Taniera ma Raoraona

A rawa ni kana kanan te uea

Uean Baburon e tautaeka i Ierutarem. A kairiia nako tabeman ataeinimwane aika a wanawana ao a korakora ni kararoaia mai irouia aia utu i Ierutarem ao a kairiia n oki nako Baburon bwa a na beku ibukin te uea.

Taniera 1:1–4

Taniera ao raoraona bon tabeman ibuakoia ataeinimwane aikai. A rineaki bwa a na beku n ana auti ni boowi te uea ao a riki bwa mwane aika wanawana.

Taniera 1:4–6

Te uea e angan Taniera ao raoraona te amwarake ao te wain. Ma a bon aki kana kanan te uea ke n nima ana wain. E bon kaitara ana tua te Atua.

Taniera 1:5–8

Aio e maku iai ana toro te Uea ibukin maiuna. E kawakiniia Taniera ma Raoraona, ao e iangoia bwa ngkana a rawa ni kana ana amwarake te uea, a na rikirake ni mamaara nakoia ataeinimwane ake tabeman. Ngkanne e na un te uea ao e na tiringaki te toro.

Taniera 1:9–10

Ma Taniera e onimakina te Atua ao e tangiria n ongotaeka nakon Ana tua. Taniera e tuanga te toro bwa e n a anganna te ran ao te kurein ibukin 10 te bong ao imwiina e na kabotaua marurungina ma marurungiia ataeinimwane ake tabeman. E kariaia te toro.

Taniera 1:11–14

Imwiin 10 te bong, Taniera ao raoraona a marurung riki nakoia ni kabane ataeinimwane ake tabeman. Taniera ao raoraona a ira ana tua te Atua, ao te Atua e karikiia bwa mwane aika a wanawana riki n ana tabo ni bowi te uea.

Taniera 1:15–20