Ilo Aibōj Laļ eo, jān Crystal Suzanne

Pāpode 12

Elmen Aō Kakōm̧anm̧anļo̧k Aō Kabun̄jar n̄an Anij?”

Jon 2–4

Ko̧o̧njeļ Ippān Doon

Kar tōl jān eo juon uwaan būreejtōnji eo an kūlaaj eo ak doulul eo; tarrin 10-20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ ro ak Unin Tōl eo an Doulul eo an Priesthood eo an Aron Innem tōl juon iien ekōnono kōn jerbal in lo̧mo̧o̧r im mour eo eaibojooj ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe eo Eļap, 10.2, 11.2). Karōk wāween ko n̄an kōm̧m̧ane ta eo kom̧ij kōnono kake.

• Mour kōn gospel eo. Ewi wāween ad epaakeļo̧k Rilo̧mo̧o̧r? Ewi wāween ad kajjieon̄ erom̧ āinwōt E?

• Kea kōn ro rej pād ilo aikuj. Wōn eo eļakkar pād ilo ļōmņak ko ami? Ewi wāween ad maron̄ jipan̄ armej rein kajjojo?

• Karuwaineneik aolep n̄an bōk gospel eo. Ewi wāween ad uwaake kajjitōk ko an ro m̧ōttad kōn Kabun̄ in ilo juon wāween eo me enaaj kōkajoorļo̧k tōmak ko aer ilo Rilo̧mo̧o̧r?

• Kobaik baam̧le ko n̄an indeeo. Ta jet iaan wāween ko emaron̄ em̧m̧anļo̧k ad ekkejel ippān ro uwaan baam̧le eo, ro āinwōt ro jibūd im jim̧m̧aad im ro rilikiid?

Ilo jem̧ļo̧kin katak in, n̄e ekkar, kōm̧m̧ane laajrak in:

• Kam̧ool kōn pedped in katak ko kar katakin kaki.

• Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

Katakin Katak eo

Kar tōl jān juon ritōl erūtto ak juon jodikdik; tarrin 25–35 minit

Kōpooj Eok Make ilo Jetōb

Kōrā in Samaria kōmeļeļe kake ilo Jon 4 ekkā an kijor etal n̄an aibōj ļal eo n̄an ebōk dān. Ak iien in ekar oktak. Ekar loe juon em̧m̧aan Riju eo ekar kajjitōk nimen dān ippān. Make iaan eo ekar jab jim̧we kōnke Riju rej jab kijor ippān doon ippān RiSamaria ro. Ak ekar ejeļo̧k men en ebōd ippan̄ em̧m̧aan in. Ilo an ļōmņak ke E emaron̄ rikanaan eo, ekar kajjitōk Ippan̄ kajjitōk ko kōn kabun̄jar n̄an Anij. Emaron̄ ke kabun̄jar n̄an Anij ilo Samaria? Ak armej rej aikuj kabun̄jar ilo Jerusalem, āinwōt an kar Riju ba? (lale Jon 4:19–20). Em̧m̧aan eo ekar kōmeļeļe bwe ijo jej kabun̄jar ie ejjab aorōk jān elmen ad kabun̄jar: “ri kabuñ re ṃool renaaj kabuñ ñan Jemeir ilo Jetōb im ilo ṃool; bwe Jemeir ej pukot ro āierwōt bwe ren kabuñ ñan E.” (John 4:23). Innem em̧m̧an eo ba n̄an wōn E—E eo ej Kraist, Rilo̧mo̧o̧r an laļ (lale Jon 4:25–26).

Jodikdik ro kwoj kaktakin rej ke melele ta melele n̄an kabun̄jar n̄an Jemedwōj Ilan̄? Kakobaba ilo kabun̄jar ilo im̧ōn jar eo (lale Katak im Bujen ko 59:9–10), ta men ko jet remaron̄ kabun̄jar n̄an E, ekoba men ko remaron̄ kile ke ejjab kabun̄jar? Kein jipan̄ kein remaron̄ jipan̄ kwe kōppopo n̄an katakin er kōn elmen kōkam̧anm̧anļo̧k aer kabun̄jar n̄an Anij: Sam ko 95:1–7; Matu 4:8–10; Alma 32:4–11; Katak im Bujen Ko 20:17–19; 93:19–20, im ennaan eo an Bishop Dean M. Davies “The Blessings of Worship” (Liaona, Nov. 2016, 93–95).

Ekkatak Ippān Doon

N̄an jino ekōnono ko kōn kōkam̧anm̧anļo̧k kabun̄jar, komaron̄ karuwainene membōr in kūlaaj ak doulul eo n̄an kajjojo etale Jon 4:19–26 im jeki uwaak ko n̄an kajjitōk rōt kein: Etke ij kabun̄jar n̄an Anij? Ta meļeļein n̄an n̄an n̄an kabun̄jar n̄an Anij? Emaron̄ barāinwōt jipan̄ n̄an etale ippān doon meļeļe eo ium̧win “Worship” ilo Guide to the Scriptures (scriptures.ChurchofJesusChrist.org). Ālikin ewōr iien aer lin̄uri kajjitōk kein, karuwaienne er n̄an kwaļo̧k ļōmņak ko aer. Makūtkūt ko rej ellaajrak remaron̄ jipan̄ er bōke tōl ko jān Jetōb Kwojarjar.

• Membōr in kūlaaj ak doulul enaaj wōr ippāer kōļmenļo̧kjeņ ko raorōk kōn ta meļeļein kabun̄jar n̄an Anij. Komaron̄ kajjitōk ippāer n̄an kwaļo̧k en̄jake ko aer n̄e rekar en̄jake ke rekar kabun̄jar n̄an Anij. Ennaan kein jān jeje kein rekwojarjar āinwōt kein rej elaajrak remaron̄ kakobaba n̄an meļeļe ko aer im leļo̧k idea ko n̄an er kōn elmen kōm̧m̧an bwe kabun̄jar eo aer n̄an Anij en lukkuun wōr meļeļein: Sam ko 95:1–7; Matu 4:8–10; Alma 32:4–11; Katak im Bujen Ko 20:17–19; 93:19–20. Remaron̄ barāinwōt kōnono kōn ennaan eo jān Elder Bruce R. McConkie ilo “Kein Jipan̄ ko rej Rie.”

• N̄an jipan̄ jodikdik ro em̧m̧anļo̧k ilo kabun̄jar eo aer n̄an Anij, ļōmņak n̄an je naan kein ilo bo̧o̧t eo: Won, Etke, Ia, im Elmen. Kajjitōk ippāer n̄an etale jeje ko rekwojarjar rej ellaajrak ilo “Worship” ilo the Guide to the Scriptures (scriptures.ChurchofJesusChrist.org), kappukot eoon ko rej jipan̄ er meļeļe won, etke, ia, im elmen ad kabun̄jar. Ilo aer kappukot eoon ko rej rie, karuwainene er n̄an kōnono ippān kūlaaj ak doulul eo im jeki meļeļe ium̧win naan eo ekkar. Rōjan̄ er n̄an kwaļo̧k en̄jake ko aer kōn juon iien rekar en̄jake aer epaakeļo̧k n̄an ilo aer kabun̄jar.

• Ennaan eo an Bisop Dean M. Davies “The Blessings of Worship” ewōr waanjon̄ak ko armej rej kabun̄jar n̄an Anij. Komaron̄ riit ippān doon jekjōn eo “What Is Worship?” Innem kajjojo armej remaron̄ etale juon iaan waanjon̄ak kōn armej ro rej kabun̄jar waļo̧k ilo jekjon ko jilu ilo ennaan eo. Ta eo kajjojo waanjon̄ak ko kajjojo rej katakin kōn kōn kabun̄jar n̄an Anij? Ta eo jekjon eo āliktata ilo ennaan eo ej katakin kōn kōjeraam̧m̧an rej itok jān kabun̄ n̄an E kōn aolepen ad? Ta eo ej kadeel kōn n̄an kōm̧m̧an n̄an kakōm̧anm̧anļo̧k ad kabun̄jar n̄an Anij?

Kabun̄jar ekoba ekkatak jeje ko rekwojarjar im m̧akūtkūt ko rej ej kwaļo̧k aolepen ad im iakwe n̄an Anij.

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

• “Elements of Worship,” Teachings of Presidents of the Church: David O. McKay (2003), 29–37

• Donald L. Hallstrom, “The Conversion of the Children of God” (Seminaries and Institutes of Religion broadcast, June 13, 2017), broadcasts.ChurchofJesusChrist.org

• Elder Bruce R. McConkie ekar katakin: “Mool im weppan̄ ilo kabun̄jar ej loore elaajrak kein an Nejin Anij; ewōr kōjpārok kien ko im pokake ankilaan Jemed n̄an jon̄an eo jemaron̄ em̧m̧anļo̧k n̄an tūriam̧o n̄an tūriam̧o mae jenaaj nebar ilo Kraist āinwōt E eo ej ilo Jemen. Eļapļo̧k jān jar im kwaļo̧k naan im al. Ej mour im kōm̧m̧an im pokake. Ej mour āinwōt waanjon̄ak eo Em̧m̧an tata ” (“How to Worship,” Ensign, Dec. 1971, 130; capitalization modernized).

Teaching in the Savior’s Way

Katak ko loi ilo jeje ko rekwojarjar im naan ko an rikanaan ro raan-kein āliktata ewōr aer kajoor n̄an ukōte bōro ko im kōļapļo̧k tōmak. Ilo am̧ im ro kwoj katakin “kajjieon̄ jelōt ewānōk an naan in Anij,” kwonaaj loe bwe “eaar ļap an̄in n̄an tōl armej ro n̄an kōm̧m̧ane men eo ejim̧we” (Alma 31:5).