Maraki 1; 3

Te Burabeti ae Maraki

Maiuakinan tuan te kabwianibwai

Iutaia a kabwakai kabwianibwai n anga teuana te katebwi man arokaia ao aia man nakon te Uea. Te Uea e kakabwaiaia ngkai a kabwaka aia kabwianibwai. Ma tabeman Iutaia a waaki n anga kariki aika a buakaka ke maan aika a matakii ke aoraki bwa aia kabwianibwai. A kawakin aika a raraoi ibon ibukiia.

Karikani Bwaai 14:20; 28:22; Te Tua Kaua 12:6, 11, 17; Maraki 1:7–8, 12–13

Te Uea e aki kukurei. Maraki, te burabeti, e tuangiia Iutaia bwa a iraea te Uea ngkai aki kabwakai aia kabwianibwai ma te kokoaua. Maraki E tuangiia bwa a na rairinanoia.

Maraki 3:8–9

Te Uea e anganiia Iutaia te berita. Ngkana a anga te kabwianibwai ae koaua, te Uea e na kabwaroi kakabwaia aika a korakora mai karawa.

Maraki 3:10–12