“Rongorongon te O Tetemanti,” Karaki man te O Tetemanti (2022)
“Rongorongon te O Tetemanti,” Karaki man te O Tetemanti
Rongorongon te O Tetemanti
Ana berita Tamara are i Karawa nakoia Natina n taai aika a bwakanako
Te moan mwakoro n te Baibara ae Tabu bon te O Tetemanti. Koroboki aika a tabu aikai a kaman koreaki n taai aika a nako, riki imwain bungiakin Iesu Kristo. Iai karaki iai ake a na buokiira ni karekea Onimakinana. E reireiniira bwa aomata n tatabemaniia nako iaon te aba bon mwakoron ana utu Tamara are i Karawa ao E tangiriia Natina.
Te Tua Kaua 7:7–9; Itaia 45:10–12
N te O Tetemanti, Iesu Kristo e aranaki bwa Iehova ao te Uea. E ira ana kaetieti Tamara are i Karawa. Man aia tai Atam ao Ewa, Tamara are i Karawa e kanakoa te Uea Iesu Kristo bwa e na taetae nakoia Ana burabeti. Tamara are i Karawa e kanakoa te Tamnei ae Raoiroi bwa e na buokiira n atai ana taeka te burabeti bwa a koaua.
Te Otinako 6:2–3; 2 Rongorongo 20:20; Amota 3:7; 2 Betero 1:21; Mote 2:1
Te Uea e berita nakon Aberaam ao buuna ae Tara bwa aia utu e na rikirake ao e na kakabwaia te aonaaba ae bwanin. Tibuia te mwane are Iakoba e bubura ana utu ao e a riki bwa te botanaomata ae bubura. A aranaki bwa te bata are Iteraera, ke kaain Iteraera. Burabeti a reireiniia bwa a na tataninga nakon rokon Iesu Kristo.
Karikani Bwaai 15:5–6; 17:1–8; Te Tua Kaua 18:15; Itaia 7:14
A mwaiti karaki man te O Tetemanti aika a kaota aron kawakinan ana berita te Uea nakoia kaain Iteraera.
Karikani Bwaai 9:13–17; Ieremia 11:4–5; Ebera 11:1–35
Ngke a ongora kaain Iteraera nakoia burabeti ao a kawakin tua, te Uea e buokiia. Ngkana a aki ongeaba, E na aki kona ni buokiia.
Te Tua Kaua 11:26–28; Iobi 36:11–12
Bon ngkoe mwakoron ana utu Tamara are i Karawa. E akoi Tamara are i Karawa, ao E tangiriko. Iai ana babaire ibukim. Ibukina bwa te Uea Iesu Kristo, ko kona n oki ni manga maeka ma Tamara are i Karawa. N ai aroia kaain Iteraera ngke a reireinaki, ko kona n rineia n onimakina te Uea ao ni kawakin Ana tua.