“Taniera ao Nneia Raian,” Karaki man Te O Tetemanti (2022)
“Taniera ao Nneia Raian,” Karaki man Te O Tetemanti
Taniera 6
Taniera ao Nneia Raian
Ninikorian temanna te mwane n tataro
Taraiati e riki bwa te Uea iaon Baburon. E tatangira Taniera ao e tangiria bwa e na riki bwa te mataniwi n abanueana ni kabane. Tabeman ana aomata te uea ake a wanawana a bakantang.
Mwane aika a wanawana aikai a ataia bwa Taniera e tataro nakon te Atua, ma angaia ae a kamwanea te uea bwa e na karaoa te tua ae boou. Te aomata are e tataro nakon te Atua e na karenakoaki inanon te o n raian.
Taniera e rineia bwa e na tataro nakon te Atua n aki tabe iai. Mwane ake taan wanawana a noora Taniera ngke e tataro ao a tuanga te uea bwa e urua te tua Taniera. Te uea a ataia ae a tia ni kamwanea mwaane ake a wanawana. E kataia ni kakaea angana ni kamaiua Taniera, ma te uea e riai n ira oin ana tua.
Taniera e karenakoaki inanon te o n raian. Te uea e aki matu ni karokoa e ngaina, n aki mamatam bwa e aonga ni kamanoaki Taniera.
N te moani ingabong are imwina, te uea e kawaekoa nakon te o n raian. E wetea Taniera n nooria ngkana e bon teimatoa ni maiu. Taniera e kaeka te wewete! E tuanga te uea bwa te Atua e kanakoa te anera bwa ena kaini wiia raian. Raian aki kaikoakia.
Te uea e kukurei bwa e maiu Taniera. E katuaia mwaane ake a wanawana ake a kamwanea, ao e katoka te tua. E reirei n abanueana taekan mwaakan te Atua ao raoiroina.