Karikan Bwaai 17; 21–22

Aberaam ao Itaaka

Te karo, te nati, ao te karea

Aberaam ao Tarai e reke natiia te mwane, n aron are e berita iai te Uea. A aranna bwa Itaaka.

Karikani Bwaai 17:9; 21:1–3

A tangiriira Itaaka. A reireinna bwa e na rinea te eti ao e na onimakina te Uea.

Karikan Bwaai 21:8

Te Uea e berita nakon Aberaam ao Tarai bwa rinanon Itaaka aia utu e na rikirake ao e na kakabwaia te aonaaba ae bwanin. Ma n te bong teuana te Uea e tuanga Aberaam bwa e na ana Itaaka nakon te Maunga are Morea ao e na anga Itaaka bwa te karea.

Karikani Bwaai 17:1–8; 22:1–2

Iaon kawaia nakon te maunga, Itaaka e titiraki bwa enga te tibu te teei ibukin te karea. Aberaam e taku bwa te Uea e na bon katauraoia.

Karikan Bwaai 22:4–8

Iaon te Maunga are Morea, Aberaam e katea te bao ni karea ao e katokai aia iaona.

Karikan Bwaai 22:8–9

N aron are e tua te Uea, Aberaam e tuanga Itaaka bwa e na wene iaon te bao ni karea. Itaaka e onimakina Aberaam n ai aron te Tia Kamaiu Iesu Kristo n onimakina Tamana.

Karikan Bwaai 22:9

Ngke e a tauraoi Aberaam n anga Itaaka bwa te karea, ana anera te Uea e katokia. Aberaam e kaota onimakinan te Uea. Aberaam e ataia bwa e na iriira n tainako te Uea.

Karikan Bwaai 22:10–12

Aberaam e tabeka matana ao e noora te tibu mwaane ae bae n te aroka. Te Uea e katauraoa te tibu mwaane ibukin te karea.

Karikan Bwaai 22:13

Aberaam ao Itaaka a reiakina aron Tamara are i Karawa n anga natina Iesu Kristo bwa te karea. Te Uea Iesu Kristo e onimakina Aberaam ibukina bwa e ongotaeka. Aberaam e onimakina ana berita te uea are n te bong teuana ana utu a na rikirake mwaitiia nakon mwaitin itoin karawa.

Karikani Bwaai 22:17–18; Iakobwa 4:5