei e kariaiakaki bwa ana kona ni kataniia ngkana iai ae e na kataia ni kaikoakiia.

Etita 7:9–10; 8:10–11

Ana onimaki Etita iroun te Uea ao ana ninikoria n taetae nakon te uea e kamaiuia ana botanaomata. N onean mwiin te mate ao te rawawata, e a boo te baka n amwarake. A kukurei Iutaia.

Etita 8:16–17; 9:18–32