2 Uea 22; 2 Rongorongo 34–35

Te Uea are Iotia

Te bwaintangira n te ongotaeka nakon ana tua te Atua

Iotia bon waniua ana ririki ngke e riki bwa uean Iuta. Bon te uea ae raoiroi are e tatangira te Uea. E tangiria ni buokiia ana aomata, kaain Iteraera, n ongeaaba nakon te Uea ao ni katoka taromaurian boua n anti. Ngke e a ikawai, ngaia ma ana aomata a waaki n onobwaia te tembora ao ni manga katamaroa.

2 Uea 22:1–2; 2 Rongorongo 34:3–7

Ngkai a mwakuri aomata n te tembora, Irekia te ibonga ae rietaata e kunea bokin tua, te niniira are kanoana koroboki aika a tabu.

2 Uea 22:3–9

Te toro e wareka te boki nakon Iotia. Iotia e ongo taian taeka ao e nanokawaki ibukina bwa aki ongeaaba ana aomata nakon te Uea. E raeuai kunnikaina ni kaotia bwa e nanokawaki.

2 Uea 22:10–13, 19

E tuanga Irekia bwa e na bubutiia te Uea te bwai ae a riai ni karaoia. Irekia ao ana toro te uea a kawara Nei Ureta. Neiei bon te burabeti n aine, te tia kairiiri ae kakaonimaki are e kairaki iroun te Atua. E taku bwa te Uea e kukurei iroun Iotia ibukina bwa e buokiia aomata n ongeaaba. Te Atua e berita bwa te Uea are Iotia e na maeka inanon te rau.

2 Uea 22:12–20

Te Uea are Iotia e tangiriia ana aomata bwa a na kawakin aia berita ma te Uea. E tuangiia bwa a na bukamarua te Toa are te Riao ni buokiia n uringa aron te Uea ni kainaomataia kaain Iteraera n taai aika a bwakanako i Aikubita.

2 Rongorongo 35:1–19