“Mote te Burabeti,” Karaki man Te O Tetemanti (2022)
“Mote te Burabeti,” Karaki man Te O Tetemanti
Te Otinako 2–3
Mote te Burabeti
E weteaki bwa e na kainaomataia ana aomata te Uea
Mote e ikawairake bwa natin Bwarao te aine. Mote e nooria bwa kain Aikubita a iowawa nakoia kain Iteraera. E nanokawaki bwa kain Aikubita a karikiia kain Iteraera bwa aia toro.
Te bong teuana Mote e noora kain Aikubita n orea teuare kain Iteraera. Ni irantanga teuare kain Iteraera, Mote e tiringa kain Aikubita.
Ngke e a ataia Bwarao, e tangiria n tiringa Mote, ma Mote e birinako mai Aikubita.
Mote e roko n te tabo ae aranaki bwa Mirian, are e kaitibo iai ma te aine ae arana Tibora. A iein ao a riki natiia.
Ngke e maeka i Mirian, Mote e noora te aroka ae ura, ma te ai e aki kabuoka te aroka. Te Uea e kaoti n te ai ao e taetae nakon Mote.
Te Uea e taekinna ae E ataia bwa kain Iteraera a bwainikirinaki i Aikubita. E tuanga Mote bwa e na oki nako Aikubita ao e na tuanga Bwarao bwa e na kainaomataia kain Iteraera. Te Uea e taku bwa E na buoka Mote ni kainaomataia kain Iteraera ao e na kairiia nakon te aba ni berita.