Te Otinako 4–5; 7–12

Te Aoraki are Kamamate i Aikubita

Ana rinerine Bwarao ni kaitara te Uea

Mote e onimakina te Uea ao e okira Aikubita. Mote ao tarina ae Aron a nakon Bwarao ao a tuangnga bwa e na kainaomataia kain Iteraera ao a na kiitana Aikubita. Bwarao e un ao e rawa. E kairoroia kain Iteraera bwa a na mwakuri korakora riki.

Te Otinako 4:10–16; 5:1–18

Ibukina bwa Bwarao e aki ongo iroun te Uea, kain Aikubita a kamaraiaki n te aoraki ae kamamate. Te moan, ni kabane te ran i Aikubita e bitaki nakon te raraa. Mote e manga tuanga riki Bwarao bwa e na kainaomataia kain Iteraera, ma Bwarao e rawa.

Te Otinako 7:14–25

Imwina, te Uea e kanakoi biraoki nako Aikubita. A bunraea n tabo nako. Bwarao e taku bwa e na kainaomataia kain Iteraera ngkana a bane n nako biraoki. Te Uea e kanakoia biraoki, ma Bwarao e aki kariaia bwa a na nako kain Iteraera. Imwina te Uea e kanakoi uti ao nango.

Te Otinako 8:1–32

Imwina, ni kabane manin te oniman a mate, ma akea aia man kain Iteraera ae mate. Imwiina kain Aikubita e reke irouia te kaboa iaon rabwataia ae moan te kammaraki.

Te Otinako 9:3–12

Te buaka ae korakora n te karau ae matoatoa ao te ai e roko naba nako Aikubita. Aio are e a karekea te urubwai ae korakora.

Te Otinako 9:22–35

Bwarao e teimatoa n rawa ni kanakoia kain Iteraera. Imwiina te Uea e kanakoi rokati, ao a kang kanaia aomata ni kabane.

Te Otinako 10:12–20

Imwiina e roko te rotongitong inanon teniua te bong. Inanon butinaoraki aika kamamate aika a mwaiti, Bwarao e berita bwa e na kainaomataia kain Iteraera ngkana e toki te aoraki, ma e kewe n tainako.

Te Otinako 10:21–23, 27

Imwiin ruaiwa butinaoraki aika a kamamate aika a kaoti, Bwarao e teimatoa n aki kariaia kain Iteraera bwa a na nako. Te Uea e tuanga Mote bwa teuana riki te aoraki ae kamamate e na manga roko. Te Uea e kairiia ao e kawakiniia kain Iteraera ngkai a tataninga kainaomatakiia.

Te Otinako 11:4–7; 12:1–13