Te Otinako 19–20; 24; 31–34; Te Tua Kaua 4–7

Mote iaon te Maunga ae Tinai

Buokaia aomata n uringa te Uea

Te Maunga ae Tinai

Mote ao kaain Iteraera ngke a mwananga rinanon te rereua. A roko n te maunga ae aranaki bwa te Maunga ae Tinai.

Te Otinako 19:1

Mote ngke e tataro

Mote e tamwarakea te maunga bwa e na taetae ma te Uea. Te Uea e tuanga Mote bwa E tangiria n taetae nakoia kaain Iteraera n itaramata ma ngaiia.

Te Otinako 19:3, 9–11

te nang ni katobibia te maunga

Kaain Iteraera a roko i aan te Maunga ae Tinai, ao te Atua e karika te nang n te bubu ni katobibia te maunga. Te Uea e mena n te nang. E taetae nakoia kaain Iteraera ao e anganiia tua. Te maunga e mwaiei ngke E taetae.

Te Otinako 19:16–19; 20:1–17; Te Tua Kaua 4:12–13, 33; 5:4–5

A maaku kaain Iteraera

A bon maaku kaain Iteraera. A tuanga Mote bwa e na taetae ma te Uea bwa e aonga Mote n tuangiia te bwai are e tangiria te Uea.

Te Otinako 20:18–19

Unimwanen Iteraera iaon te maunga

Mote e uota Aaron ao 70 unimwane ae kaain Iteraera nakon te maunga bwa a na karekea riki ana reirei te Uea. Te Uea e kaoti nakoia.

Te Otinako 24:1, 9–11

te Uea e koroboki iaon atibu ibukin Mote

Imwiina te Uea e tuanga Mote bwa e na kitaniia unimwaane ao n nako n ae rietata riki n te maunga. Mote e ongeaba. Te Uea e kabonganai Tabonibaina ni korea Ana tua ao tua iaon atibu. Ibukin 40 te bong, te Uea e reireina Mote bwaai aika a mwaiti.

Te Otinako 24:12–18; 31:18

Kaain Iteraera a karaoa te kao te teei n te koora

Ngkai Mote e mena iaon te Maunga ae Tinai, aomata ake kaain Iteraera a kua n tataningaia. A tuanga Aaron bwa e na karaoa te boua ibukiia bwa a na taromauriia n aron are a karaoia i Aikubita. Aaron e ikoti ni kabane aia koora ao e karaoa katotongan te kao ae uarereke mai iai.

Te Otinako 32:1–4

Kaain Iteraera ngke a taromauriia te kao ae te koora

Kaain Iteraera a taromauriia te kao ae te koora ao anga aia karea nakoina. A taku bwa te kao ae te koora, tiaki te uea, ae e kainaomataia mai Aikubita.

Te Otinako 32:4–6, 21–24

Mote ngke e ruo rikaaki man te maunga

Te Uea e ataia ae kaain Iteraera a taromauriia te boua ao a mwaninga taekana. E tua nakon Mote bwa e na oki ao n tuangiia aomata bwa a na rairi nanoia.

Te Otinako 32:7–10

Mote ngke e taetae nakoia kaain Iteraera, te kao te koora e uruakaki

Mote e ruo rikaaki man te Maunga ae Tinai ao e nooria kaain Iteraera n taromauriia te kao ae te koora. E bon rangi n un. Aomata a bon aki tauraoi n ongo te tua ao ana tua te Uea are e a tia ni korei. Mote e urui bwatua ao e urua te kao are te koora. E buokiia kaain Iteraera bwa a na rairi nanoia ao n uringa te Atua ae Atuaia ni koaua.

Te Otinako 32:15–20, 25–29

Mote ngke e tataro

Mote e bubutiia te Uea bwa e na kabwarai aia bure kaain Iteraera ao ni manga karaoi berita riki ma ngaiia. Mote e berita bwa e na kairiia ao n reireiniia.

Te Otinako 32:30–34

Mote ma bwatua n Tua ake Tebwina

Te Uea e tuanga Mote bwa e na karaoi bwatua aika a boou man te atibu ao n oki rikaaki nakon te Maunga ae Tinai. Te Uea e karaoa te berita ae boou ma kaain Iteraera ao e anganiia Tua ake Tebwina.

Te Otinako 20:2–17; 34:1–17, 28; Te Tua Kaua 6:24–25; 7:12–13